1 Samuel 7:8 - Ang Pulong sa Dios

⁸ Miingon sila kang Samuel, “Ayawg undang sa pag-ampo ngadto sa Ginoo nga atong Dios nga luwason niya kita gikan sa mga Filistihanon.”

Ang Biblia 2011

⁸ Ang katawhan sa Israel miingon kang Samuel, “Ayaw paghunong sa pag-ampo ngadto sa Ginoo nga Dios alang kanato nga unta magluwas siya kanato gikan sa kamot sa mga Filistihanon.”

Maayong Balita Biblia

⁸ Miingon sila kang Samuel, “Ayaw paghunong sa pag-ampo sa Ginoo nga atong Dios aron luwason kita niya gikan sa mga Filistihanon.”

Ang Bag-ong Maayong Balita Biblia

⁸ Miingon sila kang Samuel, “Ayaw paghunong sa pag-ampo sa Ginoo nga atong Dios aron luwason kita niya gikan sa mga Filistihanon.”

1 Samuel 7:8 Cross References

Isaias 37:4

Gisugo sa hari sa Asiria ang iyang komander sa pagbiay-biay sa buhi nga Dios. Basin pa ug nadungog sa Ginoo nga imong Dios ang giingon sa komander ug silotan siya sa iyang gipanulti, busa pag-ampo alang sa mga nangahibilin kanato.”

Isaias 62:1

Tungod kay gimahal ko ang Zion, ang Jerusalem, dili ako magpakahilom, hangtod nga moabot ang iyang kadaogan sama sa nagsidlak nga adlaw, ug hangtod nga maangkon niya ang iyang kaluwasan nga sama sa nagsigang sulo.

Jeremias 27:18

Kon tinuod sila nga mga propeta ug ang ilang gisulti gikan sa Ginoo, pahangyoa sila sa Ginoo nga Makagagahom, nga ang nahibiling mga kagamitan sa balay sa Ginoo, sa palasyo sa hari sa Juda, ug sa Jerusalem dili na dad-on ngadto sa Babilonia.

Jeremias 42:2

Miingon sila kang Jeremias, “Palihog pag-ampo sa Ginoo nga imong Dios alang kanamong nahibilin. Sumala sa imong nakita, daghan kami kaniadto, apan karon diyutay na lang.

Santiago 5:16

Pagsuginlanay kamo sa inyong mga sala ug pag-inampoay aron mangaayo kamo. Kay dako ang mahimo sa pag-ampo sa tawo nga matarong.