2 Samuel 13:24 - Ang Pulong sa Dios

²⁴ Miadto siya kang Haring David ug miingon, “Nagpagunting ako sa akong mga karnero. Mahimo ba nga moadto ka uban ang imong mga opisyal sa pagsaulog niini nga okasyon uban kanako?”

Ang Biblia 2011

²⁴ Ug si Absalom miadto sa hari ug miingon, “Tan-awa, ang imong ulipon may mga tigtupi sa mga karnero. Ako naghangyo nga unta ang hari ug ang iyang mga sulugoon mouban sa imong sulugoon.”

Maayong Balita Biblia

²⁴ Ug miadto si Absalom sa hari ug iyang giingnan, “Patupihan ko ang akong mga karnero ug hangyoon ko ikaw ug ang imong mga kadagkoan sa pag-apil sa masadya nga higayon.”

Ang Bag-ong Maayong Balita Biblia

²⁴ Ug miadto si Absalom sa hari ug iyang giingnan, “Patupihan ko ang akong mga karnero ug hangyoon ko ikaw ug ang imong mga kadagkoan sa pag-apil sa masadya nga higayon.”

2 Samuel 13:24 Cross References

Genesis 38:12

Miabot ang panahon, namatay ang anak ni Shua nga asawa ni Juda. Pagkahuman sa iyang pagbangotan, miadto siya sa mga tigtupi sa iyang mga karnero didto sa Timnah. Kauban niya sa pag-adto ang iyang amigo nga si Hira nga taga-Adulam.

2 Samuel 13:23

Paglabay sa duha ka tuig, sa dihang gipaguntingan ni Absalom ang iyang mga karnero sa Baal Hazor, duol sa Efraim, giimbitar niya ang tanang anak sa hari sa pagtambong didto.

2 Samuel 13:25

Mitubag ang hari, “Ayaw na lang anak, kay magastoan ka lang kon motambong kaming tanan.” Namugos gayod si Absalom kaniya, apan midumili gayod siya sa pag-adto. Gipanalanginan lang niya si Absalom.

Salmo 12:2

Ang tanan gabakak sa ilang isigka-tawo. Gilimbongan nila ug giulog-ulogan ang usag usa.

Salmo 55:21

Malumo ug maayo siyang manulti, apan aduna diay siyay pagdumot sa iyang kasing-kasing. Ug ang iyang mga pulong makapasakit sa pagbati sa uban. Sama kini sa mahait nga espada.

1 Samuel 25:7

Nakabalita ako nga nagpatupi ka sa imong mga karnero. Sa dihang nakauban namo ang imong mga magbalantay sa karnero sa Carmel, wala namo sila unsaa ug walay nawala kanila.