2 Samuel 13:13 - Ang Pulong sa Dios

¹³ Unsa na lay nawong nga akong ikapakita sa mga tawo? Ug ikaw, isipon ka nga usa ka buang-buang sa Israel. Sultihi lang ang atong amahan bahin niini; sigurado nga tugotan niya ikaw nga mangasawa kanako.”

Ang Biblia 2011

¹³ Ako, asa man nako dad-a ang akong kaulaw? Ug mahitungod kanimo, ikaw mahimong sama sa usa sa mga mapatuyangon nga buang sa Israel. Busa karon, ako naghangyo kanimo, sultihi ang hari kay siya dili maghikaw kanako gikan kanimo.”

Maayong Balita Biblia

¹³ Sa akong bahin, tungod sa kaulaw, unsa mang nawonga ang ikaatubang ko sa mga tawo? Ug sa imong bahin, ikaw mahimong usa sa mga buangbuang dinhi sa Israel. Busa karon, hangyoon ko ikaw, sultihi niini ang hari. Nagtuo ako nga dili ka niya balibaran.”

Ang Bag-ong Maayong Balita Biblia

¹³ Sa akong bahin, tungod sa kaulaw, unsa mang nawonga ang ikaatubang ko sa mga tawo? Ug sa imong bahin, ikaw mahimong usa sa mga buangbuang dinhi sa Israel. Busa karon, hangyoon ko ikaw, sultihi niini ang hari. Nagtuo ako nga dili ka niya balibaran.”

2 Samuel 13:13 Cross References

Genesis 19:8

Aduna akoy duha ka anak nga dalaga. Ihatag ko sila kaninyo ug buhata ang gusto ninyong buhaton ngadto kanila. Apan ayaw lang ninyo hilabti kining duha ka tawo, kay mga bisita ko sila ug angay ko silang panalipdan.”

Genesis 20:12

Tinuod man pud nga managsoon kami, apan sa amahan lang ug dili sa inahan, ug gipangasawa ko siya.

Deuteronomio 22:21

dad-on ang maong babaye atubangan sa balay sa iyang amahan ug didto batohon sa mga lalaki sa lungsod hangtod nga mamatay kini. Makauulaw nga butang ang iyang gihimo sa Israel pinaagi sa pagpakighilawas gawas sa kaminyoon samtang anaa pa siya sa poder sa iyang amahan. Kinahanglan wad-on ninyo kining daotang buhat diha kaninyo.

Mga Maghuhukom 19:24

Ania ang iyang asawa ug ang akong anak nga dalaga. Ihatag ko sila kaninyo, ug buhata kanila ang gusto ninyong buhaton. Basta ayaw lang ninyo himoa kanang makauulaw nga butang sa akong bisita.”