1 Samuel 7:17 - Ang Pulong sa Dios

¹⁷ Apan pagkahuman mopauli gayod siya sa Rama, diin siya nagpuyo, aron usab sa pagpangulo sa mga tawo didto. Ug naghimo siyag halaran alang sa Ginoo.

Ang Biblia 2011

¹⁷ Unya siya adto mouli sa Rama kay atua man didto ang iyang balay, ug didto nagpahamtang usab siya sa hustisya alang sa Israel, ug didto naghimo siya ug usa ka halaran alang sa Ginoo.

Maayong Balita Biblia

¹⁷ Adto siya magpaulian sa Rama kay didto man siya magpuyo. Siya usab ang mohusay sa mga Israelita sa maong dapit ug didto nagbuhat siyag halaran alang sa Ginoo.

Ang Bag-ong Maayong Balita Biblia

¹⁷ Adto siya magpaulian sa Rama kay didto man siya magpuyo. Siya usab ang mohusay sa mga Israelita sa maong dapit ug didto nagbuhat siyag halaran alang sa Ginoo.

1 Samuel 7:17 Cross References

Genesis 33:20

Ug didto, nagbuhat si Jacob ug halaran nga ginganlan niya ug El Elohe Israel.

Genesis 35:7

Nagbuhat siya didto ug halaran. Ginganlan niya kadto nga dapit ug El Betel kay nagpakita ang Dios kaniya didto sa dihang miikyas siya sa iyang igsoon nga si Esau.

Isaias 10:29

Miagi sila sa tabokanan, ug didto natulog sa Geba. Nahadlok ang mga taga-Rama, ug nangikyas ang mga lumulupyo sa Gibea nga mao ang lungsod ni Haring Saulo.

Mga Maghuhukom 4:5

Kon magpahusay ang mga Israelinhon sa ilang mga kaso kang Debora, moadto sila kaniya didto sa ilalom sa Palma ni Debora, sa tunga-tunga sa Rama ug sa Betel sa kabungtoran sa Efraim.

Mga Maghuhukom 6:24

Nagtukod si Gideon didto ug halaran alang sa Ginoo ug gitawag niya kini nga, “Ang Ginoo Naghatag ug Kalinaw.” Ug hangtod karon atua pa gihapon ang halaran sa Ofra, sa dapit sa mga kaliwat ni Abiezer.

1 Samuel 1:1

Adunay usa ka tawong kaliwat ni Zuf nga ang ngalan si Elkana. Nagpuyo siya sa Rama didto sa kabungtoran sa Efraim. Anak siya ni Jeroham nga anak ni Elihu. Si Elihu anak ni Tohu nga anak ni Zuf, nga gikan sa tribo ni Efraim.

1 Samuel 1:19

Pagkabuntag, sayo kaayong mibangon si Elkana ug ang iyang pamilya ug misimba sila sa Ginoo. Unya mipauli sila sa ilang balay sa Rama. Midulog si Elkana kang Hana, ug gitubag sa Ginoo ang pag-ampo ni Hana nga hatagan siyag anak.

1 Samuel 11:15

Busa nangadto silang tanan sa Gilgal ug didto sa presensya sa Ginoo giproklamar nila si Saulo isip hari. Naghalad sila didto ug halad alang sa pakigda-it ngadto sa Ginoo, ug naglipay gayod silang tanan.

1 Samuel 14:35

Unya naghimo si Saulo ug halaran alang sa Ginoo. Mao kadto ang unang halaran nga iyang gihimo.

1 Samuel 15:34

Unya mibalik si Samuel sa Rama, ug si Saulo mipauli sa Gibea.

1 Samuel 2:11

Unya mipauli si Elkana sa Rama. Apan gibilin nila si Samuel aron moalagad sa Ginoo ubos sa pag-atiman ni Eli nga pari.

1 Samuel 28:3

Patay na niadtong panahona si Samuel. Sa dihang namatay siya, nagsubo ang tanang taga-Israel alang kaniya, ug gilubong nila siya sa iyang lungsod sa Rama. Ug giabog ni Saulo gikan sa Israel ang mga espiritista apil na ang mga nakig-istorya sa kalag sa patay.

1 Samuel 8:4

Busa nagtigom ang tanang tigdumala sa Israel, ug miadto kang Samuel sa Rama.

1 Samuel 9:12

Mitubag sila, “Oo, ania siya. Nauna lang siya gamay kaninyo. Bag-o pa lang siyang miabot sa among lungsod aron mangulo sa mga tawo sa ilang paghalad didto sa simbahanan sa habog nga dapit. Pagdali kamo!