2 Samuel 14:14 - Ang Pulong sa Dios

¹⁴ Mamatay kitang tanan; mahisama kita sa tubig nga nayabo sa yuta nga dili na matigom pag-usab. Apan dili lang basta-basta nga kuhaon sa Dios ang kinabuhi sa tawo; nagtinguha pa gani hinuon siya nga mahibalik kaniya ang iyang mga tawo nga nahilayo kaniya.

Ang Biblia 2011

¹⁴ Kinahanglan nga kitang tanan mamatay, kita sama sa tubig nga nayabo sa yuta nga dili na matigom pag-usab, apan ang Dios dili mobawi sa kinabuhi niadtong nangita ug mga paagi aron kadtong nahimulag dili mahimong usa ka sinalikway.

Maayong Balita Biblia

¹⁴ Mangamatay tang tanan kay sama kita sa tubig nga giyabo sa yuta nga dili na mahipos pag-usab. Bisan ang Dios dili mokuha sa kinabuhi sa tawo nga nangitag paagi nga mahiuli ang iyang gipakagiw.

Ang Bag-ong Maayong Balita Biblia

¹⁴ Mangamatay tang tanan kay sama kita sa tubig nga giyabo sa yuta nga dili na mahipos pag-usab. Bisan ang Dios dili mokuha sa kinabuhi sa tawo nga nangitag paagi nga mahiuli ang iyang gipakagiw.

2 Samuel 14:14 Cross References

2 Samuel 11:25

Miingon si David sa mensahero, “Ingna si Joab nga dili siya angayng maguol tungod sa nahitabo, kay dili man gayod matagna kon kinsa ang mamatay sa gira. Ingna siya nga pangusgan pa gayod niya ang pagsulong sa lungsod hangtod nga malaglag kini.”

2 Samuel 14:15

“Mahal nga Hari, mianhi ako dinhi sa pagsugilon sa akong problema tungod kay nahadlok ako sa mga tawo. Miingon ako sa akong kaugalingon nga makigsulti ako kanimo kay basin na lang ug himuon mo ang akong ihangyo kanimo

1 Mga Hari 11:39

Tungod sa mga sala ni Solomon, silotan ko ang mga kaliwat ni David, apan dili hangtod sa kahangtoran.’ ”

Job 14:14

Kon mamatay ang tawo mabuhi pa ba siya pag-usab? Kon ingon niana, agwantahon ko ang tibuok nga panahon sa akong pag-antos hangtod moabot ang panahon nga matapos kini.

Job 30:23

Nasayod ako nga dad-on mo ako sa dapit sa mga patay, sa dapit nga gitagana mo nga adtoan sa tanang mga tawo.

Job 34:15

mangamatay ang tanang mga tawo ug mobalik ngadto sa yuta.

Job 34:19

Wala niya pabori ang mga pangulo, ug wala niya ipalabi ang mga adunahan kaysa mga kabos, kay silang tanan managsama nga iyang gibuhat.

Salmo 22:14

Nawad-an na akog kusog; sama kini sa tubig nga giyabo, ug ang tanan kong mga bukog murag nangalisa. Nawad-an na akog kaisog; sama ako sa kandila nga naupos.

Salmo 22:15

Nawad-an na akog kusog; sama ako sa mibagtik nga yuta. Ug ang akong dila miungot sa akong alingagngag. Ginoo, gipasagdan mo ako nga hapit nang mamatay.

Salmo 58:7

Mawala unta sila nga daw tubig nga mihubas. Ug kon mamana sila, dili unta sila makaigo.

Salmo 77:8

Nawala na ba gayod ang iyang paghigugma kanako? Dili na ba gayod niya tumanon ang iyang saad?

Salmo 79:3

Gipaagas nila nga daw tubig sa tibuok Jerusalem ang dugo sa imong katawhan, ug walay bisan usa nga nahibilin aron sa paglubong sa mga patay.

Salmo 90:10

Ang katas-on sa among kinabuhi 70 ka tuig, o 80 ka tuig kon baskog kami. Apan bisan pa ang labing maayo namong mga katuigan puno sa mga kaguol ug kalisod. Unya molabay kini, ug mahanaw kami.

Salmo 90:3

Ikaw ang nagbuot sa kamatayon sa tawo; ibalik mo siya sa yuta nga mao ang iyang gigikanan.

Exodo 21:13

Apan kon wala niya tuyoa ug gitugot ko kini nga mahitabo, maggahin ako ug dapit nga iyang katagoan.

Ecclesiastes 9:5

Sa tinuod, nasayod ang buhi nga tawo nga mamatay siya, apan ang patay walay nahibaloan. Wala na siyay ganti nga madawat, ug malimtan na siya.

Mga Pagbangotan 3:31

Kay ang Ginoo dili mosalikway kanato hangtod sa kahangtoran.

Ezequiel 18:23

Ako, ang Ginoong Dios, dili malipay kon mamatay ang usa kadaotan nga tawo. Malipay ako kon maghinulsol siya ug padayong mabuhi.

Levitico 26:40

“ ‘Tungod sa inyong pagluib ug pagsupak kanako, kontrahon ko kamo ug ipabihag sa lugar sa inyong mga kaaway. Apan kon maghinulsol kamo sa inyong mga sala ug sa sala sa inyong mga katigulangan ug undangon na ninyo ang pagpagahi sa inyong ulo, ug dawaton ninyo ang silot tungod sa inyong mga sala,

Numeros 35:15

Kining unom ka lungsod mahimong dalangpanan dili lamang sa mga Israelinhon, kondili, lakip na usab sa mga langyaw nga nagpuyo uban kanila, aron ang si bisan kinsa kanila nga makapatay nga wala tuyoa makadangop nianang mga lungsod.

Numeros 35:25

Kinahanglan nga protektahan sa katilingban ang tawong nakapatay batok sa tawong buot manimalos kaniya, ug ibalik siya ngadto sa lungsod nga dalangpanan, diin siya midangop. Kinahanglan nga magpabilin siya didto hangtod mamatay ang pangulong pari.

Numeros 35:28

Busa kinahanglan nga ang nakapatay magpabilin gayod sa lungsod nga dalangpanan; makapauli lang siya sa ila kon mamatay ang pangulong pari.

Mateo 22:16

Unya gisugo nila ang uban sa ilang mga tinun-an ug ang pipila ka tawo ni Herodes. Nangutana sila kang Jesus, “Magtutudlo, nasayod kami nga tinuod ang imong gipanulti. Gitudlo mo sa mga tawo ang kamatuoran bahin sa kabubut-on sa Dios. Ug wala ka magpauyon-uyon sa mga tawo bisan kinsa pa sila.

Mga Buhat 10:34

Busa miingon si Pedro, “Karon nahibaloan ko na nga ang Dios walay pinalabi.

Roma 2:11

Kay ang Dios walay pinalabi.

Deuteronomio 10:17

Kay ang Ginoo nga inyong Dios mao ang Dios sa mga dios ug Ginoo sa mga ginoo. Gamhanan siya ug katingalahan nga Dios. Wala siyay pinalabi ug dili siya modawat ug suborno.

Mga Hebreo 9:27

Ang tawo kausa lang gayod mamatay, ug pagkahuman hukman siya sa Dios.

1 Pedro 1:17

Ang Dios walay pinalabi. Naghukom siya sa tanan nga tawo sumala sa ilang binuhatan. Busa kon gitawag ninyo siya nga Amahan diha sa inyong mga pag-ampo, tahora ninyo siya samtang ania pa kamo sa kalibotan.