2 Samuel 11:15 - Ang Pulong sa Dios

¹⁵ Mao kini ang sulod sa iyang sulat: “Iplastar si Uria sa atubangan diin grabe kaayo ang panag-away, unya atras kamo aron maigo siya ug mamatay.”

Ang Biblia 2011

¹⁵ Ang iyang sulat mao kini, “Ibutang si Uria sa atubangan gayod sa gubat diin labing bangis ang panagsangka ug palayo gikan kaniya aron siya masamaran ug mamatay.”

Maayong Balita Biblia

¹⁵ Gisulat niya kini: “Ibutang si Urias didto sa nag-unang mga sundalo sa dapit diin nagpungasi ang panag-away unya palayo kaniya aron siya mapukan ug mamatay.”

Ang Bag-ong Maayong Balita Biblia

¹⁵ Gisulat niya kini: “Ibutang si Urias didto sa nag-unang mga sundalo sa dapit diin nagpungasi ang panag-away unya palayo kaniya aron siya mapukan ug mamatay.”

2 Samuel 11:15 Cross References

2 Samuel 11:16

Busa samtang gilibotan nila ni Joab ang Raba, gibutang niya si Uria sa dapit diin anaa ang lig-on nga mga sundalo sa mga kaaway.

2 Samuel 11:17

Midasdas ang mga kaaway kanila ni Joab, ug namatay si Uria uban sa pipila ka mga sundalo ni David.

2 Samuel 12:9

Busa nganong gipakawalay-bili mo man ang akong pulong pinaagi sa paghimo ug daotan sa akong panan-aw? Gituyo mo nga mamatay si Uria sa gira; gipapatay mo siya sa mga Amonihanon, ug gikuha mo pa ang iyang asawa.

1 Mga Hari 15:5

Kay gihimo ni David ang matarong atubangan sa Ginoo, ug samtang buhi siya wala niya lapasa ang mga sugo sa Ginoo, gawas lang sa gihimo niya ngadto kang Uria nga Hitihanon.

Salmo 51:14

Luwasa ako sa kamatayon, O Dios, nga akong manluluwas, ug isinggit ko sa makusog ang imong pagluwas.

Salmo 51:4

Kanimo lang gayod ako nakasala. Gihimo ko ang mga butang nga giisip mong daotan. Busa husto ka sa imong pagsentensya kanako. Makatarunganon ka sa imong paghukom kanako.

Ecclesiastes 8:11

Kon dili dayon mahukman ang tawo nga nakasala, mosamot paghuna-huna ang uban sa paghimo ug daotan.

Jeremias 17:9

Labihan gayod ka malimbongon ang kasing-kasing sa tawo ug walay makatupong niini. Kinsay makatugkad niini?

Jeremias 20:13

Pag-awit ug dayega ang  Ginoo! Kay giluwas niya ang mga timawa gikan sa kamot sa mga tawong daotan.

1 Samuel 18:17

Usa niana ka higayon, miingon si Saulo kang David, “Andam ako nga ipaasawa kanimo ang akong kamagulangang anak nga si Merab sa kondisyon nga mag-alagad ka kanako nga maisogon ug makig-gira alang sa Ginoo.” Naghuna-huna si Saulo nga pinaagi niini mapatay si David sa mga Filistihanon, ug dili na kinahanglan nga siya pa ang mopatay niini.

1 Samuel 18:21

Miingon siya sa iyang kaugalingon, “Ipaasawa ko si Mical kang David, ug himuon ko siyang paon aron mapatay si David sa mga Filistihanon.” Busa miingon si Saulo kang David, “Adunay higayon ka pa nga mahimong akong umagad!”

1 Samuel 18:25

miingon si Saulo, “Ingna ninyo si David nga ang pangayoon ko lang ingon nga bayad sa pagpakasal niya sa akong anak mao ang panit sa tumoy sa kinatawo sa 100 ka mga Filistihanon, ingon nga akong panimalos ngadto kanila nga akong mga kaaway.” Mao kadto ang plano ni Saulo aron mapatay si David sa mga Filistihanon.