1 Samuel 29:3 - Ang Pulong sa Dios

³ Apan nangutana ang mga komander sa mga Filistihanon kang Akish, “Unsay gibuhat niining mga Hebreo dinhi?” Mitubag si Akish, “Mao kana si David, ang opisyal ni Saulo nga hari sa Israel. Sobra usa ka tuig na siya nga akong kauban, ug sukad nga mibiya siya kang Saulo hangtod karon, wala akoy nakitang daotan kaniya.”

Ang Biblia 2011

³ ang mga tigmando sa mga Filistihanon miingon “Unsay gibuhat niining mga Hebreo dinhi?” Ug si Akis miingon sa mga tigmando sa mga Filistihanon, “Dili ba kini si David, ang sulugoon ni Saul nga hari sa Israel, nga uban kanako sulod sa mga adlaw ug mga tuig? Sukad sa iyang pagtipon kanako, wala ako makakita ug sayop diha kaniya hangtod niining adlawa.”

Maayong Balita Biblia

³ Unya miingon ang mga opisyal nga Filistihanon, “Unsa may gibuhat niining mga Hebreo dinhi?” Mitubag si Akis, “Kini mao si David, sulugoon ni Saul nga hari sa Israel. Dugay na siyang mitipon kanako ug sukad sa iyang pagtipon kanako, wala gayod siya magbuhat ug daotan.”

Ang Bag-ong Maayong Balita Biblia

³ Unya miingon ang mga opisyal nga Filistihanon, “Unsa may gibuhat niining mga Hebreo dinhi?” Mitubag si Akis, “Kini mao si David, sulugoon ni Saul nga hari sa Israel. Dugay na siyang mitipon kanako ug sukad sa iyang pagtipon kanako, wala gayod siya magbuhat ug daotan.”

1 Samuel 29:3 Cross References

Genesis 14:13

Adunay usa ka tawo nga nakaikyas ug misugilon kang Abram nga Hebreo bahin sa nahitabo. Si Abram didto niadtong panahona nagpuyo duol sa kahoy nga tugas ni Mamre nga Amorihanon. Kini si Mamre ug ang iyang mga igsoon nga si Eshcol ug si Aner mga kadapig ni Abram.

1 Cronicas 12:19

Adunay mga tawo usab nga naggikan sa tribo ni Manases nga niuban kang David sa dihang miuban siya sa mga Filistihanon aron sa pagpakig-gira kang Saulo. Apan wala kini madayon tungod kay wala mosugot ang mga Filistihanon nga mouban si David ug ang iyang mga tawo, kay nahadlok sila nga mobali si David ug modapig ngadto sa iyang agalon nga si Saulo. Busa, human sa ilang panagsabot-sabot, gipabalik nila si David sa Ziklag.

1 Cronicas 12:20

Mao kini ang mga tawo nga naggikan sa tribo ni Manases nga miuban kang David sa Ziklag: sila si Adna, Jozabad, Jediel, Micael, Jozabad, Elihu, ug Ziletai. Ang matag-usa kanila pangulo sa usa ka libo ka sundalo sa tribo ni Manases.

Daniel 6:5

Busa miingon sila, “Wala gayod kitay makitang sayop nga ikaakusar kang Daniel, gawas kon aduna kini kalabotan sa Kasugoan sa iyang Dios.”

Juan 19:6

Pagkakita kaniya sa kadagkoan sa mga pari ug sa mga tigbalantay, naninggit sila, “Ilansang siya sa krus! Ilansang siya sa krus!” Miingon si Pilato kanila, “Bahala na kamo, kuhaa ninyo siya ug kamoy lansang kaniya sa krus, kay alang kanako wala gayod akoy nakitang sala kaniya.”

Roma 12:17

Kon adunay magbuhat ug daotan kaninyo ayaw kamo pagbalos ug daotan. Hinuon huna-hunaa ninyo kon sa unsa nga pamaagi kamo makahimog maayo atubangan sa mga tawo.

1 Pedro 3:16

Tubaga ninyo sila sa malumo nga pamaagi ug adunay pagtahod. Siguroha ninyo nga kanunayng hinlo ang inyong konsensya, aron maulawan ang mga tawo nga nagpakadaotan sa inyong maayo nga mga binuhatan isip mga sumusunod ni Cristo.

1 Samuel 14:11

Busa nagpakita silang duha didto sa bantayanan sa mga Filistihanon. Gibiay-biay sila sa mga Filistihanon nga nagkanayon, “Tan-awa ninyo ang mga Hebreo! Nanggawas na sila gikan sa ilang gitagoan nga mga bangag.”

1 Samuel 25:28

Palihog pasayloa ako sa akong mga kakulangon. Sigurado gayod nga ang Ginoo maghimo kanimong hari ingon man ang imong mga kaliwat, tungod kay nakig-gira ka alang kaniya. Hinaut pa nga walay daotang mahitabo kanimo samtang buhi ka pa.

1 Samuel 27:1

Miingon si David sa iyang kaugalingon, “Moabot ang adlaw nga mapatay gayod ako ni Saulo. Maayo pang mopahilayo na lang ako ngadto sa yuta sa mga Filistihanon aron maundang na ang paggukod ni Saulo kanako dinhi sa Israel, ug malikay na ako gikan kaniya.”

1 Samuel 27:7

Nagpuyo si David sa teritoryo sa mga Filistihanon sulod sa usa ka tuig ug upat ka bulan.

1 Samuel 29:6

Busa gitawag ni Akish si David ug giingnan, “Nagsulti ako sa tinuod sa presensya sa buhi nga Ginoo nga masaligan ka gayod. Ug gusto ko gayod unta nga mokuyog ka kanako sa pagpakig-gira, tungod kay sukad sa adlaw nga miuban ka kanako hangtod karon wala gayod akoy nakitang daotan diha sa imong pagkatawo. Apan walay pagsalig kanimo ang ubang mga pangulo.

1 Samuel 4:6

Sa dihang nadungog sa mga Filistihanon ang singgit sa mga Israelinhon, nangutana sila, “Nganong naninggit ang mga Hebreo didto sa ilang kampo?” Sa dihang nahibaloan nila nga miabot na ang Sudlanan sa Ginoo didto sa kampo sa mga Israelinhon,