2 Samuel 17:10 - Ang Pulong sa Dios

¹⁰ Unya bisan ang labing isog mong mga sundalo, nga sama kaisog sa liyon, mahadlok. Kay nahibalo ang tanang Israelinhon nga ang imong amahan hanas sa pagpakig-away ug isog ang iyang mga tawo.

Ang Biblia 2011

¹⁰ Ug bisan ang isog nga tawo nga ang kasingkasing sama sa kasingkasing sa usa ka liyon, matunaw sa kahadlok, kay ang tibuok Israel nahibalo nga ang imong amahan usa ka gamhanan nga tawo ug sila nga kauban niya mga isog nga mga tawo.

Maayong Balita Biblia

¹⁰ Unya bisan pa gani ang tawong isog nga sama sa liyon abuton ug dakong kahadlok kay nasayod ang tibuok Israel nga ang imong amahan tawong gamhanan ug hanas sa gubat ug isog usab ang iyang mga tawo.

Ang Bag-ong Maayong Balita Biblia

¹⁰ Unya bisan pa gani ang tawong isog nga sama sa liyon abuton ug dakong kahadlok kay nasayod ang tibuok Israel nga ang imong amahan tawong gamhanan ug hanas sa gubat ug isog usab ang iyang mga tawo.

2 Samuel 17:10 Cross References

Genesis 49:9

Sama ka Juda sa batan-ong liyon nga human pagpangita sa iyang tukbonon, mobalik sa iyang tago-anan ug molubog. Ug wala gayoy mangahas sa pagsamok kaniya.

2 Samuel 1:23

Gimahal gayod sa mga Israelinhon si Saulo ug si Jonatan sa buhi pa sila, ug nag-inunongay sila hangtod sa kamatayon. Mas abtik pa sila kay sa mga agila ug mas kusgan pa kay sa mga liyon.

2 Samuel 17:9

Tingali niining higayona nagtago siya sa langub o sa uban nga mga dapit. Kon maunhan ka niya sa pag-asdang ug adunay mangamatay sa imong mga sundalo, ang makadungog niini moingon nga napildi na ang imong mga sundalo.

2 Samuel 23:20

Adunay usa pa ka maisog nga tawo nga ginganlan ug Benaya. Taga-Kabzeel siya, ug ang iyang amahan si Jehoyada. Nakahimo siya ug pinasahi nga mga buhat, apil na ang pagpatay sa duha ka pinakamaayo nga sundalo sa Moab. Sa usa usab ka higayon, gigukod niya ang usa ka liyon. Bisan ga-snow, nanaog siya sa bangag ug gipatay niya ang liyon.

Salmo 89:19

Kaniadto nakigsulti ka sa imong matinumanon nga mga alagad pinaagi sa panan-awon. Miingon ka: “Gitabangan ko ang usa ka sundalo. Gipili ko siya gikan sa akong mga katawhan aron mahimong hari.

Exodo 15:15

Ang mga pangulo sa Edom ug Moab magkurog sa kahadlok, ug ang mga pangulo sa Canaan daw malipong sa kahadlok.

Mga Panultihon 28:1

Ang tawong daotan moikyas bisag walay naggukod kaniya, apan ang tawong matarong dili mahadlok sama sa liyon.

Awit sa mga Awit 3:7

Si Solomon kana nga gidayongan diha sa iyang lingkoranan ug gilibotan sa 60 ka pinakaisog nga mga sundalo sa Israel.

Isaias 13:7

Nianang panahona, mangaluya ang tanang kamot sa mga tawo. Malisang ang tanang mga tawo.

Isaias 19:1

Kini nga mensahe bahin sa Ehipto: Pamati! Nagsakay ang  Ginoo sa tulin nga panganod padulong sa Ehipto. Sa iyang pag-abot, mangurog sa kahadlok ang mga dios-dios sa Ehipto, ug malisang ang mga Ehiptohanon.

Ezequiel 21:15

Mangurog sila sa kahadlok ug daghan ang mangamatay kanila. Gibutang ko na ang espada diha sa mga pultahan sa ilang siyudad aron sa pagpatay kanila. Nagpangidlap kini sama sa kilat ug andam na sa pagpamatay.

Deuteronomio 1:28

Unsaon nato pag-adto didto nga gihadlok man kita sa mga naniid sa dapit? Nag-ingon sila nga ang mga tawo didto mas kusgan ug mas tag-as kay kanato, ug ang ilang mga lungsod dagko ug gilibotan sa mga paril nga ang gitas-on daw moabot na sa langit. Ug nakita pa nila didto ang mga kaliwat ni Anak.”

Mga Hebreo 11:34

wala sila mapaso sa nagdilaab nga kalayo, ug nakalingkawas sila sa kamatayon pinaagi sa espada. Ang uban kanila luya na kaayo apan gipabaskog sila. Nahimo silang maisog sa pagpakig-gira ug napildi nila ang mga sundalo sa uban nga lungsod.

1 Samuel 16:18

Mitubag ang usa sa iyang mga alagad, “Ang anak ni Jesse nga taga-Betlehem maayong motukar ug harpa, ug dili kay kana lang, isog siya ug maayong makig-away. Guwapo siya ug maayong manulti, ug nag-uban kaniya ang Ginoo.”

1 Samuel 18:17

Usa niana ka higayon, miingon si Saulo kang David, “Andam ako nga ipaasawa kanimo ang akong kamagulangang anak nga si Merab sa kondisyon nga mag-alagad ka kanako nga maisogon ug makig-gira alang sa Ginoo.” Naghuna-huna si Saulo nga pinaagi niini mapatay si David sa mga Filistihanon, ug dili na kinahanglan nga siya pa ang mopatay niini.