1 Samuel 30:6 - Ang Pulong sa Dios

⁶ Misamot pa gayod ang problema ni David tungod kay nasuko ang iyang mga tawo kaniya tungod sa pagkabihag sa ilang mga kabataan, ug nagplano sila sa pagbato kaniya. Apan gilig-on si David sa Ginoo nga iyang Dios.

Ang Biblia 2011

⁶ Si David nasubo sa hilabihan, kay ang katawhan naghisgot sa pagbato kaniya, tungod kay ang kalag sa tibuok katawhan naguol pag-ayo, ang matag usa alang sa iyang mga anak nga lalaki ug sa iyang mga anak nga babaye. Apan si David naglig-on sa iyang kaugalingon diha sa Ginoo nga iyang Dios.

Maayong Balita Biblia

⁶ Hilabihang guola ni David kay ang mga tawo nakahunahuna man sa pagbato kaniya tungod sa ilang kaguol sa ilang mga anak. Apan misalig si David sa Ginoo nga iyang Dios.

Ang Bag-ong Maayong Balita Biblia

⁶ Hilabihang guola ni David kay ang mga tawo nakahunahuna man sa pagbato kaniya tungod sa ilang kaguol sa ilang mga anak. Apan misalig si David sa Ginoo nga iyang Dios.

1 Samuel 30:6 Cross References

Genesis 32:7

Gikulbaan pag-ayo si Jacob ug wala siya mahimutang, busa gibahin niya sa duha ka grupo ang iyang kauban nga mga tawo, apil ang iyang mga karnero, baka, kanding, ug kamelyo.

2 Samuel 17:8

Nakaila ka sa imong amahan ug sa iyang mga tawo; mga maisog sila nga sundalo ug bangis sama sa oso nga giilogan ug mga anak. Gawas pa niana, ang imong amahan hanas sa pagpakig-away, ug dili siya makig-uban ug katulog sa iyang mga tawo.

2 Mga Hari 4:27

Apan pag-abot niya didto kang Eliseo sa bukid, gikuptan niya ang tiil ni Eliseo. Miduol si Gehazi aron ipalayo siya, apan miingon si Eliseo, “Pasagdi lang siya! Kay anaa siya sa kaguol. Apan gililong kini sa Ginoo kanako; wala niya ako sultihi bahin niini.”

Job 13:15

Kon patyon ako sa Dios, wala na akoy paglaom. Apan depensahan ko gihapon ang akong kaugalingon sa iyang atubangan.

Salmo 116:10

Mituo gihapon ako, bisan pa kon nakaingon ako, “Labihan gayod ang akong pag-antos.”

Salmo 138:3

Sa dihang nanawag ako kanimo, gitubag mo ako; gilig-on mo ako pinaagi sa imong kusog.

Salmo 18:2

Ikaw, Ginoo, ang akong salipdanan nga bato, ang akong lig-ong tago-anan ug manluluwas. Ikaw, Dios, ang salipdanan ko nga bato, makatago ako diha kanimo. Ikaw, Dios, ang akong taming, gamhanang manluluwas ug dalangpanan.

Salmo 18:6

Busa sa akong kalisdanan nagpakitabang ako kanimo, Ginoo, nga akong Dios, ug gikan sa imong templo gidungog mo ang akong pag-ampo.

Salmo 25:17

Misamot pa gayod ang akong mga kalisdanan; luwasa ako sa akong mga kabalaka.

Salmo 27:14

Salig kamo sa Ginoo! Pagpakalig-on kamo ug ayaw pagpakawala ug paglaom. Salig lang kamo sa Ginoo!

Salmo 31:24

Kamong naglaom sa Ginoo, pagpakalig-on kamo ug ayaw pagpakawala ug paglaom.

Salmo 42:11

Nganong maguol ug mabalaka man ako? Kinahanglan mosalig ako kanimo, ug dayegon ka nako pag-usab, ikaw nga akong Manluluwas ug Dios.

Salmo 42:5

Nganong maguol man ako ug mabalaka? Kinahanglan mosalig ako kanimo ug dayegon ka nako pag-usab, ikaw nga akong manluluwas ug Dios.

Salmo 56:11

Dili ako mahadlok kay nagsalig ako kanimo. Walay mahimo ang tawo batok kanako.

Salmo 62:1

Sa Dios lang ako adunay kapahulayan; ang akong kaluwasan naggikan kaniya.

Salmo 62:5

Sa Dios lang ako makaangkon ug kapahulayan kay gihatagan niya akog paglaom.

Salmo 71:4

O Dios ko, luwasa ako gikan sa kamot sa daotan ug bangis nga mga tawo.

Salmo 71:5

Kay ikaw ang akong paglaom, Ginoong Dios. Sukad sa bata pa ako, misalig na ako kanimo.

Exodo 17:4

Busa nagpakitabang si Moises sa Ginoo, “Unsa may akong himuon niining mga tawhana? Halos batohon na nila ako sa ilang kasuko!”

Mga Panultihon 18:10

Ang Ginoo sama sa lig-ong tore; nagdangop kaniya ang mga matarong aron walay daotang mahitabo kanila.

Isaias 25:4

Ikaw ang dalangpanan sa mga kabos panahon sa ilang kalisod ug pagpanginahanglan. Silonganan ka panahon sa bagyo ug ting-init. Kay ang pagsulong sa mapintas nga mga tawo sama sa bagyo nga mohapak sa paril,

Jeremias 16:19

Nag-ingon ako, “O Ginoo, ikaw ang akong kusog ug dalangpanan sa panahon sa kalisod. Moduol kanimo ang mga nasod nga naggikan sa tibuok kalibotan ug moingon, ‘Walay pulos ang mga dios-dios sa among mga katigulangan. Wala gayod kini nahimong kaayohan kanila.

Jonas 2:2

Miingon siya: “Sa akong kalisdanan, mitawag ako kanimo Ginoo, ug gitubag mo ako. Nangayo ako ug tabang kanimo sa dihang gaungaw ako sa kamatayon, ug gidungog mo ako.

Numeros 14:10

Batohon na unta sila sa tibuok katilingban, apan kalit lang nga nagpakita ang gamhanang presensya sa Ginoo ibabaw sa Tolda nga Tagboanan.

Mateo 21:9

Naninggit ang mga tawo nga gauna ug ang nagsunod kaniya, “Dayegon ta ang kaliwat ni David!” “Gipanalanginan sa Ginoo ang nag-anhi sa ngalan sa Ginoo!” “Dayegon ta ang Dios!”

Mateo 27:22

Miingon si Pilato, “Nan unsa man karon ang akong buhaton kang Jesus nga gitawag nga Mesiyas?” Mitubag silang tanan, “Ilansang siya sa krus!”

Juan 8:59

Tungod niining gisulti ni Jesus mipunit silag bato aron labayon siya. Apan misuot siya sa bagang duot sa katawhan ug mibiya sa templo.

Roma 4:18

Bisan wala na gayoy paglaom nga mahimong amahan, nagtuo gihapon si Abraham nga tumanon sa Dios ang iyang gisaad kaniya nga siya mahimong amahan. Busa tungod sa iyang pagtuo, nahimo siyang amahan sa daghang mga nasod, sumala gayod sa giingon sa Dios kaniya.

Roma 4:20

Wala gayod siya magduha-duha sa saad sa Dios, hinuon mituo siya niini. Busa gilig-on siya diha sa iyang pagtuo, ug gidayeg niya ang Dios

Roma 8:31

Karon, kon huna-hunaon ta kini nga mga butang, makaingon kita nga ang Dios dapig gayod kanato, ug walay makabatok kanato.

2 Mga Taga-Corinto 1:6

Kon nag-antos man kami, kini alang sa pagdasig kaninyo ug sa inyong kaluwasan. Ug kon gidasig kami, kini alang usab sa paghatag ug kadasig kaninyo aron maantos ninyo ang mga kalisdanan nga sama sa among giantos.

2 Mga Taga-Corinto 4:8

Sa among pagsangyaw kanunay kaming gipaantos, apan wala gayod kami mapildi sa mga nagbatok kanamo. Usahay maglibog na kami, apan wala gayod kami kawad-ig paglaom.

2 Mga Taga-Corinto 7:5

Kay bisan sa pag-abot namo sa Macedonia, wala gayoy pahulay ang among lawas tungod kay bisan asa nag-antos kami. Giaway kami sa mga nagbatok kanamo, ug nabalaka usab kami tungod sa kahimtang sa mga tumutuo.

Mga Hebreo 13:6

Busa magmaisog kita sa pag-ingon, “Ang Ginoo mao ang akong magtatabang, busa dili ako mahadlok. Unsa may mahimo sa tawo kanako?”

Mga Maghuhukom 18:25

Miingon sila, “Maayo pag mohilom ka na lang, kay basin ug masuko ang uban namong mga kauban ug patyon ka nila apil ang imong pamilya.”

Mga Maghuhukom 20:22

Mitungas pag-usab ang mga Israelinhon sa Betel ug nanghilak didto hangtod sa gabii. Gipangutana nila ang Ginoo, “Makig-gira pa ba kami pag-usab sa among kadugo nga mga Benjaminhon?” Mitubag ang Ginoo, “Oo, pakig-gira kamo pag-usab.” Busa gidasig nila ang usag usa ug nagpahimutang sila pag-usab sa mao gihapon nga dapit.

1 Samuel 23:16

Miadto si Jonatan kang David didto sa Horesh aron sa pagdasig kaniya sa pagsalig sa Dios.

1 Samuel 28:15

Miingon si Samuel kang Saulo, “Nganong gisamok mo ako pinaagi sa pagtawag kanako?” Miingon si Saulo, “Aduna akoy dako nga problema. Nakig-gira kanako ang mga Filistihanon ug gitalikdan na ako sa Dios. Wala na niya ako tubaga, bisag pinaagi sa mga propeta o mga damgo. Busa gipatawag ka nako aron sultihan mo ako kon unsa ang akong himuon.”