2 Samuel 12:9 - Ang Pulong sa Dios

⁹ Busa nganong gipakawalay-bili mo man ang akong pulong pinaagi sa paghimo ug daotan sa akong panan-aw? Gituyo mo nga mamatay si Uria sa gira; gipapatay mo siya sa mga Amonihanon, ug gikuha mo pa ang iyang asawa.

Ang Biblia 2011

⁹ Nganong gitamay man nimo ang pulong sa Ginoo, sa pagbuhat ug daotan sa iyang panan-aw? Imong gipatay si Uria nga Hitihanon pinaagi sa espada ug mikuha sa iyang asawa aron mahimong imong asawa, ug gipatay nimo siya pinaagi sa espada sa mga Amonihanon.

Maayong Balita Biblia

⁹ Nganong wala mo man tagda ang akong pulong ug mao may imong gibuhat ang daotan sa akong atubangan? Gipapatay mo si Urias didto sa gubat ug giilog mo ang iyang asawa.

Ang Bag-ong Maayong Balita Biblia

⁹ Nganong wala mo man tagda ang akong pulong ug mao may imong gibuhat ang daotan sa akong atubangan? Gipapatay mo si Urias didto sa gubat ug giilog mo ang iyang asawa.

2 Samuel 12:9 Cross References

2 Samuel 11:4

Unya gipakuha ni David si Batseba. Ug sa pag-abot ni Batseba kang David, nagdulog sila. (Bag-o lang niadto nahuman ni Batseba ang tulomanon sa pagpanghinlo sa binulan nga pagregla.) Human niadto, mipauli si Batseba.

2 Samuel 12:10

Busa, gikan karon kanunay na nga adunay gira ug pagpinatyanay diha sa imong panimalay, tungod kay gitamay mo ako ug gikuha mo ang asawa ni Uria nga Hitihanon aron mahimong imong asawa.’

2 Samuel 16:7

Mao kini ang iyang panghimaraot kang David: “Ayaw pagsulod sa among lungsod, ikaw nga mamumuno ug daotan nga tawo!

1 Mga Hari 15:5

Kay gihimo ni David ang matarong atubangan sa Ginoo, ug samtang buhi siya wala niya lapasa ang mga sugo sa Ginoo, gawas lang sa gihimo niya ngadto kang Uria nga Hitihanon.

1 Mga Hari 21:19

Ingna siya nga mao kini ang akong giingon: ‘Human mo patya ang tawo, kuhaon mo pa apil ang iyang yuta? Tungod sa imong gihimo, tilapan usab sa mga iro ang imong dugo sa dapit diin gitilapan nila ang dugo ni Nabot.’ ”

2 Cronicas 33:6

Gihalad niya ang iyang mga anak sa kalayo didto sa Walog sa Ben Hinom. Gibuhat usab niya ang mga buluhaton sa mga babaylan, manalagna, mamarang ug mga espiritista. Labihan gayod ang iyang pagpakasala atubangan sa Ginoo, ug nakapasuko kini sa Ginoo.

Salmo 51:14

Luwasa ako sa kamatayon, O Dios, nga akong manluluwas, ug isinggit ko sa makusog ang imong pagluwas.

Salmo 51:16

Dili mo ikalipay ang mga halad, bisan pa ug mohalad ako kanimo ug halad nga sinunog, dili ka malipay niini.

Salmo 51:4

Kanimo lang gayod ako nakasala. Gihimo ko ang mga butang nga giisip mong daotan. Busa husto ka sa imong pagsentensya kanako. Makatarunganon ka sa imong paghukom kanako.

Salmo 90:8

Nakita mo ang among mga sala, bisan ang mga sala nga gihimo namo sa tago.

Mga Panultihon 14:2

Ang tawo nga nagkinabuhi nga matarong nagtahod sa Ginoo, apan kadtong wala nagkinabuhi nga matarong nagtamay kaniya.

Isaias 5:24

Busa sama sa dagami ug layang sagbot nga dali rang duktan sa kalayo ug mahurot pagkasunog, malaglag kamo diha-diha. Mahisama kamo sa tanom kansang gamot nadunot ug kansang mga bulak gipalid sama sa abog tungod kay gisalikway ninyo ang Kasugoan sa Ginoo nga Makagagahom, ang Balaang Dios sa Israel.

Jeremias 18:10

unya kanang nasora maghimog kadaotan ug dili motuman kanako, dili ko padayonon ang kaayohan nga akong giplano alang kaniya.

Amos 2:4

Mao kini ang gisulti sa Ginoo bahin sa Juda: “Tungod sa padayon nga pagpakasala sa mga taga-Juda, silotan ko gayod sila. Kay gisalikway nila ang akong kasugoan ug wala nila buhata ang mga tulomanon nga gihatag ko kanila. Gipahisalaag sila sa mga bakak nga pagtulon-an sa mga dios-dios nga gialagaran usab sa ilang mga katigulangan.

1 Samuel 15:19

Apan nganong wala ka motuman sa Ginoo? Nganong nag-ilog hinuon kamo sa pagkuha sa ilang mga kabtangan? Nganong gihimo ninyo kining daotang butang atubangan sa Ginoo?”

1 Samuel 15:23

Ang pagkamasinupakon ngadto sa Ginoo sama kadaotan sa pagpamarang. Ug ang pagkagahig ulo sama kadaotan sa pagsimba sa mga dios-dios. Tungod kay gisalikway mo ang sugo sa Ginoo, gisalikway ka usab niya isip hari.”

1 Samuel 15:26

Apan miingon si Samuel, “Dili ako mouban kanimo. Gisalikway mo ang sugo sa Ginoo, busa gisalikway ka usab niya isip hari sa Israel.”