2 Samuel 17:17 - Ang Pulong sa Dios

¹⁷ Niadtong higayona, naghulat si Jonatan nga anak ni Abiatar ug si Ahimaaz nga anak ni Sadok sa En Rogel, kay dili sila gustong makit-an nga mosulod ug mogawas sa Jerusalem. Adunay gikasabot sila nga usa ka sulugoong babaye nga maoy moadto ug mosulti kanila sa mensahe nga ilang ihatag ngadto kang David.

Ang Biblia 2011

¹⁷ Karon si Jonatan ug si Ahimaas naghulat didto sa En-rogel ug usa ka sulugoon nga babaye ang mag-adtoan ug magsugilon kanila, ug sila moadto ug magsugilon kang Haring David kay kinahanglan nga dili sila makit-an inigsulod sa siyudad.

Maayong Balita Biblia

¹⁷ Niining higayona si Jonatan ug si Ahimaas naghulat didto sa Enrogel kay kinahanglan man nga dili sila makit-an inigsulod nila sa siyudad. May babayeng sulugoon nga maoy tigtaho kanila ug sila usab maoy motaho kang David.

Ang Bag-ong Maayong Balita Biblia

¹⁷ Niining higayona si Jonatan ug si Ahimaas naghulat didto sa Enrogel kay kinahanglan man nga dili sila makit-an inigsulod nila sa siyudad. May babayeng sulugoon nga maoy tigtaho kanila ug sila usab maoy motaho kang David.

2 Samuel 17:17 Cross References

2 Samuel 15:27

Miingon pa gayod si David kang Sadok, “Balik kamo ni Abiatar ngadto sa Jerusalem nga malinawon, uban ang imong anak nga si Ahimaaz ug ang anak ni Abiatar nga si Jonatan, ug pagpaniid kamo didto.

2 Samuel 15:35

Atua didto si Sadok ug si Abiatar nga mga pari. Sultihi sila sa tanan mong madunggan didto sa palasyo sa hari.

2 Samuel 15:36

Unya paanhia dinhi kanako ang ilang mga anak nga si Ahimaaz ug si Jonatan aron sa pagbalita kanako sa imong mga nadungog.”

1 Mga Hari 1:42

Samtang nagsulti pa siya, miabot si Jonatan nga anak ni Abiatar nga pari. Miingon si Adonia, “Sulod, kay maayo kang tawo, ug sigurado nga aduna kay dala nga maayong balita.”

1 Mga Hari 1:9

Usa ka adlaw, miadto si Adonia sa Bato sa Zohelet duol sa En Rogel, ug naghalad siya didto ug mga karnero, mga baka, ug pinatambok nga mga nating torong baka. Giimbitar niya ang tanan niyang mga igsoon nga lalaki nga mga anak ni David, ug ang halos tanang mga opisyal sa Juda.

Josue 15:7

Unya mipaingon kini sa Walog sa Acor hangtod sa Debir, ug miliko sa amihan paingon sa Gilgal nga atbang sa Tungasanan sa Adumim sa habagatang bahin sa walog. Mipadayon kini sa mga tuboran sa En Shemesh hangtod sa En Rogel.

Josue 18:16

Milugsong dayon kini sa tiilan sa bukid nga atbang sa Walog sa Ben Hinom nga anaa sa amihan nga bahin sa Walog sa Refaim. Mipadayon kini ngadto sa Walog sa Ben Hinom, subay sa habagatan nga bakilid sa lungsod sa mga Jebusihanon, paingon sa En Rogel.