2 Samuel 16:1 - Ang Pulong sa Dios

¹ Igo lang nakalapas ug gamay si David sa tumoy sa bukid sa dihang gitagbo siya ni Ziba nga sulugoon ni Mefiboset. Aduna siyay dalang duha ka asno nga gikargahan ug 200 kabuok nga pan, 100 ka kumkom nga pasas, 100 ka hinog nga prutas, ug bino nga gisulod sa sudlanan nga panit.

Ang Biblia 2011

¹ Sa diha nga si David nakalabang na ug diyotay sa kinatumyan, si Ziba nga sulugoon ni Mefiboset misugat kaniya, uban ang duha ka asno nga gikargahan ug duha ka gatos ka buok pan, usa ka gatos ka pungpong nga pasas, usa ka gatos nga bunga sa ting-init ug usa ka sudlanang panit nga bino.

Maayong Balita Biblia

¹ Sa pagsaylo nag diyutay ni David sa kinatumyan sa bukid, gisugat siya ni Ziba nga sulugoon ni Mepiboset ug gidad-an siyag duha ka asno nga gikargahan ug 200 ka buok pan, 100 ka pungpong nga ubas ug 100 ka buok prutas ug usa ka puntil nga panit nga gisudlag bino.

Ang Bag-ong Maayong Balita Biblia

¹ Sa pagsaylo nag diyutay ni David sa kinatumyan sa bukid, gisugat siya ni Ziba nga sulugoon ni Mepiboset ug gidad-an siyag duha ka asno nga gikargahan ug 200 ka buok pan, 100 ka pungpong nga ubas ug 100 ka buok prutas ug usa ka puntil nga panit nga gisudlag bino.

2 Samuel 16:1 Cross References

2 Samuel 15:30

Mitungas si David sa Bukid sa mga Olibo. Nagtiniil lang siya ug ginatabonan niya ang iyang ulo samtang gahilak. Mitungas usab nga gahilak ang iyang mga kauban ug ginatabonan usab nila ang ilang mga ulo.

2 Samuel 15:32

Sa dihang nakaabot sila si David sa ibabaw sa Bukid sa mga Olibo, diin ginasimba sa mga tawo ang Dios, gitagbo sila ni Hushai nga Arkanhon. Gisi ang iyang bisti ug adunay abog ang iyang ulo sa pagpakita sa iyang pagsubo.

2 Samuel 19:17

Aduna siyay kauban nga 1,000 ka mga Benjaminhon, apil na niini si Ziba nga alagad sa pamilya ni Saulo, ug ang iyang 15 ka mga anak nga lalaki ug 20 ka sulugoon. Midali-dali gayod sila sa pagtagbo kang David didto sa Suba sa Jordan.

2 Samuel 19:32

Tigulang na si Barzilai; 80 na ang iyang edad. Adunahan kaayo siya, ug siya ang naghatag sa mga kinahanglanon ni David sa dihang didto pa kini magpuyo sa Mahanaim.

1 Cronicas 12:40

Nagdala usab ug pagkaon ang ilang mga kadugo gikan sa halayong mga dapit sa Isacar, Zabulon, ug Neftali. Gikarga nila kini sa mga asno, kamelyo, mula, ug baka. Daghan kaayo ang gipadala nga mga harina, mga binulad nga igos, pasas, bino, lana, baka, ug karnero. Nagmalipayon gayod ang tanan sa Israel.

Mga Panultihon 18:16

Sayon ra duolon ang tawong dungganon kon aduna kay dala nga regalo alang kaniya.

Jeremias 40:10

Ako, sa akong kabahin, magpabilin dinhi sa Mizpa aron sa pagrepresentar kaninyo sa mga taga-Babilonia nga moanhi dinhi kanato. Puyo kamo sa mga dapit nga inyong nailog. Makapanguha kamo sa mga ubas, mga olibo, ug uban pang mga prutas, ug tipigi ninyo kini sa inyong mga sudlanan.”

Jeremias 40:12

Busa namalik silang tanan sa Juda gikan sa nagkalain-laing dapit diin sila nagkatibulaag, ug nangadto kang Gedalia sa Mizpa. Unya nanguha silag daghan kaayong mga ubas ug uban pang mga prutas.

Amos 8:1

Mao kini ang panan-awon nga gipakita sa Ginoong Dios kanako: Nakita ko ang usa ka bukag nga adunay hinog nga mga prutas.

Miqueas 7:1

Alaot ako! Sama ako sa tawo nga gapanghagdaw nga wala gayoy makitang bunga sa igos o sa ubas nga ako gayong gitinguha.

1 Samuel 10:3

“Inig-abot mo sa kahoy nga tugas sa Tabor, aduna kay masugatan nga tulo ka tawo nga nagpadulong sa Betel aron sa pagsimba sa Dios. Ang usa kanila nagdalag tulo ka batan-ong kanding, ang usa tulo ka pan, ug ang usa usab nagdalag bino nga gisulod sa sudlanan nga panit.

1 Samuel 16:20

Busa gipadala ni Jesse si David ngadto kang Saulo nga adunay dalang usa ka asno nga kargado ug pan, usa ka sudlanan nga panit nga puno ug bino, ug usa ka batan-ong kanding.

1 Samuel 25:18

Wala na mag-usik ug panahon si Abigail. Nagpakuha siyag 200 kabuok pan, duha ka sudlanan nga panit nga puno ug bino, lima ka inihaw nga karnero, usa ka sako nga sinanlag nga lugas, 100 ka hakop nga pasas, ug 200 ka hakop binulad nga igos. Unya gipakarga niya kini sa mga asno,