2 Samuel 15:12 - Ang Pulong sa Dios

¹² Samtang naghalad si Absalom, gipatawag niya si Ahitofel sa lungsod sa Gilo. Kini si Ahitofel taga-Gilo mismo, ug usa sa mga magtatambag ni David. Wala midugay, nagkadaghan pa gayod ang mga sumusunod ni Absalom. Busa milig-on pa gayod ang iyang plano sa pagrebelde kang David.

Ang Biblia 2011

¹² Ug samtang si Absalom naghalad pa ug mga halad, iyang gipakuha si Ahitofel nga Gilohanon nga magtatambag ni David gikan sa iyang siyudad sa Gilo. Ug ang pag-alsa nagkadako ug ang katawhan nga uban kang Absalom nagkadaghan.

Maayong Balita Biblia

¹² Ug samtang naghalad si Absalom ug mga mananap nga sunogon, gipakuha niya si Ahitofel nga magtatambag ni David gikan sa siyudad sa Gilo. Nagkadako ang tinguha sa pag-alsa batok kang David ug nagkadaghan ang mga tawo nga dapig kang Absalom.

Ang Bag-ong Maayong Balita Biblia

¹² Ug samtang naghalad si Absalom ug mga mananap nga sunogon, gipakuha niya si Ahitofel nga magtatambag ni David gikan sa siyudad sa Gilo. Nagkadako ang tinguha sa pag-alsa batok kang David ug nagkadaghan ang mga tawo nga dapig kang Absalom.

2 Samuel 15:12 Cross References

2 Samuel 15:31

Unya adunay nakasulti kang David nga si Ahitofel usa na sa mga misuporta kang Absalom. Busa nag-ampo si David, “Ginoo, himoang walay pulos ang tambag ni Ahitofel.”

2 Samuel 16:15

Sa laing bahin, miabot si Absalom, si Ahitofel, ug ang uban pang mga Israelinhon sa Jerusalem.

2 Samuel 17:14

Miingon si Absalom ug ang tanang tigdumala sa Israel, “Mas maayo ang tambag ni Hushai nga Arkanhon kay sa kang Ahitofel.” Pagbuot sa Ginoo nga dili sundon ni Absalom ang maayong tambag ni Ahitofel, aron malaglag si Absalom.

2 Samuel 17:23

Sa dihang nahibaloan ni Ahitofel nga wala sunda ang iyang tambag, misakay siya sa iyang asno ug mipauli sa iyang lungsod. Namilin-bilin siya sa iyang pamilya ug unya naghikog pinaagi sa pagbitay sa iyang kaugalingon. Gilubong siya sa gilubngan sa iyang amahan.

2 Samuel 23:34

si Elifelet nga anak ni Ahasbai nga taga-Maaca; si Eliam nga anak ni Ahitofel nga taga-Gilo;

1 Mga Hari 21:12

Gitigom nila ang mga tawo aron magpuasa ug gipalingkod nila si Nabot atubangan sa mga tawo.

1 Mga Hari 21:9

Mao kini ang mensahe sa iyang sulat: “Tigoma ninyo ang mga katawhan aron magpuasa, ug palingkora ninyo si Nabot atubangan sa mga tawo.

1 Cronicas 27:33

Si Ahitofel usa usab sa magtatambag sa hari. Si Hushai nga Arkanhon suod nga higala sa hari.

Salmo 41:10

Apan kaloy-i ako, Ginoo; ayoha ako aron makabalos ako sa akong mga kaaway.

Salmo 41:9

Bisan ang suod kong higala nga gisaligan ko pag-ayo ug nakigsalo kanako sa pagkaon nagluib kanako.

Mga Panultihon 15:8

Ngil-aran ang  Ginoo sa halad sa mga daotan, apan gikalipay niya ang pag-ampo sa mga matarong.

Mga Panultihon 21:27

Ngil-aran ang Ginoo sa halad sa mga daotan, labi na gayod kon daotan kinig motibo.

Jeremias 6:20

Walay bili kanako ang gihalad nila nga insenso nga gikan pa sa Sheba, o ang mga pahumot nga gikan pa sa layong dapit. Dili ko dawaton ang ilang mga halad nga sinunog. Ang ilang mga halad dili makapalipay kanako.”

Numeros 23:1

Miingon si Balaam kang Balak, “Himoi ako dinhi ug pito ka halaran, ug andami ako ug pito ka torong baka ug pito ka hamtong nga laking karnero.”

Numeros 23:14

Busa gidala ni Balak si Balaam sa usa ka uma sa Zofim ibabaw sa Bukid sa Pisga, ug didto naghimo siyag pito ka halaran ug naghalad ug pito ka torong baka ug pito ka hamtong nga laking karnero, tagsa sa kada halaran.

Numeros 23:30

Busa gihimo ni Balak ang giingon ni Balaam, ug naghalad siya ug usa ka torong baka ug usa ka hamtong nga laking karnero sa kada halaran.

Juan 13:18

“Wala ako moingon nga bulahan kamong tanan, kay nakaila ako sa akong mga pinili. Apan kinahanglan nga matuman ang giingon sa Kasulatan nga ‘ang tawo nga nakigsalo kanako sa pagkaon mao pa ang magtraydor kanako.’

Tito 1:16

Nag-ingon sila nga nakaila sila sa Dios, apan dili kini makita diha sa ilang binuhatan. Talamayon sila! Masupilon! Dili sila makahimo ug bisan unsa nga maayo.

Josue 15:51

Goshen, Holon, ug Gilo nga 11 ka mga lungsod apil ang mga baryo sa palibot niini.