1 Samuel 6:6 - Ang Pulong sa Dios

⁶ Ayaw na kamo pagpagahi sa inyong ulo sama sa gihimo sa mga Ehiptohanon ug sa ilang hari. Gitugotan lang nila nga makalakaw ang mga Israelinhon sa dihang labihan na gayod ang pagpaantos kanila sa Dios.

Ang Biblia 2011

⁶ Nganong pagahion ninyo ang inyong mga kasingkasing sama sa mga Ehiptohanon ug sa Paraon nga nagpagahi sa ilang mga kasingkasing? Human niya sila duladulai, dili ba gipalakaw man nila ang katawhan ug sila nanglakaw?

Maayong Balita Biblia

⁶ Nganong nagmagahi man kamo sa inyong kasingkasing sama sa gibuhat sa mga Ehiptohanon ug sa Paraon? Human sila duladulai sa Dios, dili ba nga gipalakaw man sa mga Ehiptohanon ang mga Israelita?

Ang Bag-ong Maayong Balita Biblia

⁶ Nganong nagmagahi man kamo sa inyong kasingkasing sama sa gibuhat sa mga Ehiptohanon ug sa Paraon? Human sila duladulai sa Dios, dili ba nga gipalakaw man sa mga Ehiptohanon ang mga Israelita?

1 Samuel 6:6 Cross References

Job 9:4

Maalam ug gamhanan gayod ang Dios. Kinsa bay mibatok kaniya nga nagmadaogon?

Salmo 95:8

ayaw patig-aha ang inyong kasing-kasing sama sa gibuhat sa inyong mga katigulangan kaniadto didto sa Meriba, ingon man sa dihang didto sila sa kamingawan sa Masa.

Exodo 10:3

Busa miadto si Moises ug si Aaron sa hari ug miingon, “Mao kini ang giingon sa Ginoo, nga Dios sa mga Hebreo: ‘Hangtod kanus-a ka magdumili sa pagpaubos sa imong kaugalingon kanako? Palakwa ang akong katawhan aron makasimba sila kanako.

Exodo 14:17

Pagahion ko ang kasing-kasing sa mga Ehiptohanon aron gukdon nila kamo. Apan laglagon ko ang hari ug ang tanan niyang mga sundalo, mga tigkabayo, ug mga karwahi. Niining paagiha mapasidunggan ako.

Exodo 14:23

Gigukod sila sa mga Ehiptohanon. Ang tanang mga kabayo sa hari, mga karwahi ug ang tanang tigkabayo misunod kanila sa taliwala sa dagat.

Exodo 4:21

Miingon ang Ginoo kang Moises, “Pag-abot mo sa Ehipto, buhata gayod atubangan sa hari sa Ehipto ang tanang milagro nga gipakita ko kanimo. Gihatagan ka nako ug gahom sa paghimo niana. Apan pagahion ko ang kasing-kasing sa hari aron dili niya tugotan nga mobiya ang mga Israelinhon.

Exodo 7:13

Apan gahi gihapon ang kasing-kasing sa hari, ug wala maminaw kang Moises ug kang Aaron, sumala sa giingon sa Ginoo.

Exodo 7:14

Miingon ang Ginoo kang Moises, “Gahi kaayo ug kasing-kasing ang hari; dili niya palakwon ang katawhan sa Israel.

Exodo 8:15

Apan pagkakita sa hari nga wala na ang mga baki, nagmagahi na usab siya ug wala siya maminaw kang Moises ug kang Aaron, sumala sa giingon sa Ginoo.

Exodo 8:32

Apan nagmagahi gihapon ang hari ug wala niya palakwa ang mga Israelinhon.

Exodo 9:16

Apan gitugotan ka nako nga mabuhi aron makita mo ang akong gahom ug aron mabantog ang akong ngalan sa tibuok kalibotan.

Exodo 9:34

Pagkakita sa hari nga mihunong na ang ulan, ang yelo, ug ang dalogdog, nagpakasala siya pag-usab. Nagmagahi na usab ang iyang kasing-kasing ug sa iyang mga opisyal.

Roma 2:5

Apan tungod kay gahi kag ulo ug dili ka maghinulsol, gidugangan mo ang imong silot sa pag-abot sa adlaw nga ang Dios maghukom. Nianang adlawa makita sa tanan nga matarong ang iyang paghukom.

Mga Hebreo 3:13

Ang angay ninyong buhaton, magdinasigay kamo matag adlaw samtang aduna pay panahon, aron dili kamo pahisalaagon sa sala nga makapagahi sa inyong kasing-kasing.