2 Samuel 17:23 - Ang Pulong sa Dios

²³ Sa dihang nahibaloan ni Ahitofel nga wala sunda ang iyang tambag, misakay siya sa iyang asno ug mipauli sa iyang lungsod. Namilin-bilin siya sa iyang pamilya ug unya naghikog pinaagi sa pagbitay sa iyang kaugalingon. Gilubong siya sa gilubngan sa iyang amahan.

Ang Biblia 2011

²³ Sa diha nga si Ahitofel nakakita nga ang iyang tambag wala tumana, gimontorahan niya ang iyang asno ug mipauli siya sa iyang kaugalingong siyudad. Ug gihusay niya ang iyang panimalay ug nagbitay sa iyang kaugalingon ug siya namatay ug gilubong sa lubnganan sa iyang amahan.

Maayong Balita Biblia

²³ Sa pagkakita ni Ahitofel nga wala tumana ang iyang tambag, gimontorahan niya ang iyang asno, ug mipauli siya sa iyang siyudad. Unya gihusay niya ang padagan sa iyang panimalay ug naghikog siya. Gilubong siya sa lubnganan sa iyang amahan.

Ang Bag-ong Maayong Balita Biblia

²³ Sa pagkakita ni Ahitofel nga wala tumana ang iyang tambag, gimontorahan niya ang iyang asno, ug mipauli siya sa iyang siyudad. Unya gihusay niya ang padagan sa iyang panimalay ug naghikog siya. Gilubong siya sa lubnganan sa iyang amahan.

2 Samuel 17:23 Cross References

2 Samuel 15:12

Samtang naghalad si Absalom, gipatawag niya si Ahitofel sa lungsod sa Gilo. Kini si Ahitofel taga-Gilo mismo, ug usa sa mga magtatambag ni David. Wala midugay, nagkadaghan pa gayod ang mga sumusunod ni Absalom. Busa milig-on pa gayod ang iyang plano sa pagrebelde kang David.

2 Samuel 15:31

Unya adunay nakasulti kang David nga si Ahitofel usa na sa mga misuporta kang Absalom. Busa nag-ampo si David, “Ginoo, himoang walay pulos ang tambag ni Ahitofel.”

2 Samuel 16:23

Niadtong panahona nagsunod gayod si Absalom sa mga tambag ni Ahitofel, sama sa gihimo ni David. Kay giisip nila ang tambag ni Ahitofel nga gikan sa Dios.

2 Samuel 17:22

Busa mitabok si David ug ang iyang mga tawo sa Suba sa Jordan, ug sa pagkakadlawon didto na silang tanan sa tabok.

1 Mga Hari 16:18

Sa dihang nakita ni Zimri nga nailog na ang lungsod, miadto siya sa lig-on nga bahin sa palasyo ug gisunog niya kini, ug naapil siya sa pagkasunog.

2 Mga Hari 20:1

Niadtong higayona nagsakit si Ezequias ug himalatyon na. Miadto kaniya si Propeta Isaias nga anak ni Amos ug miingon, “Nag-ingon ang Ginoo nga himuon mo na ang angay mong himuon kay dili ka na maulian gikan sa imong sakit kay mamatay ka na.”

Job 31:3

Dili ba kalaglagan ug katalagman alang sa naghimog daotan?

Salmo 109:20

Ginoo, hinaut pa nga mao kana ang imong isilot sa mga nagbutang-butang ug nagsulti ug daotan mahitungod kanako.

Salmo 5:10

O Dios, siloti ang akong mga kaaway. Hinaut pa nga maunay sila sa ilang daotang mga tinguha. Isalikway sila tungod sa ilang daghang mga sala, kay misupak sila kanimo.

Salmo 55:23

Apan ang mga mamumuno ug ang mga limbongan ilabay niya sa lawom kaayong bangag, ang dapit sa mga patay, nga dili pa sila makapahimulos sa katunga sa ilang kinabuhi. Apan ako mosalig sa Dios.

Mga Panultihon 16:18

Ang kahambog ug kamapahitas-on sa usa ka tawo makapalaglag kaniya.

Mga Panultihon 19:3

Adunay mga tawo nga nagdaot sa ilang kaugalingon pinaagi sa ilang kabuang, ug unya ang  Ginoo pa ang ilang basolon.

Isaias 38:1

Niadtong higayona nagsakit si Ezequias ug himalatyon na. Miadto kaniya si Propeta Isaias nga anak ni Amos ug miingon, “Nag-ingon ang  Ginoo nga himuon mo na ang angay mong himuon kay dili ka na maulian gikan sa imong sakit kay mamatay ka na.”

Mateo 27:5

Giitsa ni Judas ang kuwarta didto sa sulod sa templo. Unya migawas siya ug naghikog pinaagi sa pagbitay sa iyang kaugalingon.