2 Mga Taga-Corinto 2:10 - Ang Pulong sa Dios

¹⁰ Kon pasayloon ninyo ang nakasala, pasayloon pud nako siya. Kay kon adunay nakasala kanako gipasaylo ko na siya sa atubangan ni Cristo alang kaninyo.

Ang Biblia 2011

¹⁰ Ug bisan kinsa nga inyong gipasaylo, gipasaylo usab nako. Unsay akong gipasaylo, kon aduna man akoy gipasaylo, gihimo nako tungod ug alang kaninyo diha sa atubangan ni Cristo

Maayong Balita Biblia

¹⁰ Ang gipasaylo ninyo gipasaylo ko usab. Kay kon ako mopasaylo, kon ugaling aduna may angay nakong pasayloon, kana akong buhaton tungod kaninyo diha sa atubangan ni Cristo.

Ang Bag-ong Maayong Balita Biblia

¹⁰ Ang gipasaylo ninyo gipasaylo ko usab. Kay kon ako mopasaylo, kon ugaling aduna may angay nakong pasayloon, kana akong buhaton tungod kaninyo diha sa atubangan ni Cristo.

2 Mga Taga-Corinto 2:10 Cross References

Mateo 18:18

“Sa pagkatinuod, ang bisan unsa nga dili ninyo itugot dinhi sa kalibotan mao man ang wala gitugot sa Dios, ug ang bisan unsa nga itugot ninyo mao man ang gitugot sa Dios.

Juan 20:23

Kon pasayloon ninyo si bisan kinsa sa ilang mga sala, gipasaylo na sila sa Dios. Apan kon dili ninyo pasayloon, wala sila pasayloa sa Dios.”

2 Mga Taga-Corinto 4:6

Ang Dios nga nag-ingon, “Gikan sa kangitngit modan-ag ang kahayag,” mao usab ang naghatag ug kahayag sa among huna-huna aron masabtan namo kon unsa ang gahom nga iyang gipakita pinaagi kang Jesu-Cristo.

2 Mga Taga-Corinto 5:20

Busa nagsugilon kami ingon nga mga pinadala ni Cristo, ug pinaagi kanamo naghangyo ang Dios kaninyo nga mobalik na kamo kaniya!

2 Mga Taga-Corinto 6:6

Gipamatud-an usab namo ngadto sa mga tawo nga tinuod kami nga mga alagad sa Dios pinaagi sa among hinlo nga pagkinabuhi ug pinaagi sa among kaalam. Nahimo kaming mainantuson ug maayo sa among isigka-tawo. Nasayran usab sa mga tawo nga ang Espiritu Santo mao ang nagtultol kanamo, ug ang among paghigugma sa among isigka-tawo kinasing-kasing gayod.

Mga Taga-Efeso 4:32

Hinuon, magminaayo ug magmalumo kamo sa usag usa, ug magpinasayloay kamo sama sa pagpasaylo sa Dios kaninyo pinaagi kang Cristo.