2 Mga Taga-Corinto 1:10 - Ang Pulong sa Dios

¹⁰ Giluwas niya kami sa katalagman sa kamatayon, ug luwason pa gayod niya kami. Siya lang gayod ang among ginasaligan nga magpadayon sa pagluwas kanamo

Ang Biblia 2011

¹⁰ Siya ang nagluwas kanamo gikan sa dakong hulga sa kamatayon magpadayon pagluwas kanamo. Kaniya naglaom kami nga siya moluwas kanamo pag-usab.

Maayong Balita Biblia

¹⁰ Ug giluwas kami niya gikan sa makalilisang nga katalagman sa kamatayon ug luwason usab kami niya sa umaabot pang mga katalagman. Naglaom kami nga buhaton gayod niya kini.

Ang Bag-ong Maayong Balita Biblia

¹⁰ Ug giluwas kami niya gikan sa makalilisang nga katalagman sa kamatayon ug luwason usab kami niya sa umaabot pang mga katalagman. Naglaom kami nga buhaton gayod niya kini.

2 Mga Taga-Corinto 1:10 Cross References

Salmo 34:19

Daghang mga kalisod ang moabot sa kinabuhi sa tawong matarong, apan luwason siya sa Ginoo gikan niining tanan.

Isaias 46:3

Pamati kamo kanako, kamong mga kaliwat ni Jacob, kamong tanang nahibilin sa katawhan sa Israel. Giatiman ko kamo sukad pa sa inyong pagkatawo.

Daniel 3:17

Kon mao man gayod kana ang mahitabo, luwason kami sa Dios nga among gialagaran gikan nianang nagdilaab nga hudno, ug gikan sa imong mga kamot.

Daniel 6:16

Busa gipadakop sa hari si Daniel ug gipatambog ngadto sa bangag nga adunay mga liyon. Miingon ang hari kang Daniel, “Hinaut pa nga luwason ka sa imong Dios nga padayon mong gialagaran.”

Mga Buhat 26:21

Mao kini ang hinungdan nga gidakop ako sa mga Judio didto sa hawanan sa templo ug naninguha gayod sila sa pagpatay kanako.

Roma 15:31

Pag-ampo kamo nga dili ako pasipad-an sa mga dili tumutuo didto sa Judea, ug pag-ampo usab kamo nga malipay ang mga tumutuo sa Jerusalem sa hinabang nga akong dad-on kanila.

2 Mga Taga-Corinto 1:9

Nakaingon kami nga mao na kadto ang among kataposan. Apan nahitabo diay kadto aron makatuon kami nga dili magsalig sa among kaugalingon, kondili sa Dios nga mao ang nagbanhaw sa mga patay.

2 Mga Taga-Corinto 6:9

Wala kami tagda sa uban, apan ang tinuod nailhan kami sa tanan. Kanunay kaming nahimutang sa kakuyaw sa kamatayon, apan buhi pa gihapon kami. Gidisiplina kami sa Dios apan wala patya.

1 Timoteo 4:10

Mao kanay hinungdan nga manlimbasog gayod kita ug maningkamot, tungod kay naglaom kita sa buhi nga Dios nga mao ang Manluluwas sa tanang mga tawo, labi na gayod niadtong mga nagtuo.

2 Timoteo 4:17

Apan bisan pa ug mao kadto ang nahitabo wala gayod ako pasagdi sa Ginoo. Gihatagan pa hinuon niya ako ug kusog aron isugilon ko ang tanan mahitungod sa Maayong Balita ngadto sa mga dili Judio. Mao nga naluwas ako sa kamatayon.

2 Pedro 2:9

Dinhi makita nato nga ang Ginoo makahimo pagluwas sa mga diosnon kon moabot kanila ang mga pagsulay, ug pagsilot sa mga daotan hangtod sa adlaw sa paghukom,

1 Samuel 17:37

Ang Ginoo nga nagluwas kanako gikan sa liyon ug sa oso moluwas usab kanako gikan nianang Filistihanon.” Miingon si Saulo kang David, “Sige, lakaw. Ug hinaut nga mag-uban ang Ginoo kanimo.”

1 Samuel 7:12

Unya mikuha si Samuel ug bato ug gibutang sa tunga-tunga sa Mizpa ug Shen. Ginganlan niya kinig Ebenezer kay miingon siya, “Hangtod karon ginatabangan kami sa Ginoo.”