2 Mga Taga-Corinto 8:5 - Ang Pulong sa Dios

⁵ Ug dili kay kana lang, kondili una sa tanan gitugyan nila ang ilang kaugalingon sa Ginoo ug kanamo sumala sa kabubut-on sa Dios. Wala gayod kami magdahom nga makabuhat sila niadto.

Ang Biblia 2011

⁵ Ug dili sumala sa among gilaoman, una sa tanan gihatag nila ang ilang kaugalingon ngadto sa Ginoo ug unya ngari kanamo pinaagi sa kabubut-on sa Dios.

Maayong Balita Biblia

⁵ Ug ang gibuhat nila labaw pa kaayo kay sa among gipaabot! Una sa tanan, gitugyan nila ang ilang kaugalingon ngadto sa Ginoo ug unya, isip pagbuhat sa kabubut-on sa Dios, gituman usab nila kami.

Ang Bag-ong Maayong Balita Biblia

⁵ Ug ang gibuhat nila labaw pa kaayo kay sa among gipaabot! Una sa tanan, gitugyan nila ang ilang kaugalingon ngadto sa Ginoo ug unya, isip pagbuhat sa kabubut-on sa Dios, gituman usab nila kami.

2 Mga Taga-Corinto 8:5 Cross References

1 Cronicas 12:18

Unya gigamhan sa Espiritu si Amasai, nga sa kaulahian nahimong pangulo sa 30 ka maisog nga mga sakop ni David, ug miingon: “Imo kami! Dapig kami kanimo, O David, anak ni Jesse! Hinaut nga magmalampuson ka ug ang mga gatabang kanimo, kay ang imong Dios gatabang kanimo.” Busa gidawat sila ni David ug gihimong mga opisyal sa iyang pundok.

2 Cronicas 30:12

Gitugotan usab sa Dios nga magkahiusa ang mga taga-Juda sa pagtuman sa mando sa hari ug sa mga opisyal, subay sa sugo sa Ginoo.

2 Cronicas 30:8

Ayaw kamo pagpagahi sa inyong ulo sama sa inyong mga katigulangan, kondili pagpasakop hinuon kamo sa Ginoo. Pangadto kamo sa Templo nga iyang gipakabalaan sa walay kataposan, ug pag-alagad kamo sa Ginoo nga inyong Dios, aron mawala ang iyang labihan nga kasuko kaninyo.

Jeremias 31:33

Midugang pag-ingon ang  Ginoo, “Ang bag-ong kasabotan nga akong himuon sa mga taga-Israel sa umaabot nga mga adlaw mao kini: Ibutang ko ang akong mga sugo sa ilang huna-huna, ug isulat ko kini sa ilang kasing-kasing. Mahimo nila akong Dios, ug sila mahimong akong katawhan.

Zacarias 13:9

Ang ikatulo ka bahin nga nahibilin hinloan ko nga daw sama sa plata nga gipaputli pinaagi sa kalayo. Ug sulayan ko sila sama sa pagsulay sa kalunsay sa bulawan pinaagi sa kalayo. Mag-ampo sila kanako ug pamation ko sila. Moingon ako, ‘Sila ang akong katawhan,’ ug moingon usab sila, ‘Ang Ginoo ang among Dios.’ ”

Roma 12:1

Busa mga igsoon, tungod sa kalooy sa Dios kanato, naghangyo ako kaninyo nga ihalad ninyo ang inyong kaugalingon alang sa Dios isip buhi, balaan, ug sumala sa iyang nahimut-an nga halad. Mao kini ang husto nga pagsimba sa Dios.

Roma 6:13

Ayaw ninyo gamita ang bisan unsa nga bahin sa inyong lawas sa pagbuhat ug sala. Itugyan hinuon ninyo ang inyong tibuok nga lawas sa Dios aron gamiton niya sa maayo nga katuyoan. Buhata ninyo kini isip mga tawo nga tinubos gikan sa kamatayon ug gihatagan ug bag-ong kinabuhi.

1 Mga Taga-Corinto 1:1

Gikan kang Pablo nga pinili sa Dios nga mahimong apostol ni Cristo Jesus. Ako ug si Sostenes nga atong igsoon diha kang Cristo.

2 Mga Taga-Corinto 4:5

Wala kami nagwali mahitungod sa among kaugalingon kondili mahitungod kang Jesu-Cristo, nga siya mao ang Ginoo. Nag-alagad kami kaninyo tungod ug alang kang Jesus.

2 Mga Taga-Corinto 8:1

Mga igsoon, gusto namong isugilon kaninyo ang gibuhat sa mga tumutuo didto sa Macedonia pinaagi sa grasya sa Dios kanila.

1 Samuel 1:28

Busa karon ihalad ko siya ngadto sa Ginoo. Moalagad siya sa Ginoo sa tibuok niyang kinabuhi.” Unya gisimba nila didto ang Ginoo.