2 Samuel 13:37 - Ang Pulong sa Dios

^37-38 Nagsubo si David alang sa iyang anak nga si Amnon sulod sa taas nga panahon. Sa dihang milayas si Absalom, miadto siya sa hari sa Geshur nga si Talmai, nga anak ni Amihud. Didto siya nagpuyo sulod sa tulo ka tuig.

Ang Biblia 2011

³⁷ Apan si Absalom mikagiw ug miadto kang Talmai nga anak nga lalaki ni Amihud, ang hari sa Gesur. Ug nagbangutan si David tungod sa iyang anak sa matag adlaw.

Maayong Balita Biblia

^37-38 Si Absalom mikagiw ngadto sa hari sa Gesur nga si Talmai, anak ni Amihud ug mipuyo didto sulod sa tulo ka tuig. Ug adlaw-adlaw nagbangotan si David tungod kang Amnon.

Ang Bag-ong Maayong Balita Biblia

^37-38 Si Absalom mikagiw ngadto sa hari sa Gesur nga si Talmai, anak ni Amihud ug mipuyo didto sulod sa tulo ka tuig. Ug adlaw-adlaw nagbangotan si David tungod kang Amnon.

2 Samuel 13:37 Cross References

2 Samuel 13:34

Ug bahin kang Absalom, milayas siya.” Unya ang tigbalantay sa paril sa Jerusalem adunay nakitang daghang tawo nga nagpadulong. Gikan sila sa kasadpan, ug didto mag-agi sa kilid sa bungtod. Miadto ang tigbalantay sa hari ug miingon, “Adunay nakita akong mga tawo sa dalan sa Horonaim, sa kilid sa bungtod.”

2 Samuel 13:36

Pagkahuman gayod niyag sulti, miabot ang mga anak nga lalaki ni David ug nanghilak sila. Mihilak usab ug kusog si David ug ang tanan niyang mga alagad.

2 Samuel 14:13

Miingon ang babaye, “Wala ka kaha makasala sa katawhan sa Dios niining imong gisulti kanako? Sa imong gisulti, gihukman mo nga sad-an ang imong kaugalingon kay wala nimo pabalika ang imong anak nga giabog.

2 Samuel 14:23

Unya milakaw si Joab sa Geshur ug gidala pagbalik si Absalom sa Jerusalem.

2 Samuel 14:32

Mitubag si Absalom kang Joab, “Tungod kay wala ka moanhi dinhi sa dihang gipatawag ka nako. Gusto ko unta nga moadto ka sa hari sa pagpangutana kaniya kon nganong gipakuha niya ako sa Geshur. Mas maayo pa nga nagpabilin na lang ako didto. Karon, gusto ko nga makita ang hari. Kon nakasala ako, mahimo niya akong ipapatay.”

2 Samuel 15:8

Sa didto pa ako magpuyo sa Geshur nga sakop sa Aram, nagsaad ako nga kon pabalikon ako pag-usab sa Ginoo dinhi sa Jerusalem, mosimba ako kaniya sa Hebron.”

2 Samuel 3:3

Ang ikaduha mao si Kileab nga anak niya kang Abigail nga asawa kanhi ni Nabal nga taga-Carmel. Ang ikatulo mao si Absalom nga anak niya kang Maaca nga anak ni Talmai nga hari sa Geshur.

1 Cronicas 3:2

Ang ikatulo mao si Absalom nga ang inahan mao si Maaca nga anak sa hari sa Geshur nga si Talmai. Ang ikaupat mao si Adonia nga ang inahan mao si Hagit.