2 Samuel 17:8 - Ang Pulong sa Dios

⁸ Nakaila ka sa imong amahan ug sa iyang mga tawo; mga maisog sila nga sundalo ug bangis sama sa oso nga giilogan ug mga anak. Gawas pa niana, ang imong amahan hanas sa pagpakig-away, ug dili siya makig-uban ug katulog sa iyang mga tawo.

Ang Biblia 2011

⁸ Unya si Husai miingon, “Ikaw nahibalo nga ang imong amahan ug ang iyang mga tawo mga tawong kusgan, ug sila nangasuko pag-ayo sama sa oso nga gikawatan sa iyang mga anak diha sa kapatagan. Gawas pa niana ang imong amahan batid sa gubat, dili siya makig-uban sa katawhan panahon sa kagabhion.

Maayong Balita Biblia

⁸ Nasayod ka nga ang imong amahan ug ang iyang mga tawo lig-on kaayo, ug naglagot sila sama sa usa ka oso nga gikuhaan sa iyang mga itoy didto sa uma. Gawas pa niana, ang imong amahan batid kaayo sa gubat ug dili gayod siya magpakagabii tipon sa mga tawo.

Ang Bag-ong Maayong Balita Biblia

⁸ Nasayod ka nga ang imong amahan ug ang iyang mga tawo lig-on kaayo, ug naglagot sila sama sa usa ka oso nga gikuhaan sa iyang mga itoy didto sa uma. Gawas pa niana, ang imong amahan batid kaayo sa gubat ug dili gayod siya magpakagabii tipon sa mga tawo.

2 Samuel 17:8 Cross References

2 Samuel 15:18

Unya gipauna ni David ang tanan niyang mga tawo, apil na ang tanan niyang badigard nga mga Keretnon ug mga Peletnon. Misunod usab ang 600 ka mga Gitanhon nga miuban kaniya gikan sa Gat.

2 Samuel 17:9

Tingali niining higayona nagtago siya sa langub o sa uban nga mga dapit. Kon maunhan ka niya sa pag-asdang ug adunay mangamatay sa imong mga sundalo, ang makadungog niini moingon nga napildi na ang imong mga sundalo.

2 Samuel 23:16

Busa hilom nga misulod kadtong tulo ka maisog nga mga tawo sa kampo sa mga Filistihanon sa Betlehem, ug mikuha ug tubig gikan sa atabay ug gidala kang David. Apan wala moinom si David, iya hinuon kining giyabo ingon nga halad sa Ginoo.

2 Samuel 23:18

Si Abishai nga igsoon ni Joab, nga anak ni Zeruya mao ang pangulo sa 30. Nakapatay siya ug 300 ka mga Filistihanon pinaagi sa iyang bangkaw. Busa nahimo siyang bantogan sama sa tulo ka maisog nga mga tawo.

2 Mga Hari 2:24

Miatubang si Eliseo ug gitan-aw niya ang mga batan-ong lalaki, ug gitunglo sa ngalan sa Ginoo. Unya adunay duha ka bayeng oso nga nanggawas gikan sa kakahoyan ug gikunis-kunis ang 42 ka mga batan-ong lalaki.

Mga Panultihon 17:12

Mas makuyaw pa nga ikatagbo ang tawong buang-buang nga naghimog binuang kaysa mananap nga oso nga nawad-ag mga anak.

Mga Panultihon 28:15

Ang tawong daotan nga nagdumala sa mga kabos sama sa nagangulob nga liyon o oso nga andam sa pagtukob sa iyang biktima.

Ezequiel 19:2

“Ang imo nga inahan nahisama sa usa ka liyon nga nag-atiman sa iyang mga anak uban sa uban nga mga liyon.

Daniel 7:5

“Ang ikaduha nga mananap murag oso nga nagtindog sa iyang duha ka ulahing tiil ug nagtangag kini ug tulo ka gusok. Adunay tingog nga miingon kaniya, ‘Sige, kaon ug daghang karne.’

Mga Maghuhukom 18:25

Miingon sila, “Maayo pag mohilom ka na lang, kay basin ug masuko ang uban namong mga kauban ug patyon ka nila apil ang imong pamilya.”

1 Samuel 16:18

Mitubag ang usa sa iyang mga alagad, “Ang anak ni Jesse nga taga-Betlehem maayong motukar ug harpa, ug dili kay kana lang, isog siya ug maayong makig-away. Guwapo siya ug maayong manulti, ug nag-uban kaniya ang Ginoo.”

1 Samuel 17:50

Busa midaog si David batok kang Goliat pinaagi lang sa lambayog ug sa usa ka bato. Napatay niya si Goliat bisan wala siyay espada.

1 Samuel 23:23

Tultola ninyo ang tanang dapit nga iyang gitagoan, ug balik kamo dinhi kanako kon sigurado na gayod. Unya mouban ako kaninyo; ug kon atua gayod siya sa maong dapit gukdon ko gayod siya bisag latason ko pa ang tibuok yuta sa Juda.”