2 Mga Taga-Corinto 2:5 - Ang Pulong sa Dios

⁵ Karon, kon mahitungod sa tawo diha nga nakasala, dili lang ako ang iyang gihatagan ug kaguol kondili aduna pud siyay kaguol nga gihatag kaninyong tanan. Nag-ingon ako nga “aduna” puy kaguol kay dili ko gustong palabihan.

Ang Biblia 2011

⁵ Apan kon aduna may nakapaguol, siya wala maghimo niini kanako, kondili sa igong gidak-on—sa walay pagpalapaw niini—nganha kaninyong tanan.

Maayong Balita Biblia

⁵ Kon aduna man kaninyoy nakapasubo, gibuhat niya kini dili kanako kondili, kon subayon gyod, kaninyong tanan hinuon. Apan dili na lang ko magdaghan pa ug sulti.

Ang Bag-ong Maayong Balita Biblia

⁵ Kon aduna man kaninyoy nakapasubo, gibuhat niya kini dili kanako kondili, kon subayon gyod, kaninyong tanan hinuon. Apan dili na lang ko magdaghan pa ug sulti.

2 Mga Taga-Corinto 2:5 Cross References

Mga Panultihon 17:25

Kasubo ug kasakit ang ihatag sa buang-buang nga anak ngadto sa iyang mga ginikanan.

Mateo 15:22

Adunay usa ka babaye nga taga-Canaan nga nagpuyo niadtong dapita. Miduol siya kang Jesus nga nagpakiluoy. Miingon siya, “Ginoo, kaliwat ni David, kaloy-i intawon ako! Ang akong anak nga babaye gigamhan sa daotang espiritu ug nag-antos gayod siya.”

Mga Taga-Galacia 4:12

Mga igsoon diha kang Cristo, nagpakiluoy ako kaninyo nga sundon ninyo ako, kay bisan Judio ako, gisalikway ko ang pagtuman sa Kasugoan sa mga Judio ug gisunod ko kamong mga dili Judio. Wala kamoy nahimo nga daotan batok kanako.

Mga Taga-Galacia 5:10

Apan aduna gayod akoy pagsalig sa Ginoo nga ang akong gitudlo kaninyo mao ang inyong sundon. Ug kana nga mga tawo nga anaa diha nga nagsamok kaninyo, bisan kinsa pa kana sila, silotan sila sa Dios.