2 Samuel 18:32 - Ang Pulong sa Dios

³² Nangutana ang hari kaniya, “Kumusta ang batan-on nga si Absalom? Wala ba siya maunsa?” Mitubag ang tawo, “Hinaut nga ang nahitabo kaniya, mahitabo usab sa tanan mong mga kaaway, Mahal nga Hari.”

Ang Biblia 2011

³² Ang hari miingon sa Cusihanon, “Maayo ba ang kahimtang sa batan-ong lalaki nga si Absalom?” Ug ang Cusihanon mitubag, “Ang mga kaaway sa akong agalon nga hari, ug ang tanang nakigbatok kanimo sa pagbuhat sa makadaot kanimo, sila mahisama unta niadtong batan-ong lalaki.”

Maayong Balita Biblia

³² Nangutana ang hari ngadto sa Cusihanon, “Komusta si Absalom?” Ug ang Cusihanon mitubag, “Mahisama unta kang Absalom ang tanan mong kaaway, Kamahalan.”

Ang Bag-ong Maayong Balita Biblia

³² Nangutana ang hari ngadto sa Cusihanon, “Komusta si Absalom?” Ug ang Cusihanon mitubag, “Mahisama unta kang Absalom ang tanan mong kaaway, Kamahalan.”

2 Samuel 18:32 Cross References

2 Samuel 18:21

Unya miingon si Joab sa usa ka tawo nga taga-Etiopia, “Lakaw, ug sultihi si Haring David kon unsay imong nakita.” Pagkahuman ug yukbo sa tawo kang Joab, midagan kini.

2 Samuel 18:29

Nangutana ang hari, “Kumusta ang batan-on nga si Absalom? Wala ba siya maunsa?” Mitubag si Ahimaaz, “Sa dihang gipatawag ako ni Joab nga imong alagad, nakita ko nga nagkagubot ang mga tawo apan wala ako masayod kon unsa kadto.”

Salmo 109:20

Ginoo, hinaut pa nga mao kana ang imong isilot sa mga nagbutang-butang ug nagsulti ug daotan mahitungod kanako.

Daniel 4:16

Sulod sa pito ka tuig ilisdan ang iyang tawhanon nga panghuna-huna sa panghuna-huna sa usa ka mananap.

Daniel 4:19

Pagkadungog ni Daniel (nga gitawag usab ug Belteshazar) niini, nahilom siya sa makadiyot kay nalisang siya ug nabalaka sa gisulti sa hari bahin sa iyang damgo. Busa miingon ang hari kaniya, “Belteshazar, ayaw kalisang sa akong damgo ug sa kahulogan niini.” Mitubag si Belteshazar, “Mahal nga Hari, maayo unta kon ang imong damgo ug ang kahulogan niini mahitabo ngadto sa imong mga kaaway ug dili kanimo.

Mga Maghuhukom 5:31

“Busa Ginoo, hinaut nga malaglag ang imong mga kaaway. Apan hinaut nga ang mga naghigugma kanimo mahisama sa adlaw nga nagsidlak pag-ayo.” Ug ang mga Israelinhon nagkinabuhi nga malinawon sulod sa 40 ka tuig.

1 Samuel 25:26

“Karon, gipugngan ka sa Ginoo sa pagpanimalos ug sa pagpatay. Ipanumpa ko sa buhi nga Ginoo ug kanimo, nga hinaut pa nga ang imong mga kaaway ug ang tanan nga buot mopasipala kanimo silotan sa Dios sama nga silotan niya si Nabal.