2 Samuel 15:24 - Ang Pulong sa Dios

²⁴ Didto usab ang mga pari nga si Sadok ug Abiatar, ug ang tanang mga Levita nga nagdala sa Sudlanan sa Kasabotan sa Dios. Gibutang nila ang Sudlanan sa Kasabotan ug naghalad si Abiatar hangtod nga nakabiya sa siyudad ang tanang mga tawo ni David.

Ang Biblia 2011

²⁴ Unya miabot si Abiatar ug si Zadok usab uban sa tanang mga Levihanon nga nagdala sa sudlanan sa kasabotan sa Dios, ug gipahiluna nila ang sudlanan sa kasabotan sa Dios hangtod nga ang tanang katawhan nakalabay gikan sa siyudad.

Maayong Balita Biblia

²⁴ Unya miabot si Abiatar ug si Sadok kinuyogan sa tanang mga Levita nga maoy nagyayong sa Sudlanan sa Kasabotan sa Dios ug sa iyang katawhan. Unya ilang gibutang sa yuta ang Sudlanan hangtod nakalabay ang tanang tawo nga gikan sa siyudad.

Ang Bag-ong Maayong Balita Biblia

²⁴ Unya miabot si Abiatar ug si Sadok kinuyogan sa tanang mga Levita nga maoy nagyayong sa Sudlanan sa Kasabotan sa Dios ug sa iyang katawhan. Unya ilang gibutang sa yuta ang Sudlanan hangtod nakalabay ang tanang tawo nga gikan sa siyudad.

2 Samuel 15:24 Cross References

2 Samuel 15:27

Miingon pa gayod si David kang Sadok, “Balik kamo ni Abiatar ngadto sa Jerusalem nga malinawon, uban ang imong anak nga si Ahimaaz ug ang anak ni Abiatar nga si Jonatan, ug pagpaniid kamo didto.

2 Samuel 15:35

Atua didto si Sadok ug si Abiatar nga mga pari. Sultihi sila sa tanan mong madunggan didto sa palasyo sa hari.

2 Samuel 20:25

Ang sekretaryo sa hari mao si Sheva. Ang mga pangulong pari mao sila si Sadok ug si Abiatar.

2 Samuel 6:13

Sa dihang nakalakaw na ug unom ka lakang ang mga nagdala sa Sudlanan sa Ginoo, gipahunong sila ni David ug naghalad siya ug usa ka torong baka ug usa ka pinatambok nga nating torong baka.

2 Samuel 8:17

Ang mga pari mao si Sadok nga anak ni Ahitub ug si Ahimelec nga anak ni Abiatar. Ang sekretaryo mao si Seraya.

1 Mga Hari 1:8

Apan wala mouyon kaniya si Sadok nga pari, si Benaya nga anak ni Jehoyada, si Propeta Natan, si Shimei, si Rei, ug ang mga badigard ni David.

1 Mga Hari 2:26

Unya miingon si Haring Solomon kang Abiatar nga pari, “Pauli sa imong uma sa Anatot. Angay ka man untang patyon, apan dili ka nako patyon karon kay ikaw ang gitugyanan sa Sudlanan sa Ginoong Dios sa dihang kauban pa ikaw sa akong amahan nga si David, ug nakig-ambit ka sa iyang mga pag-antos.”

1 Mga Hari 2:35

Unya gihimo sa hari si Benaya nga komander sa mga sundalo puli kang Joab. Ug ang gipuli niya kang Abiatar mao si Sadok nga pari.

1 Cronicas 15:2

Unya miingon si David, “Walay modala sa Sudlanan sa Dios gawas sa mga Levita, tungod kay sila ang gipili sa Ginoo nga moalagad sa iyang presensya hangtod sa kahangtoran.”

Ezequiel 48:11

Kini nga yuta alang sa pinili nga mga pari, nga mao ang mga kaliwat ni Sadok. Matinumanon sila nga nag-alagad kanako ug wala mobiya kanako sama sa gihimo sa uban nga mga kaliwat ni Levi nga miuban sa mga Israelinhon nga mibiya kanako.

Numeros 4:15

“Human mataboni ni Aaron ug sa iyang mga anak nga lalaki ang Tolda nga Tagboanan ug ang tanang mga kagamitan niini, kuhaon ug dayongan kini sa mga kaliwat ni Kohat sa higayon nga mobiya na sila sa ilang gikampohan. Apan kinahanglang dili gayod nila tandogon kining balaan nga mga butang aron dili sila mamatay. Mao kadto ang mga kagamitan sa Tolda nga Tagboanan nga dad-on sa mga kaliwat ni Kohat.

Numeros 7:9

Apan wala hatagi ni Moises ug karomata o baka ang mga kaliwat ni Kohat kay kinahanglang pas-anon lang gayod nila ang balaan nga mga butang sa Tolda.

Josue 3:3

ug mimando sa mga tawo, “Inigkakita ninyo nga pas-anon na sa mga pari nga kaliwat ni Levi ang Sudlanan sa Kasabotan sa Ginoo nga inyong Dios, sunod kamo kanila,

Josue 3:6

Giingnan usab ni Josue ang mga pari, “Dad-a na ninyo ang Sudlanan sa Kasabotan ug mag-una kamo sa mga tawo.” Gituman nila ang giingon ni Josue.

Josue 6:4

Paunahon mo sa Sudlanan sa Kasabotan ang pito ka mga pari nga nagtagsa ug dala ug budyong. Unya sa ikapito nga adlaw, molibot kamo sa lungsod ug kapito, uban sa mga pari nga nagpatingog sa mga budyong.

Josue 6:6

Busa gitawag ni Josue nga anak ni Nun ang mga pari ug giingnan, “Dad-a ninyo ang Sudlanan sa Kasabotan sa Ginoo. Mag-una ang pito kaninyo nga magtagsa ug dala ug budyong.”

1 Samuel 22:20

Apan nakaikyas si Abiatar nga anak ni Ahimelec ug nakig-uban kang David.

1 Samuel 4:11

Nailog sa mga Filistihanon ang Sudlanan sa Kasabotan, ug napatay usab ang duha ka anak ni Eli nga si Hofni ug si Pinehas.