2 Mga Taga-Corinto 4:8 - Ang Pulong sa Dios

⁸ Sa among pagsangyaw kanunay kaming gipaantos, apan wala gayod kami mapildi sa mga nagbatok kanamo. Usahay maglibog na kami, apan wala gayod kami kawad-ig paglaom.

Ang Biblia 2011

⁸ Kami gipiit sa tanang paagi apan wala mapugngi; gilisodlisod apan wala kawad-i ug paglaom;

Maayong Balita Biblia

⁸ Gisakit kami sa tanang paagi, apan wala gayod mapukan; naglibog apan wala gayod kawad-ig paglaom.

Ang Bag-ong Maayong Balita Biblia

⁸ Gisakit kami sa tanang paagi, apan wala gayod mapukan; naglibog apan wala gayod kawad-ig paglaom.

2 Mga Taga-Corinto 4:8 Cross References

Salmo 129:2

“Gipaantos gayod nila kami sa hilabihan sukad pa sa pagkatukod sa among nasod. Apan wala gayod nila kami mapildi.

Salmo 37:33

Apan dili itugyan sa Ginoo ang mga matarong ngadto sa kamot sa mga daotan. Ug dili niya itugot nga mahukman nga sad-an ang mga matarong kon dad-on sila sa hukmanan.

Mga Panultihon 14:26

Ang pagtahod sa Ginoo maghatag ug siguridad ug kalig-on ngadto sa tawo ug sa ilang mga anak.

Mga Panultihon 18:10

Ang Ginoo sama sa lig-ong tore; nagdangop kaniya ang mga matarong aron walay daotang mahitabo kanila.

Isaias 40:31

apan ang mga nagsalig sa Ginoo makaangkon pag-usab ug kusog. Mahisama sila sa naglupad nga agila; kon managan sila dili sila kapoyon; kon manglakaw sila dili sila maluya.

Habacuc 3:17

Bisan kung ang kahoyng igera dili na mamulak, ug wala nay ubas sa kaparasan, bisan kon ang abot sa olibo mapakyas ug ang kayutaan dili na mohatag sa iyang pagkaon, bisan kon wala nay karnero diha sa toril, ug wala nay baka sa iyang butanganan,

Juan 14:18

“Dili ko kamo biyaan nga walay kauban; mobalik ako diha kaninyo.

1 Mga Taga-Corinto 10:13

Walay pagsulay nga moabot kaninyo nga wala usab naabot sa ubang mga tawo. Apan kasaligan ang Dios sa iyang saad nga dili niya tugotan nga sulayan kamo labaw sa inyong maantos. Ug kon moabot ang mga pagsulay kaninyo, maghatag siyag pamaagi aron maantos ninyo kini.

2 Mga Taga-Corinto 12:10

Busa malipayon ako karon sa akong mga kaluyahon, sa mga pagpasipala kanako, sa mga kalisdanan, sa mga paglutos, ug sa mga kakulian tungod sa akong pagsunod kang Cristo. Kay kon nagmaluyahon ako, lig-onon ako sa Dios.

2 Mga Taga-Corinto 6:12

Wala kami magkulang sa among paghigugma kaninyo. Kamo mao ang nagkulang sa inyong paghigugma kanamo.

2 Mga Taga-Corinto 6:4

Sa tanan namong gibuhat gipakita namo nga kami mga alagad gayod sa Dios. Bisan labihan kalisod ang among mga nasinati, giantos gayod namo.

2 Mga Taga-Corinto 7:5

Kay bisan sa pag-abot namo sa Macedonia, wala gayoy pahulay ang among lawas tungod kay bisan asa nag-antos kami. Giaway kami sa mga nagbatok kanamo, ug nabalaka usab kami tungod sa kahimtang sa mga tumutuo.

Mga Taga-Galacia 4:20

Dako ang akong tinguha nga makig-uban kaninyo karong mga panahona aron makasulti ako pag-ayo kaninyo, kay nabalaka ako kaninyo!

1 Samuel 28:15

Miingon si Samuel kang Saulo, “Nganong gisamok mo ako pinaagi sa pagtawag kanako?” Miingon si Saulo, “Aduna akoy dako nga problema. Nakig-gira kanako ang mga Filistihanon ug gitalikdan na ako sa Dios. Wala na niya ako tubaga, bisag pinaagi sa mga propeta o mga damgo. Busa gipatawag ka nako aron sultihan mo ako kon unsa ang akong himuon.”

1 Samuel 30:6

Misamot pa gayod ang problema ni David tungod kay nasuko ang iyang mga tawo kaniya tungod sa pagkabihag sa ilang mga kabataan, ug nagplano sila sa pagbato kaniya. Apan gilig-on si David sa Ginoo nga iyang Dios.

1 Samuel 31:4

Miingon si Saulo sa tigdala sa iyang armas, “Ibta ang imong espada ug patya ako, kay kon dili, sila nga mga wala nakaila sa Dios mao ang mopatay kanako, ug bugal-bugalan nila ako.” Apan nahadlok mopatay kaniya ang tigdala sa iyang armas, busa gikuha ni Saulo ang iyang kaugalingong espada, ug giunay ang iyang kaugalingon.