1 Samuel 28:3 - Ang Pulong sa Dios

³ Patay na niadtong panahona si Samuel. Sa dihang namatay siya, nagsubo ang tanang taga-Israel alang kaniya, ug gilubong nila siya sa iyang lungsod sa Rama. Ug giabog ni Saulo gikan sa Israel ang mga espiritista apil na ang mga nakig-istorya sa kalag sa patay.

Ang Biblia 2011

³ Niadtong higayona, si Samuel patay na ug ang tibuok Israel nagbangotan alang kaniya ug gilubong siya didto sa Rama, didto sa iyang kaugalingong siyudad. Gipapahawa ni Saul ang mga tigpakisayod ug mga espiritu ug ang mga tigsalamangka gikan sa yuta.

Maayong Balita Biblia

³ Niining higayona, patay na si Samuel ug ang tanang katawhan sa Israel human nang nagbangotan tungod kaniya ug nalubong na nila siya didto sa iyang siyudad sa Rama. Nahinginlan na ni Saul gikan sa Israel ang tanang tigkonsulta ug mga espiritu ug mga salamangkero.

Ang Bag-ong Maayong Balita Biblia

³ Niining higayona, patay na si Samuel ug ang tanang katawhan sa Israel human nang nagbangotan tungod kaniya ug nalubong na nila siya didto sa iyang siyudad sa Rama. Nahinginlan na ni Saul gikan sa Israel ang tanang tigkonsulta ug mga espiritu ug mga salamangkero.

1 Samuel 28:3 Cross References

Exodo 22:17

Kon dili gayod mosugot ang amahan sa babaye nga ipakasal ang iyang anak sa maong lalaki, mobayad gihapon ang lalaki sa kantidad nga ilang pangayoon.

Exodo 22:18

“Patya ninyo ang mga mamamarang.

Levitico 19:31

“ ‘Ayaw kamo pagdangop sa mga espiritista ug niadtong mga nakigsulti sa kalag sa patay, kay kon himuon ninyo kini isipon kamo nga hugaw. Ako mao ang Ginoo nga inyong Dios.

Levitico 20:27

“ ‘Kon aduna kaninyoy espiritista o nakigsulti sa kalag sa patay, kinahanglan nga batohon siya hangtod nga mamatay. Siya ang responsable sa iyang kamatayon.’ ”

Levitico 20:6

“ ‘Kapungtan ko usab ang tawo nga modangop ug mosunod sa mga espiritista ug moduyog sa ilang salawayon nga buhat ug kadtong mga nakigsulti sa kalag sa patay. Dili ko sila isipon nga inyong sakop.

1 Samuel 15:23

Ang pagkamasinupakon ngadto sa Ginoo sama kadaotan sa pagpamarang. Ug ang pagkagahig ulo sama kadaotan sa pagsimba sa mga dios-dios. Tungod kay gisalikway mo ang sugo sa Ginoo, gisalikway ka usab niya isip hari.”

1 Samuel 25:1

Unya namatay si Samuel, ug ang tanang mga Israelinhon nagtigom ug nagsubo alang kaniya. Gilubong nila siya sa iyang dapit sa Rama. Human niadto, milugsong si David sa kamingawan sa Maon.

1 Samuel 28:9

Apan miingon ang babaye kaniya, “Unsa, gusto mo ba nga mamatay ako? Nahibaloan mo man tingali kon unsa ang gihimo ni Saulo. Giabog niya gikan sa Israel ang mga espiritista apil na ang mga nakig-istorya sa kalag sa patay. Busa ayaw ibutang sa kakuyaw ang akong kinabuhi.”

1 Samuel 7:17

Apan pagkahuman mopauli gayod siya sa Rama, diin siya nagpuyo, aron usab sa pagpangulo sa mga tawo didto. Ug naghimo siyag halaran alang sa Ginoo.