2 Samuel 12:15 - Ang Pulong sa Dios

¹⁵ Mipauli si Natan sa iyang balay. Unya gihatagan sa Ginoo ug grabe nga sakit ang anak ni David kang Batseba nga asawa ni Uria.

Ang Biblia 2011

¹⁵ Unya si Natan mipauli sa iyang balay. Ug ang Ginoo mihampak sa bata nga gipanganak sa asawa ni Uria kang David ug kini nasakit sa hilabihan.

Maayong Balita Biblia

¹⁵ Unya mipauli si Natan sa ila. Gihatagan sa Ginoo ug grabing sakit ang anak ni David sa asawa ni Urias.

Ang Bag-ong Maayong Balita Biblia

¹⁵ Unya mipauli si Natan sa ila. Gihatagan sa Ginoo ug grabing sakit ang anak ni David sa asawa ni Urias.

2 Samuel 12:15 Cross References

2 Samuel 12:14

Apan tungod kay ang imong gihimo nakahatag ug kahigayonan sa mga kaaway sa Ginoo nga pasipalahan siya, mamatay gayod ang imong anak.”

2 Samuel 12:16

Nagpakiluoy si David sa Dios alang sa bata. Nagpuasa siya sulod sa iyang kuwarto, ug sa yuta siya nagkatulog matag gabii.

2 Mga Hari 15:5

Gihatagan sa Ginoo ug ngilngig nga sakit sa panit si Azaria hangtod sa adlaw nga siya namatay. Nagpuyo siya sa usa ka balay nga nag-inusara. Si Jotam nga iyang anak mao ang nangulo sa palasyo ug sa katawhan sa Juda.

2 Cronicas 13:20

Wala na gayod mabawi ni Jeroboam ang iyang gahom sa panahon ni Abias, ug sa kaulahian gisilotan siya sa Ginoo ug namatay siya.

Salmo 104:29

Apan kon pasagdan mo sila, mangahadlok sila; kon kuhaon mo ang ilang gininhawa, mangamatay sila ug mobalik sa yuta nga maoy ilang gigikanan.

Mga Buhat 12:23

Ug diha-diha gisilotan siya sa anghel sa Ginoo, tungod kay wala niya hatagi ug kadungganan ang Dios. Giulod siya ug namatay.

Deuteronomio 32:39

Tan-awa ninyo karon; ako mao lang gayod ang Dios! Wala nay lain nga dios gawas kanako. Ako ang naghatag ug nagkuha ug kinabuhi; ako ang nagsamad ug nag-ayo, ug walay makalingkawas sa akong mga kamot.

1 Samuel 25:38

Paglabay sa napulo ka adlaw, gisilotan siya sa Ginoo ug namatay.

1 Samuel 26:10

Ginasiguro ko gayod kanimo, sa presensya sa buhi nga Ginoo, nga ang Ginoo mismo ang mopatay kaniya, o mamatay siya sa natural nga kamatayon o sa gira.