1 Samuel 6:11 - Ang Pulong sa Dios

¹¹ Gibutang nila sa karomata ang Sudlanan sa Ginoo ug ang kahon nga adunay sulod nga mga bulawan nga gipormag mga ilaga ug mga tumor.

Ang Biblia 2011

¹¹ Ilang gibutang ang sudlanan sa kasabotan sa Ginoo sa ibabaw sa karomata ug ang kahon nga gisudlan ug mga bulawang ilaga ug mga larawan sa ilang mga hubag.

Maayong Balita Biblia

¹¹ Unya gibutang nila ang Sudlanan sa Kasabotan sa Ginoo didto sa karomata ingon man ang kahon nga may mga bulawan nga gipormag mga ilaga ug mga hubag.

Ang Bag-ong Maayong Balita Biblia

¹¹ Unya gibutang nila ang Sudlanan sa Kasabotan sa Ginoo didto sa karomata ingon man ang kahon nga may mga bulawan nga gipormag mga ilaga ug mga hubag.

1 Samuel 6:11 Cross References

2 Samuel 6:3

Ang Sudlanan sa Dios didto sa balay ni Abinadab sa bungtod. Gikuha kini ni David ug sa iyang mga tawo, ug gikarga sa usa ka bag-ong karomata. Si Uza ug Ahio nga mga anak ni Abinadab mao ang gagiya sa karomata. Si Ahio ang gauna sa karomata.

1 Cronicas 13:7

Gikuha nila ang Sudlanan sa Dios sa balay ni Abinadab ug gikarga sa bag-o nga karomata. Si Uza ug si Ahio ang migiya sa karomata.

Deuteronomio 28:27

Paantuson kamo sa Ginoo sa mga hubag-hubag nga sama sa iyang gipadala sa mga Ehiptohanon. Patuboan niya kamo ug mga tumor, mga kabahong, ug mga nuka-nuka nga dili na maayo.

1 Samuel 6:10

Busa gituman nila kadto. Mikuha silag duha ka gatasang baka ug gisangonan ug karomata. Ang mga nati niini ilang gikulong sa toril.

1 Samuel 6:12

Unya milakaw ang mga baka diretso sa Bet Shemes ug wala gayod motipas ug laing dalan, ug nagsige kinig unga samtang naglakaw. Gisundan kini sa mga pangulo sa mga Filistihanon hangtod sa utlanan sa Bet Shemes.

1 Samuel 6:4

Nangutana ang mga Filistihanon, “Unsa man nga halad isip bayad sa sala ang among ipauban?” Mitubag ang mga pari ug mga babaylan, “Pagporma ug lima ka estatuwa nga bulawan nga daw tumor, ug lima usab ka estatuwa nga bulawan nga daw ilaga, sumala sa gidaghanon sa atong mga pangulo, tungod kay managsama kita nga nakatagamtam sa katalagman pinaagi sa mga tumor ug mga ilaga nga midaot sa atong nasod. Ihalad ninyo kini agig pagpasidungog sa Dios sa Israel, kay basin pa ug undangon na niya ang pagsilot kanato, sa atong mga dios, ug sa atong nasod.