2 Samuel 18:19 - Ang Pulong sa Dios

¹⁹ Unya, miingon si Ahimaaz, nga anak ni Sadok, kang Joab, “Tugoti ako nga moadto kang David aron sa pagbalita kaniya nga giluwas siya sa Ginoo gikan sa iyang mga kaaway.”

Ang Biblia 2011

¹⁹ Unya miingon si Ahimaas nga anak ni Zadok, “Padagana ako ug dad-on nako ang mga balita ngadto sa hari nga ang Ginoo nagluwas kaniya gikan sa gahom sa iyang mga kaaway.”

Maayong Balita Biblia

¹⁹ Niining higayona miingon si Ahimaas nga anak ni Sadok, “Paadtoa ako sa hari aron pagpahibalo kaniya nga giluwas siya sa Ginoo gikan sa iyang mga kaaway.”

Ang Bag-ong Maayong Balita Biblia

¹⁹ Niining higayona miingon si Ahimaas nga anak ni Sadok, “Paadtoa ako sa hari aron pagpahibalo kaniya nga giluwas siya sa Ginoo gikan sa iyang mga kaaway.”

2 Samuel 18:19 Cross References

2 Samuel 15:27

Miingon pa gayod si David kang Sadok, “Balik kamo ni Abiatar ngadto sa Jerusalem nga malinawon, uban ang imong anak nga si Ahimaaz ug ang anak ni Abiatar nga si Jonatan, ug pagpaniid kamo didto.

2 Samuel 15:36

Unya paanhia dinhi kanako ang ilang mga anak nga si Ahimaaz ug si Jonatan aron sa pagbalita kanako sa imong mga nadungog.”

2 Samuel 17:17

Niadtong higayona, naghulat si Jonatan nga anak ni Abiatar ug si Ahimaaz nga anak ni Sadok sa En Rogel, kay dili sila gustong makit-an nga mosulod ug mogawas sa Jerusalem. Adunay gikasabot sila nga usa ka sulugoong babaye nga maoy moadto ug mosulti kanila sa mensahe nga ilang ihatag ngadto kang David.

2 Samuel 18:20

Miingon si Joab, “Dili ikaw ang mobalita sa hari karong adlawa. Mahimo kang makabalita kaniya sa ubang adlaw apan dili karon, tungod kay namatay ang anak sa hari.”

2 Samuel 18:23

Miingon siya, “Bisan unsa pay mahitabo, molakaw gayod ako.” Busa miingon si Joab kaniya, “Sige, lakaw!” Busa midagan si Ahimaaz, ug nanglaktod siya sa kapatagan sa Jordan, ug naunhan pa niya ang tawo nga taga-Etiopia.

2 Samuel 18:31

Wala madugay miabot ang tawo nga taga-Etiopia ug miingon, “Mahal nga Hari, aduna akoy maayo nga balita. Giluwas ka sa Ginoo karong adlawa gikan sa tanang mirebelde kanimo.”

Salmo 10:14

Apan nakita mo ang nag-antos ug ang mga anaa sa kaguol, ug andam ikaw sa pagtabang kanila. Nagdangop kanimo ang mga makaluluoy sama sa mga ilo, ug ginatabangan mo sila.

Salmo 10:18

Hatagi ug katarungan ang mga ilo ug mga dinaog-daog, aron dili na sila hulgaon sa tawo nga gikan ra man sa yuta.

Salmo 7:6

Sige na, Ginoo nga akong Dios, ipakita ang imong kasuko sa akong mga kaaway nga naglagot pag-ayo kanako, kay buot mo man nga maangkon ko ang hustisya.

Salmo 9:16

Gipaila sa Ginoo kon kinsa gayod siya pinaagi sa iyang matarong nga paghukom. Ug ang mga daotang tawo naunay sa ilang kaugalingong daotang binuhatan.

Salmo 9:4

Tungod kay matarong ka nga maghuhukom nga naglingkod sa imong trono; imo akong gihukman ug imong gipamatud-an nga wala akoy sala.

Jeremias 51:31

Magsunod-sunod sa pag-abot ang mga tigbalita sa pagsugilon sa hari sa Babilonia nga ang iyang tibuok siyudad nailog na.

Roma 12:19

Mga hinigugma, ayaw gayod kamo pagpanimalos, kondili itugyan ninyo kini sa Dios nga mao ang magsilot kanila. Kay sa Kasulatan nag-ingon ang Dios: “Ako ang manimalos; ako ang magsilot.”