2 Mga Taga-Corinto 7:5 - Ang Pulong sa Dios

⁵ Kay bisan sa pag-abot namo sa Macedonia, wala gayoy pahulay ang among lawas tungod kay bisan asa nag-antos kami. Giaway kami sa mga nagbatok kanamo, ug nabalaka usab kami tungod sa kahimtang sa mga tumutuo.

Ang Biblia 2011

⁵ Kay bisan sa amo nang pag-abot sa Macedonia, wala makapahulay ang among mga lawas, hinuon gisakit kini sa tanang paagi—panagbingkil sa gawas ug kahadlok sa sulod.

Maayong Balita Biblia

⁵ Wala kami pahulay bisan didto sa Macedonia. Sa tanang paagi gilisudlisod kami. Adunay panag-away bisan asa, unya giabot kamig kahadlok.

Ang Bag-ong Maayong Balita Biblia

⁵ Wala kami pahulay bisan didto sa Macedonia. Sa tanang paagi gilisudlisod kami. Adunay panag-away bisan asa, unya giabot kamig kahadlok.

2 Mga Taga-Corinto 7:5 Cross References

Genesis 8:9

apan walay matugdonan ang salampati tungod kay nalukop pa sa tubig ang tibuok kalibotan. Busa mibalik ang salampati kang Noe ngadto sa arka. Gipatugdon ni Noe ang salampati sa iyang kamot ug gisulod kini pagbalik sa arka.

Job 18:11

Napalibotan siya sa mga butang nga gapahadlok kaniya ug daw sa naggukod kini kaniya.

Isaias 33:12

Masunog kamo hangtod mahisama kamo sa apog. Mahisama kamo sa tunokon nga tanom nga gipamutol ug gisunog.

Jeremias 20:10

Nadungog ko ang mga pagbiay-biay sa mga tawo. Awat-awaton nila ang akong giingon, “Makalilisang ang atong palibot! Isumbong nato siya!” Bisan ang tanan nakong higala naghulat nga mapukan ako. Nag-ingon sila, “Basin pag malingla ta siya. Unya malupig nato siya ug mapanimaslan.”

Jeremias 45:3

Kay miingon ka, ‘Makaluluoy ako kay gidugangan sa Ginoo ang akong kasakit. Gikapoy na ako sa pag-agulo ug wala ako makakaplag ug kapahulayan!’

Jeremias 6:25

Ayaw kamo pag-adto sa mga uma o paglakaw sa mga dalan, kay adunay mga kaaway nga andam nga mopatay. Anaa ang kakuyaw sa palibot.

Jeremias 8:18

Unya miingon ako: Dili gayod mahupay ang akong kasubo. Sakit gayod ang akong kasing-kasing.

Mga Buhat 20:1

Human sa kasamok, gipatawag ni Pablo ang mga magtutuo. Gidasig niya sila, ug dayon nanamilit siya nga moadto sa Macedonia.

Roma 15:26

Kay ang mga tumutuo sa Macedonia ug Acaya nagbuluntaryo sa paghatag ug hinabang alang sa mga tumutuo nga kabos didto sa Jerusalem.

1 Mga Taga-Corinto 15:31

Kon unsa ka tinuod nga gipasigarbo ko kamo sa atong paghiusa kang Cristo Jesus nga atong Ginoo, mao usab ka tinuod nga giatubang ko kada adlaw ang kakuyaw sa kamatayon.

1 Mga Taga-Corinto 16:5

Molahos ako diha sa Corinto pagkagikan ko sa Macedonia, tungod kay moagi ako didto.

2 Mga Taga-Corinto 2:13

Apan wala ako mahimutang kay wala didto si Tito nga atong igsoon kang Cristo. Busa nanamilit ako sa mga tumutuo ug miadto sa Macedonia.

2 Mga Taga-Corinto 2:3

Mao pud kana ang hinungdan kon nganong nagsulat una ako kaninyo, aron nga kon moanha ako diha, dili ako mapaguol sa mga tawo nga mao unta ang makalipay kanako. Kay nagtuo ako nga kon malipay ako, malipay usab kamo.

2 Mga Taga-Corinto 2:9

Mao gani kini ang hinungdan nga nagsulat ako kaninyo, kay gusto kong masayran kon kasaligan ba kamo sa pagtuman sa tanan nga akong gisulti kaninyo.

Mga Taga-Galacia 4:11

Nabalaka ako nga basig ang tanan ko nga paghago diha kaninyo mahimong walay kapuslanan.

Deuteronomio 32:25

Sa gawas sa ilang balay daghan ang mangamatay sa gira, ug sa sulod maghari ang kahadlok. Mangamatay ang mga tigulang, mga batan-on, ug mga kabataan.

1 Mga Taga-Tesalonica 3:5

Mao nga gipaanha ko diha si Timoteo aron masayran ko ang kahimtang sa inyong pagtuo. Dili gayod ako mahimutang, kay nabalaka ako nga basig napildi na kamo ni Satanas ug ang among pagtudlo kaninyo mahimong walay kapuslanan.