1 Samuel 7:12 - Ang Pulong sa Dios

¹² Unya mikuha si Samuel ug bato ug gibutang sa tunga-tunga sa Mizpa ug Shen. Ginganlan niya kinig Ebenezer kay miingon siya, “Hangtod karon ginatabangan kami sa Ginoo.”

Ang Biblia 2011

¹² Unya si Samuel mikuha ug bato ug gipahimutang kini taliwala sa Mispa ug sa Jesana ug ginganlan kini ug Ebeneser kay siya miingon, “Hangtod dinhi ang Ginoo nagtabang kanato.”

Maayong Balita Biblia

¹² Unya mikuha si Samuel ug bato ug gipatindog niya kini tungatunga sa Mispa ug sa Jesana ug ginganlan niya ang maong dapit ug Ebeneser kay matod niya, “Hangtod dinhi gitabangan kita sa Ginoo.”

Ang Bag-ong Maayong Balita Biblia

¹² Unya mikuha si Samuel ug bato ug gipatindog niya kini tungatunga sa Mispa ug sa Jesana ug ginganlan niya ang maong dapit ug Ebeneser kay matod niya, “Hangtod dinhi gitabangan kita sa Ginoo.”

1 Samuel 7:12 Cross References

Genesis 22:14

Ginganlan ni Abraham kadtong dapita ug “Magtagana ang Ginoo.” Busa hangtod karon adunay panultihon nga nag-ingon, “Sa Bukid sa Ginoo aduna siyay gitagana.”

Salmo 71:17

O Dios, sukad sa bata pa ako, gitudloan mo na ako mahitungod sa imong katingalahang mga gipangbuhat, ug hangtod karon gisugilon ko kini.

Salmo 71:6

Sukad sa akong pagkatawo misalig ako kanimo ug gipanalipdan mo ako. Dayegon ka nako sa walay kataposan.

Exodo 17:15

Naghimo si Moises ug halaran ug gitawag kini nga, “Ang Ginoo mao ang akong Bandera sa Pagdaog.”

Isaias 19:19

Nianang adlawa, patindogon ang usa ka halaran alang sa Ginoo taliwala sa yuta sa Ehipto, ug patindogon usab ang usa ka handomanan nga bato sa utlanan niini.

Mga Buhat 26:22

Apan gitabangan ako sa Dios hangtod karong adlawa. Busa ania ako dinhi aron isulti sa tanan, sa mga inila man o dili, ang gisulti kaniadto sa mga propeta ug ni Moises nga manghitabo:

2 Mga Taga-Corinto 1:10

Giluwas niya kami sa katalagman sa kamatayon, ug luwason pa gayod niya kami. Siya lang gayod ang among ginasaligan nga magpadayon sa pagluwas kanamo

Josue 4:9

Mipahimutang usab si Josue ug 12 ka bato taliwala sa Jordan, didto gayod mismo sa dapit nga gitindogan sa mga pari nga nagdayong sa Sudlanan sa Kasabotan. Ug hangtod karon anaa pa kining mga batoha.

1 Samuel 14:35

Unya naghimo si Saulo ug halaran alang sa Ginoo. Mao kadto ang unang halaran nga iyang gihimo.

1 Samuel 4:1

Ug ang mensahe ni Samuel mikaylap sa tibuok Israel. Unya nakig-gira ang mga Israelinhon batok sa mga Filistihanon. Nagkampo ang mga Israelinhon sa Ebenezer, ug ang mga Filistihanon nagkampo sa Afek.

1 Samuel 5:1

Sa dihang nailog sa mga Filistihanon ang Sudlanan sa Dios, gidala nila kini gikan sa Ebenezer ngadto sa Ashdod.

1 Samuel 7:11

Gigukod sila sa mga Israelinhon gikan sa Mizpa hangtod sa ubos sa Bet Kar ug gipamatay.