2 Samuel 18:27 - Ang Pulong sa Dios

²⁷ Miingon ang tigbantay, “Ang gauna murag si Ahimaaz nga anak ni Sadok.” Miingon ang hari, “Maayo siya nga tawo. Aduna siguro siyay dalang balita.”

Ang Biblia 2011

²⁷ Ug ang tigbantay miingon, “Gihunahuna nako nga ang dinaganan sa labing una sama sa dinaganan ni Ahimaas nga anak ni Zadok.” Ug ang hari miingon, “Siya usa ka maayong tawo ug mianhi uban sa mga maayong balita.”

Maayong Balita Biblia

²⁷ Ug miingon ang guwardiya, “Ang nag-una samag dinaganan ni Ahimaas, ang anak ni Sadok.” Miingon ang hari, “Maayo siyang tawo ug nagdala siyag mga maayong balita.”

Ang Bag-ong Maayong Balita Biblia

²⁷ Ug miingon ang guwardiya, “Ang nag-una samag dinaganan ni Ahimaas, ang anak ni Sadok.” Miingon ang hari, “Maayo siyang tawo ug nagdala siyag mga maayong balita.”

2 Samuel 18:27 Cross References

2 Samuel 18:26

aduna na usab nakita ang tigbantay nga usa pa ka tawo nga gadagan. Misinggit siya nga aduna na usab lain nga naabot. Miingon ang hari, “Aduna pud siguro siyay dalang balita.”

1 Mga Hari 1:42

Samtang nagsulti pa siya, miabot si Jonatan nga anak ni Abiatar nga pari. Miingon si Adonia, “Sulod, kay maayo kang tawo, ug sigurado nga aduna kay dala nga maayong balita.”

2 Mga Hari 9:20

Misinggit pag-usab ang tigbalantay ngadto sa hari, “Nakaabot na kanila ang ikaduhang tigkabayo nga imong gisugo, apan wala usab siya mobalik! Ug labihan kakusog mopadagan ang pangulo sa mga sundalo, murag si Jehu!”

Mga Panultihon 25:13

Ang kasaligan nga mensahero makapagaan sa gibati sa nagsugo kaniya, sama sa bugnaw nga tubig panahon sa ting-init.

Mga Panultihon 25:25

Ang maayong balita nga gikan sa layong dapit sama sa mabugnaw nga tubig nga makapatagbaw sa tawong giuhaw.

Isaias 52:7

Pagkaanindot tan-awon sa mga mensahero nga naglatas sa kabukiran aron sa pagdala sa maayong balita nga adunay kalinaw na ang Jerusalem ug mahimong maayo na ang kahimtang niini tungod kay luwason kini sa Dios. Nag-ingon sila sa mga taga-Jerusalem, “Naghari ang inyong Dios!”

Roma 10:15

Ug unsaon man paglakaw ug pagsugilon sa mga tigbalita kon wala sila ipadala? Sumala sa Kasulatan: “Pagkatahom gayod kon moabot ang mga nagsangyaw sa Maayong Balita.”