2 Samuel 11:9 - Ang Pulong sa Dios

⁹ Apan wala mopauli si Uria. Didto hinuon siya natulog sa pultahan sa palasyo uban sa mga sulugoon sa iyang agalon nga si David.

Ang Biblia 2011

⁹ Apan si Uria didto matulog sa ganghaan sa balay sa hari uban sa tanang mga sulugoon sa iyang agalon ug wala manaog ngadto sa iyang balay.

Maayong Balita Biblia

⁹ Apan natulog si Urias sa pultahan sa palasyo sa hari uban sa tanang mga guwardiya sa iyang agalon ug wala mopauli sa iyang balay.

Ang Bag-ong Maayong Balita Biblia

⁹ Apan natulog si Urias sa pultahan sa palasyo sa hari uban sa tanang mga guwardiya sa iyang agalon ug wala mopauli sa iyang balay.

2 Samuel 11:9 Cross References

2 Samuel 11:10

Sa dihang nasayran ni David nga wala mopauli si Uria, gipatawag niya kini ug gipangutana, “Nganong wala ka mopauli? Di ba dugay ka nga wala sa inyo?”

2 Samuel 11:13

giagda siya ni David nga mokaon ug moinom uban kaniya, ug gihubog siya ni David. Apan niadtong gabhiona wala gihapon siya mipauli ug didto gihapon siya natulog uban sa mga sulugoon ni David.

1 Mga Hari 14:27

Busa nagpahimo si Haring Rehoboam ug mga taming nga bronsi nga puli niadtong mga taming, ug gitugyan niya kini sa mga opisyal sa mga tigbalantay nga nagbantay sa pultahan sa palasyo.

1 Mga Hari 14:28

Sa matag adto sa hari sa Templo sa Ginoo, mouban kaniya ang mga tigbalantay nga nagdala niining mga taming, ug pagkahuman ibalik ra usab nila kini sa kuwarto nga alang sa mga tigbalantay.

Mga Panultihon 21:30

Walay kaalam, panabot, o tambag nga makatupong sa Ginoo.