2 Mga Hari 2:3 - Ang Pulong sa Dios

³ Unya may grupo sa mga propeta didto sa Betel nga miadto kang Eliseo ug nangutana, “Nahibalo ka ba nga kuhaon na sa Ginoo karong adlawa ang imong agalon?” Mitubag si Eliseo, “Oo, nahibalo ako, apan paghilom lang kamo.”

Ang Biblia 2011

³ Ug ang pundok sa mga propeta nga didto sa Betel miadto kang Eliseo ug miingon kaniya, “Nahibalo ba ikaw nga niining adlawa kuhaon sa Ginoo gikan kanimo ang imong agalon?” Ug siya miingon, “Oo, nahibalo ako niini, paghilom kamo.”

Maayong Balita Biblia

³ Ug ang pundok sa mga propeta nga didto sa Betel nangadto kang Eliseo ug miingon, “Nasayod ka ba nga karong adlawa kuhaon sa Ginoo gikan kanimo ang imong agalon?” Siya miingon, “Oo, nasayod ako. Ayaw lag saba.”

Ang Bag-ong Maayong Balita Biblia

³ Ug ang pundok sa mga propeta nga didto sa Betel nangadto kang Eliseo ug miingon, “Nasayod ka ba nga karong adlawa kuhaon sa Ginoo gikan kanimo ang imong agalon?” Siya miingon, “Oo, nasayod ako. Ayaw lag saba.”

2 Mga Hari 2:3 Cross References

1 Mga Hari 18:4

Sa dihang gipamatay ni Jezebel ang mga propeta sa Ginoo, gitagoan ni Obadias ang 100 ka mga propeta sa duha ka langub, 50 sa matag langub, ug gihatagan niya sila ug pagkaon ug tubig.)

1 Mga Hari 20:35

Unya, gisugo sa Ginoo ang usa ka tawo, nga miyembro sa mga propeta, sa pag-ingon sa iyang kauban, “Sumbaga ako.” Apan mibalibad ang tawo.

2 Mga Hari 2:15

Sa dihang nakita sa grupo sa mga propeta nga gikan sa Jerico ang nahitabo, miingon sila, “Anaa kaniya ang gahom ni Elias.” Busa gitagbo nila si Eliseo ug miyukbo sila agig pagtahod kaniya.

2 Mga Hari 2:5

Unya ang grupo sa mga propeta didto sa Jerico miduol kang Eliseo ug nangutana, “Nahibalo ka ba nga kuhaon na sa Ginoo karong adlawa ang imong agalon?” Mitubag si Eliseo, “Oo, nahibalo ako, apan paghilom lang kamo.”

2 Mga Hari 2:7

Adunay 50 ka tawo nga miyembro sa grupo sa mga propeta nga nangadto ug nanindog sa dapit nga dili kaayo layo sa gitindogan ni Elias ug ni Eliseo sa may Suba sa Jordan.

2 Mga Hari 4:1

Adunay usa ka biyuda nga ang kanhi niyang bana miyembro sa grupo sa mga propeta. Nangayo siya ug tabang kang Eliseo. Miingon siya, “Patay na ang akong bana nga imong alagad ug nasayod ka nga mitahod siya sa Ginoo. Apan karon, ania ang tawo nga iyang nautangan aron pagkuha sa among duha ka anak nga lalaki aron himuong ulipon.”

2 Mga Hari 4:38

Sa pagbalik ni Eliseo sa Gilgal, adunay kagutom didto. Usa ka adlaw, samtang nakig-istorya ang grupo sa mga propeta kaniya, miingon siya sa iyang sulugoon, “Itak-ang ang dako nga kolon ug pagluto ug sabaw alang niining mga propeta.”

2 Mga Hari 5:22

Mitubag si Gehazi, “Wala man. Gisugo lang ako sa akong agalon nga ingnon ka nga bag-o lang gayod nga adunay miabot nga duha ka batan-ong miyembro sa grupo sa mga propeta nga gikan sa kabungtoran sa Efraim. Ug naghangyo ang akong agalon nga hatagan mo sila ug 35 ka kilong pilak ug duha ka bisti.”

2 Mga Hari 6:1

Usa niana ka higayon, ang grupo sa mga propeta miingon kang Eliseo, “Nakita mo man nga gamay kaayo kining lugar nga among tigomanan uban kanimo.

2 Mga Hari 9:1

Gipatawag ni Eliseo ang usa ka tawo nga miyembro sa grupo sa mga propeta ug giingnan, “Pangandam sa pag-adto sa Ramot Gilead, ug dad-a kining usa ka tibod nga lana.

Isaias 8:18

Nia ako ug ang mga anak nga gihatag sa Ginoo kanako, mga timailhan alang sa Israel gikan sa Ginoo nga Makagagahom nga nagpuyo sa Bukid sa Zion.

Amos 7:14

Mitubag si Amos kang Amazia, “Dili ako propeta ug wala ako mabansay ingon nga usa ka propeta. Usa ako ka magbalantay sa karnero ug tig-atiman sa mga kahoy nga sikomoro.

Mga Buhat 22:3

“Ako usa ka Judio nga natawo sa Tarso nga sakop sa Cilicia, apan dinhi ako nagdako sa Jerusalem. Nagtuon ako dinhi ug maestro ko si Gamaliel. Natudloan ako sa higpit sa pagsunod sa Kasugoan nga gisunod sa atong mga katigulangan. Ug sama kaninyo karon, mainiton usab ako nga nag-alagad sa Dios.

Deuteronomio 33:3

Gihigugma gayod sa Ginoo ang iyang katawhan. Gipanalipdan niya sila nga iyang pinili. Busa gisunod nila siya ug gituman ang iyang mando.

1 Samuel 10:5

“Inig-abot nimo didto sa Bukid sa Dios, diin anaay kampo sa mga Filistihanon, aduna kay matagboan nga grupo sa mga propeta nga galugsong gikan sa simbahanan sa habog nga dapit. Nagtukar silag harpa, tamborin, plawta, ug mga lira, ug nagsugilon sa mensahe sa Dios.

1 Samuel 19:20

Busa nagpadala siyag mga tawo aron sa pagdakop kang David. Apan sa pag-abot nila didto, nakita nila ang grupo sa mga propeta nga nagsulti sa mensahe sa Dios, ug si Samuel ang nangulo kanila. Unya gigamhan sa Espiritu sa Dios ang mga tawo ni Saulo ug nagsulti usab sila sa mensahe sa Dios.