2 Samuel 14:7 - Ang Pulong sa Dios

⁷ Unya, miadto kanako ang tanan kong mga paryente ug miingon, ‘Itugyan kanamo ang imong anak, kay amo siyang patyon tungod kay iyang gipatay ang iyang igsoon. Dili siya angay nga manunod sa kabtangan sa iyang amahan.’ Kon himuon nila kini, mawala ang nahibilin kong anak nga mao na lang ang akong gilaoman nga motabang kanako, ug mawala na ang ngalan sa akong bana niining kalibotana.”

Ang Biblia 2011

⁷ Karon ang tibuok panimalay mitindog batok sa imong sulugoon nga babaye ug sila miingon, ‘Ihatag siya nga nagpatay sa iyang igsoon nga lalaki, aron patyon namo siya alang sa kinabuhi sa iyang igsoon nga iyang gipatay,’ ug malaglag usab nila ang manununod. Sa ingon niini mapalong nila ang baga nga nahibilin kanako, ug walay mahibilin sa akong bana nga ngalan o salin sa ibabaw sa yuta.”

Maayong Balita Biblia

⁷ Ug karon ang tanan kong paryenti mialsa batok kanako ug giingnan nila ako, ‘Itugyan kanamo ang nagpatay sa iyang igsoon kay patyon usab namo siya.’ Busa buot usab nilang patyon ang manununod. Niining paagiha ila gayod akong kuhaan sa tanan nga nahibilin kanako ug kawad-an ang akong bana sa iyang ngalan ug kaliwat.”

Ang Bag-ong Maayong Balita Biblia

⁷ Ug karon ang tanan kong paryenti mialsa batok kanako ug giingnan nila ako, ‘Itugyan kanamo ang nagpatay sa iyang igsoon kay patyon usab namo siya.’ Busa buot usab nilang patyon ang manununod. Niining paagiha ila gayod akong kuhaan sa tanan nga nahibilin kanako ug kawad-an ang akong bana sa iyang ngalan ug kaliwat.”

2 Samuel 14:7 Cross References

Genesis 27:45

ug malimtan na niya ang imong gibuhat kaniya. Ipakuha ko lang unya ikaw kon wala na siyay kasuko kanimo. Dili ako makaantos nga dungan kamong mawala kanako.”

Genesis 4:14

Giabog mo ako karon gikan niini nga yuta ug sa imong presensya. Wala na akoy permanente nga puloy-anan, busa maglatagaw na lang ako. Ug kon adunay makakita kanako sigurado nga patyon niya ako.”

2 Samuel 12:17

Giadtoan siya sa iyang mga opisyal aron pabangonon, apan midumili siya, ug dili siya mokaon uban kanila.

2 Samuel 14:6

ug adunay duha ka anak nga lalaki. Usa niana ka adlaw nag-away silang duha sa uma, ug tungod kay wala didtoy makaulang kanila, namatay ang usa kanila.

2 Samuel 14:8

Giingnan sa hari ang babaye, “Pauli kay ako na ang bahala. Maghatag akog mando nga dili nila unsaon ang imong anak.”

Numeros 35:19

Ang duol nga paryente sa gipatay adunay katungod sa pagpatay sa kriminal; kinahanglan patyon niya ang kriminal kon makit-an niya kini.

Mateo 21:38

“Apan sa pagkakita sa mga saop sa iyang anak, miingon sila, ‘Ania na ang manununod. Dali, patyon nato aron maato ang iyang mapanunod.’

Deuteronomio 25:6

Ang kamagulangan nilang anak isipon nga anak sa namatay niyang igsoon aron dili mawala ang ngalan niini sa Israel.