1 Samuel 6:14 - Ang Pulong sa Dios

^14-15 Nakaabot ang karomata sa uma ni Josue nga taga-Bet Shemes, ug didto kini mihunong sa kilid sa dakong bato. Gikuha sa mga kaliwat ni Levi ang Sudlanan sa Ginoo ug ang kahon nga adunay sulod nga mga estatuwang bulawan, ug gitungtong nila kini didto sa dako nga bato. Unya gibugha sa mga tawo ang karomata ug gihalad ang mga baka isip halad nga sinunog ngadto sa Ginoo. Naghalad usab silag uban pang mga halad.

Ang Biblia 2011

¹⁴ Ang karomata miabot ngadto sa uma ni Josue nga taga-Bet-semes ug mihunong kini. Didto adunay usa ka dakong bato busa ilang gibugha ang kahoy sa karomata ug gihalad ang mga baka ingon nga usa ka halad nga sunogon alang sa Ginoo.

Maayong Balita Biblia

¹⁴ Sa pag-abot niini sa uma ni Josue sa Betsemes, mihunong kini. May dakong bato didto ug gibugha sa mga tawo ang karomata ug gipatay nila ang mga baka ug gisunog ingon nga halad ngadto sa Ginoo.

Ang Bag-ong Maayong Balita Biblia

¹⁴ Sa pag-abot niini sa uma ni Josue sa Betsemes, mihunong kini. May dakong bato didto ug gibugha sa mga tawo ang karomata ug gipatay nila ang mga baka ug gisunog ingon nga halad ngadto sa Ginoo.

1 Samuel 6:14 Cross References

2 Samuel 24:18

Niadtong adlawa miadto si Gad kang David ug miingon kaniya, “Tungas ngadto sa giokanan ni Arauna nga Jebusihanon ug paghimo didto ug halaran alang sa Ginoo.”

2 Samuel 24:22

Miingon si Arauna, “Kuhaa ug ihalad sa Ginoo ang bisan unsa nga imong gusto, Mahal nga Hari. Aniay mga baka alang sa halad nga sinunog, ug mga yugo ug mga tabla sa giokanan nga magamit ingon nga sugnod.

2 Samuel 24:25

Unya naghimo siya didto ug halaran alang sa Ginoo. Naghalad siyag mga halad nga sinunog ug halad alang sa pakigda-it. Gitubag sa Ginoo ang pag-ampo ni David alang sa Israel, ug naundang ang katalagman.

1 Mga Hari 19:21

Mibalik si Eliseo, ug gikuha niya ang iyang mga baka ug giihaw. Gigamit niyang sugnod ang mga yugo ug mga daro sa pagluto sa karne sa mga baka. Pagkaluto niini, gihatagan niya ang iyang kauban nga mga magdadaro, ug nangaon silang tanan. Unya misunod siya kang Elias ug nahimo siyang katabang niini.

Exodo 20:24

“Paghimo kamog halaran nga yuta alang kanako ug diha ninyo ihalad ang inyong mga karnero, mga kanding, ug mga baka ingon nga halad nga sinunog ug halad alang sa maayong relasyon. Himoa ninyo kini sa dapit nga akong pilion diin ako pagasimbahon, ug didto adtoan ko kamo ug panalanginan.

Mga Maghuhukom 21:4

Pagkabuntag, naghimo sila ug halaran ug naghalad ug mga halad nga sinunog ug mga halad alang sa maayong relasyon.

Mga Maghuhukom 6:26

Pagkahuman, pagtukod ug halaran alang sa Ginoo nga imong Dios, sa ibabaw niining bungtod. Unya ihalad kadtong torong baka isip halad nga sinunog. Gamitang sugnod ang mga pinutol mo nga poste sa diosa nga si Ashera.”

1 Samuel 11:5

Naatol kadto nga nagpauli si Saulo gikan sa uma dala ang iyang mga baka. Nangutana siya, “Unsay nahitabo? Nganong nanghilak ang mga tawo?” Unya gisulti sa mga tawo kaniya kon unsa ang giingon sa mga taga-Jabes.

1 Samuel 20:29

Miingon siya, ‘Gisugo ako sa akong mga igsoon nga mouban gayod ako sa among pamilya sa paghalad ug gusto ko usab nga makita ang akong mga igsoon.’ Mao kana nga dili ninyo siya kauban sa pagpangaon.”

1 Samuel 6:13

Niadtong higayona, gaani ang mga taga-Bet Shemes ug trigo sa walog. Sa dihang nakita nila ang Sudlanan sa Kasabotan, nalipay gayod sila.

1 Samuel 6:18

Ang lima ka bulawan nga gipormag ilaga nagrepresentar niadtong lima ka pinarilan nga mga lungsod sa mga Filistihanon ug sa mga baryo sa palibot niini, nga sakop sa lima ka mga pangulo. Ang dakong bato sa uma ni Josue sa Bet Shemes, nga ilang gitungtongan sa Sudlanan sa Ginoo, anaa pa gihapon hangtod karon isip pagpamatuod sa nahitabo.