2 Mga Taga-Corinto 12:6 - Ang Pulong sa Dios

⁶ Hinuon, kon ipasigarbo ko man gayod ang akong kaugalingon dili ako mahimong buang-buang kay magsugilon man ako sa kamatuoran. Apan dili ako magpasigarbo kay basin kon magsobra ang ilang pag-ila kanako. Gusto ko nga ang ilang pag-ila kanako basi lang sa ilang nakita ug nadunggan ngari kanako.

Ang Biblia 2011

⁶ Bisan pa kon buot ako nga magpasigarbo, dili ako magpakabuang kay magsulti man ako sa tinuod. Apan naglikay ako niini aron walay bisan kinsa nga mag-isip kanako nga labaw pa kay sa akong pagkamao sumala sa iyang nakita kanako o sa iyang nadungog gikan kanako.

Maayong Balita Biblia

⁶ Kon magpasigarbo man ugaling ako, dili ako maisip nga buangbuang tungod kay matuod man ang akong isulti. Apan dili ako magpasigarbo kay tingali unyag ilhon akong labaw pa kay sa nakita nga akong gibuhat ug gipanulti.

Ang Bag-ong Maayong Balita Biblia

⁶ Kon magpasigarbo man ugaling ako, dili ako maisip nga buangbuang tungod kay matuod man ang akong isulti. Apan dili ako magpasigarbo kay tingali unyag ilhon akong labaw pa kay sa nakita nga akong gibuhat ug gipanulti.

2 Mga Taga-Corinto 12:6 Cross References

Job 24:25

“Kon dili husto ang akong gisulti, kinsa ang makapamatuod nga gabakak ako? Kinsa ang makaingon nga sayop ako?”

Roma 9:1

Karon naa pa akoy isugilon kaninyo, ug tinuod kini kay anaa ako kang Cristo ug dili ako mamakak. Ang akong konsensya nga gigamhan sa Espiritu Santo nagpamatuod usab nga tinuod ang akong isugilon,

1 Mga Taga-Corinto 3:5

Hinuon si kinsa ba gayod si Apolos? Ug si kinsa ba gayod si Pablo? Kami mga alagad lang sa Ginoo nga iyang gigamit aron motuo kamo. Ang matag-usa kanamo nagtuman lang sa buluhaton nga gisalig sa Ginoo kanamo.

2 Mga Taga-Corinto 1:18

Ingon nga ang Dios kasaligan, masaligan usab ninyo ang among gisulti kaninyo.

2 Mga Taga-Corinto 11:16

Sama sa akong gisulti kaniadto, ayaw kamo paghuna-huna nga buang-buang ako; apan kon mao kanay inyong huna-huna kanako, dili ko igsapayan, basta tugotan lang ninyo ako nga magpasigarbo bisan gamay lang.

2 Mga Taga-Corinto 11:31

Wala ako mamakak ug kana nasayran sa Dios ug Amahan sa atong Ginoong Jesus. Dalaygon siya sa walay kataposan.

2 Mga Taga-Corinto 12:11

Gipugos ninyo ako nga magpasigarbo sama sa buang-buang. Kay angay unta nga gidayeg ninyo ako ngadto sa mga nagpakaaron-ingnon nga mga apostoles, apan wala ninyo ako dayega. Bisan nasayran ko nga sa akong kaugalingon wala akoy ikapasigarbo, dili man ako malupigan nianang mga tawo nga labing maayo kuno nga mga apostoles.

2 Mga Taga-Corinto 12:7

Aron dili nako mapalabian ang pagpasigarbo tungod sa kahibulongan nga mga gipadayag sa Dios kanako, gitugotan niya si Satanas nga hatagan ako ug deperensya sa lawas. Gipasagdan sa Dios nga paantuson ako ni Satanas niining akong deperensya aron dili ako magpasigarbo.

2 Mga Taga-Corinto 5:13

Kon mura kamig buang, kana tungod ug alang sa Dios; ug kon husto ang among panghuna-huna, kana tungod ug alang kaninyo.

2 Mga Taga-Corinto 7:14

Gidayeg ko kamo ngadto kang Tito sa dihang nagsultihanay kami bahin kaninyo. Ug wala ako maulawi kay namatud-an niya nga tinuod ang among gisugilon kaniya.