1 Samuel 9:2 - Ang Pulong sa Dios

² Si Kish adunay anak nga si Saulo. Batan-on pa si Saulo, ug siya ang pinakaguwapo ug pinakataas nga tawo sa Israel.

Ang Biblia 2011

² Siya adunay usa ka anak nga lalaki nga ginganlan ug Saul, batan-on ug ambongan. Walay bisan usa sa katawhan sa Israel nga makalabaw sa iyang pagkaambongan. Siya ang labing taas kay ang uban tagaabaga man lamang niya.

Maayong Balita Biblia

² May anak siya nga ginganlag Saul nga batan-on ug guwapo. Sa Israel walay makalabaw kaniya sa kaguwapo ug siyay labing taas kay ang uban taga abaga man lamang niya.

Ang Bag-ong Maayong Balita Biblia

² May anak siya nga ginganlag Saul nga batan-on ug guwapo. Sa Israel walay makalabaw kaniya sa kaguwapo ug siyay labing taas kay ang uban taga abaga man lamang niya.

1 Samuel 9:2 Cross References

Genesis 6:2

Nakita sa mga anak sa Dios nga maanyag ang mga babaye. Busa gipangasawa nila si bisan kinsa nga ilang nagustohan.

1 Cronicas 8:33

Si Ner amahan ni Kish, si Kish amahan ni Saulo, ug si Saulo amahan nila ni Jonatan, Malkishua, Abinadab, ug Eshbaal.

Jeremias 9:23

Miingon pa gayod ang  Ginoo, “Dili angayng magpasigarbo sa iyang kaalam ang maalamon, o ang kusgan sa iyang kusog, ni ang adunahan sa iyang bahandi.

Numeros 13:33

Adunay nakita pa gani kaming mga higante, nga mga kaliwat ni Anak. Daw mga apan-apan lang ang among panan-aw sa among kaugalingon kon ikompara kanila, ug mao usab kana ang ilang panan-aw kanamo.”

1 Samuel 10:21

Unya gipaadto ni Samuel sa atubangan ang matag pamilya sa tribo ni Benjamin, ug ang pamilya ni Matri mao ang napilian. Ug sa pamilya ni Matri, si Saulo nga anak ni Kish ang napilian. Apan sa dihang gipangita nila si Saulo, wala nila kini makita.

1 Samuel 16:7

Apan miingon ang Ginoo kang Samuel, “Ayaw basihi ang iyang hitsura o ang iyang gitas-on. Dili siya ang akong gipili. Dili ako sama sa tawo. Ang tawo nagtan-aw sa hitsura, apan ako nagtan-aw sa kasing-kasing.”

1 Samuel 17:4

Unya, kini si Goliat nga taga-Gat, nga kapin siyam ka piye ang katas-on, ug maayo sa pagpakig-gira, migawas sa kampo sa mga Filistihanon.

1 Samuel 9:3

Karon, kini si Kish nawad-an ug mga asno, busa miingon siya sa iyang anak nga si Saulo, “Ubana ang usa sa mga sulugoon ug pangitaa ang mga asno.”