2 Mga Taga-Corinto 1:16 - Ang Pulong sa Dios

¹⁶ Nagplano ako nga mohapit una diha kaninyo kon moadto na ako sa Macedonia, ug sa akong pagbalik gikan sa Macedonia mohapit ako pag-usab diha aron matabangan na pud ninyo ako sa akong pag-adto sa Judea.

Ang Biblia 2011

¹⁶ Gitinguha nako ang paghapit kaninyo sa akong pagpaingon sa Macedonia, ug unya mobalik diha kaninyo gikan sa Macedonia, ug unya inyo akong mapagikan paingon sa Judea.

Maayong Balita Biblia

¹⁶ Kay nagplano ako pagduaw kaninyo sa akong pagpaingon sa Macedonia ug mohapit ako diha sa akong pagbalik aron kamo makatabang alang sa akong pag-adto sa Judea.

Ang Bag-ong Maayong Balita Biblia

¹⁶ Kay nagplano ako pagduaw kaninyo sa akong pagpaingon sa Macedonia ug mohapit ako diha sa akong pagbalik aron kamo makatabang alang sa akong pag-adto sa Judea.

2 Mga Taga-Corinto 1:16 Cross References

Mga Buhat 15:3

Busa gipadala sa iglesia sila si Pablo. Sa pag-agi nila sa Fenicia ug sa Samaria, gisulti nila sa mga magtutuo didto nga aduna puy mga dili Judio nga mituo kang Cristo. Pagkadungog nila niini, nalipay gayod sila.

Mga Buhat 21:5

Apan pagkahuman sa usa ka semana mipadayon gihapon kami sa among paglawig. Tanan sila, apil na ang ilang mga asawa ug mga kabataan, mihatod kanamo didto sa gawas sa siyudad. Nangluhod kaming tanan didto sa baybayon ug nag-ampo.

Roma 15:26

Kay ang mga tumutuo sa Macedonia ug Acaya nagbuluntaryo sa paghatag ug hinabang alang sa mga tumutuo nga kabos didto sa Jerusalem.

1 Mga Taga-Corinto 16:11

Tahora ninyo siya. Ug kon mobiya na siya diha, tabangi usab ninyo siya sa iyang mga kinahanglanon sa iyang paglakaw aron makabalik siya dinhi kanako. Magpaabot ako kaniya kuyog sa uban pa nga mga igsoon kang Cristo.