2 Samuel 14:3 - Ang Pulong sa Dios

³ Unya adto sa hari ug isulti kaniya kining isulti ko kanimo.” Unya gitudloan ni Joab ang babaye kon unsay iyang isulti ngadto sa hari.

Ang Biblia 2011

³ Unya lakaw ngadto sa hari ug sultihi niining paagiha.” Gitudloan siya ni Joab kon unsay isulti.

Maayong Balita Biblia

³ Unya lakaw ngadto sa hari ug sultihi siya sa giingon ko kanimo.” Gitudloan ni Joab ang babaye sa isulti ngadto sa hari.

Ang Bag-ong Maayong Balita Biblia

³ Unya lakaw ngadto sa hari ug sultihi siya sa giingon ko kanimo.” Gitudloan ni Joab ang babaye sa isulti ngadto sa hari.

2 Samuel 14:3 Cross References

2 Samuel 14:19

Nangutana ang hari, “Si Joab ba ang nagtudlo kanimo niini?” Mitubag ang babaye, “Dili gayod ako makalimod kanimo, mahal nga hari. Oo, si Joab nga imong alagad ang nagsugo kanako sa paghimo niini ug siya ang nagtudlo kon unsa ang akong isulti.

2 Samuel 14:4

Pag-abot sa babaye didto sa hari, miyukbo siya agig pagtahod sa hari. Ug miingon, “Tabangi ako, Mahal nga Hari!”

Esdras 8:17

Gipaadto ko sila kang Iddo nga pangulo didto sa Casifia aron hangyoon siya ug ang iyang paryente nga mga sulugoon sa Templo nga magpadala ug mga tawo nga moalagad sa Templo sa Dios.

Exodo 4:15

Pakigsultihi siya, ug tudloi kon unsay iyang isulti. Tabangan ko kamong duha sa pagsulti, ug tudloan ko usab kamo sa inyong himuon.

Isaias 51:16

Gitudlo ko kaninyo ang angay ninyong isulti, ug gipanalipdan ko kamo pinaagi sa akong gahom. Ako ang nagpahimutang sa kalangitan ug ang nagbutang sa mga patukoranan sa kalibotan. Ug ako ang nag-ingon sa Zion, ‘Ikaw ang akong katawhan.’ ”

Isaias 59:21

“Ug mao kini ang akong kasabotan uban kaninyo: Dili gayod mawala ang akong Espiritu nga anaa kaninyo ug ang mga pulong nga gisulti ko kaninyo. Isugilon ninyo kini sa inyong mga kabataan, ug isugilon usab nila kini sa ilang kabataan, ug magpadayon kini sukad karon ug hangtod sa kahangtoran. Ako, ang  Ginoo, ang nag-ingon niini.”

Jeremias 1:9

Unya gihikap sa Ginoo ang akong baba ug miingon, “Gibutang ko karon sa imong baba ang akong mga pulong nga imong isulti.

Numeros 23:5

Gihatagan sa Ginoo si Balaam ug mensahe ug miingon, “Balik ngadto kang Balak ug isulti kaniya kini nga mensahe.”

Deuteronomio 18:18

Magpadala ako kanila ug usa ka propeta nga sama kanimo nga ilang kadugo. Ipasulti ko kaniya ang tanan nga gusto kong isulti kanila.