2 Samuel 15:10 - Ang Pulong sa Dios

¹⁰ Apan sa dihang didto na si Absalom sa Hebron, misekreto siyag padala ug mga mensahero sa tibuok Israel sa pagsulti niini, “Inigkadungog ninyo sa tingog sa budyong, singgit kamo, ‘Si Absalom na ang hari sa Hebron!’ ”

Ang Biblia 2011

¹⁰ Apan sa tago, si Absalom nagpadala ug mga sinugo ngadto sa tanang mga banay sa Israel, nga nag-ingon, “Sa diha nga madunggan ninyo ang tingog sa trumpeta, moingon kamo, ‘Si Absalom mao ang hari sa Hebron!’ ”

Maayong Balita Biblia

¹⁰ Apan sa tago nagsugo si Absalom ug mga tawo ngadto sa tanang mga banay sa Israel aron ingnan ang mga tawo, “Inigkabati ninyo sa tingog sa trumpeta, singgit kamo, ‘Si Absalom hari na sa Hebron!’”

Ang Bag-ong Maayong Balita Biblia

¹⁰ Apan sa tago nagsugo si Absalom ug mga tawo ngadto sa tanang mga banay sa Israel aron ingnan ang mga tawo, “Inigkabati ninyo sa tingog sa trumpeta, singgit kamo, ‘Si Absalom hari na sa Hebron!’”

2 Samuel 15:10 Cross References

2 Samuel 13:28

Miingon si Absalom sa iyang mga tawo, “Hulata ninyo nga mahubog si Amnon, unya inigsinyas ko, patya ninyo siya. Ayaw kamo kahadlok; ako ang nagsugo kaninyo. Pagpakalig-on kamo ug pagpakaisog.”

2 Samuel 14:30

Unya miingon si Absalom sa iyang mga sulugoon, “Sunoga ninyo ang uma ni Joab nga gitamnan ug barley. Anaa kini tapad sa akong uma.” Busa gisunog nila ang uma ni Joab.

2 Samuel 15:9

Miingon ang hari kaniya, “Sige, ug maayong paglakaw.” Busa miadto si Absalom sa Hebron.

2 Samuel 19:10

Namatay sa panag-away si Absalom nga atong gipili nga mangulo kanato. Nganong dili man kita mangitag paagi nga mapabalik si David ingon nga hari?”

2 Samuel 2:1

Human niadto, nangutana si David sa Ginoo, “Motungas ba ako sa usa sa mga lungsod sa Juda?” Mitubag ang Ginoo, “Oo.” Nangutana si David, “Asa dapit?” Mitubag ang Ginoo, “Sa Hebron.”

2 Samuel 2:11

Ug naghari si David sa Juda sulod sa pito ka tuig ug unom ka bulan. Didto siya magpuyo sa Hebron.

2 Samuel 5:5

Pito ka tuig ug unom ka bulan siyang naghari sa Juda sa dihang didto siya sa Hebron, ug 33 ka tuig siyang naghari sa tibuok Israel ug Juda sa dihang didto siya sa Jerusalem.

1 Mga Hari 1:11

Miadto si Natan kang Batseba nga inahan ni Solomon ug nangutana, “Wala ka ba masayod nga gihimo ni Adonia nga anak ni Hagit, ang iyang kaugalingon nga hari, ug wala masayod niini si Haring David?

1 Mga Hari 1:34

ug didto dihogan ni Sadok ug ni Natan ug lana ang ulo ni Solomon sa pagpaila nga siya ang pinili nga hari sa Israel. Unya patingoga ninyo ang budyong ug singgit kamo, ‘Malungtarong kinabuhi alang sa Mahal nga Haring Solomon!’

2 Mga Hari 9:13

Gihubo dayon sa mga opisyal ang ilang mga kupo ug gibuklad sa hagdanan nga gitindogan ni Jehu. Unya gipatingog nila ang budyong ug misinggit, “Si Jehu na ang hari!”

1 Cronicas 11:3

Busa didto sa Hebron, naghimo si David ug kasabotan uban sa mga tigdumala sa Israel sa presensya sa Ginoo, ug gidihogan nila ug lana ang ulo ni David sa pagpaila nga siya na ang hari sa Israel, sumala sa gisaad sa Ginoo pinaagi kang Samuel.

1 Cronicas 12:23

Mao kini ang gidaghanon sa mga armadong sundalo nga nangadto kang David didto sa Hebron aron itugyan ngadto kaniya ang gingharian ni Saulo, sumala sa gisaad sa Ginoo:

1 Cronicas 12:38

Kini silang tanan mga sundalo nga miboluntaryo sa pagpakig-gira. Nangadto sila sa Hebron nga ang tumong mao ang paghimo kang David nga hari sa tibuok Israel. Ang tibuok Israel nagkahiusa gayod nga si David ang himuon nilang hari.