2 Samuel 17:14 - Ang Pulong sa Dios

¹⁴ Miingon si Absalom ug ang tanang tigdumala sa Israel, “Mas maayo ang tambag ni Hushai nga Arkanhon kay sa kang Ahitofel.” Pagbuot sa Ginoo nga dili sundon ni Absalom ang maayong tambag ni Ahitofel, aron malaglag si Absalom.

Ang Biblia 2011

¹⁴ Ug si Absalom ug ang tanang mga tawo sa Israel miingon, “Ang tambag ni Husai nga Arkihanon maayo pa kay sa tambag ni Ahitofel.” Kay ang Ginoo nagsugo nga mabuntog ang maayong tambag ni Ahitofel, sa tuyo nga ang Ginoo makahimo ug daotan kang Absalom.

Maayong Balita Biblia

¹⁴ Miingon si Absalom ug ang tanang mga tawo sa Israel, “Mas maayo ang tambag ni Husai kay sa tambag ni Ahitofel.” Maoy pagbuot sa Ginoo nga makawang ang tambag ni Ahitofel aron mahiagom si Absalom sa kadaot.

Ang Bag-ong Maayong Balita Biblia

¹⁴ Miingon si Absalom ug ang tanang mga tawo sa Israel, “Mas maayo ang tambag ni Husai kay sa tambag ni Ahitofel.” Maoy pagbuot sa Ginoo nga makawang ang tambag ni Ahitofel aron mahiagom si Absalom sa kadaot.

2 Samuel 17:14 Cross References

Genesis 32:28

Unya miingon ang tawo, “Sukad karon dili na Jacob ang imong ngalan kondili Israel na tungod kay nakigbisog ka sa Dios ug sa tawo, ug midaog ka.”

2 Samuel 15:31

Unya adunay nakasulti kang David nga si Ahitofel usa na sa mga misuporta kang Absalom. Busa nag-ampo si David, “Ginoo, himoang walay pulos ang tambag ni Ahitofel.”

2 Samuel 15:34

Apan kon mobalik ka sa siyudad ug sultihan mo si Absalom nga moalagad ka kaniya sama sa imong pag-alagad kanako kaniadto, matabangan mo ako pinaagi sa pagsanta sa mga tambag ni Ahitofel.

2 Samuel 16:23

Niadtong panahona nagsunod gayod si Absalom sa mga tambag ni Ahitofel, sama sa gihimo ni David. Kay giisip nila ang tambag ni Ahitofel nga gikan sa Dios.

2 Cronicas 10:15

Ug tuod man wala mamati ang hari sa hangyo sa mga tawo, kay pagbuot kadto sa Ginoong Dios aron matuman ang iyang gisulti kang Jeroboam nga anak ni Nebat pinaagi kang Ahia nga taga-Silo.

2 Cronicas 10:8

Apan wala tumana ni Rehoboam ang tambag sa mga hamtong. Nakigkita hinuon siya sa mga pamatan-on nga kaedad niya nga nag-alagad kaniya.

2 Cronicas 25:16

Samtang nagsulti pa ang propeta, mitubag ang hari, “Nganong gitambagan mo man ako? Gihimo ko ba ikaw nga akong magtatambag? Paghilom, kay kon dili, ipapatay ka nako.” Busa mihilom ang propeta human niya kini isulti: “Nasayod ako nga sigurado gayod nga laglagon ka sa Dios tungod kay nagsimba ka sa mga dios ug wala ka mamati kanako.”

2 Cronicas 25:20

Apan wala mamati si Amazia, kay pagbuot sa Dios nga itugyan siya sa mga kamot ni Joas tungod sa iyang pagsimba sa mga dios sa Edom.

Nehemias 4:15

Sa dihang nabalitaan sa among mga kaaway nga nahibaloan namo ang ilang plano sa pagsulong kanamo, ug nakaamgo sila nga giguba sa Dios ang ilang plano, namalik kami sa among pagtrabaho sa paril.

Job 12:17

Kuhaan niya sa kaalam ang mga magtatambag, ug himuon niyang mga buang-buang ang mga maghuhukom.

Salmo 9:15

Nahitabo gayod sa mga nasod ang ilang giplanong daotan. Sama ra nga nahulog sila sa bangag nga ilang gikalot o nalit-agan sa lit-ag nga ilang gibutang.

Salmo 9:16

Gipaila sa Ginoo kon kinsa gayod siya pinaagi sa iyang matarong nga paghukom. Ug ang mga daotang tawo naunay sa ilang kaugalingong daotang binuhatan.

Exodo 9:16

Apan gitugotan ka nako nga mabuhi aron makita mo ang akong gahom ug aron mabantog ang akong ngalan sa tibuok kalibotan.

Mga Panultihon 19:21

Daghan kitag mga plano, apan ang kabubut-on sa Ginoo maoy matuman.

Mga Panultihon 21:30

Walay kaalam, panabot, o tambag nga makatupong sa Ginoo.

Isaias 8:10

Bisag unsa pay inyong giplano batok kanamo, dili kini magmalampuson, tungod kay ang Dios kauban namo.

Mga Pagbangotan 3:37

Walay bisan unsa nga mahitabo nga walay pagtugot sa Ginoo.

Amos 9:3

Bisag motago pa sila sa kinatumyan sa Bukid sa Carmel, pangitaon ko sila didto ug dakpon. Bisag motago pa sila sa ilalom sa dagat, sugoon ko ang bitin didto sa pagpaak kanila.

Lucas 16:8

Pagkahibalo sa agalon sa iyang gihimo, gidayeg niya ang limbongan nga sinaligan sa kaabtik niini tungod kay nakapangandam na kini alang sa iyang umaabot. Kay ang mga tawo nga mipalabi sa mga butang dinhi sa kalibotan mas abtik makig-angay sa sama kanila kaysa mga gilamdagan na sa Dios.

1 Mga Taga-Corinto 3:19

Kay alang sa Dios, ang kaalam niining kalibotan binuang lang. Kay ang Kasulatan nag-ingon, “Dakpon sa Dios ang mga maalamon sa ilang pagkalimbongan.”

Deuteronomio 2:30

Apan wala mosugot si Sihon nga hari sa Hesbon nga moagi kita didto. Kay gipagahi sa Ginoo nga inyong Dios ang kasing-kasing ni Sihon aron itugyan niya siya sa atong mga kamot, sama sa iyang gihimo karong adlawa.

Josue 11:20

Kay gipagahi sa Ginoo ang ilang kasing-kasing aron makig-away sila sa mga Israelinhon. Niining paagiha gipamatay sila sa walay kaluoy ug nalaglag sila sa hingpit sumala sa gisugo sa Ginoo kang Moises.