1 Samuel 27:1 - Ang Pulong sa Dios

¹ Miingon si David sa iyang kaugalingon, “Moabot ang adlaw nga mapatay gayod ako ni Saulo. Maayo pang mopahilayo na lang ako ngadto sa yuta sa mga Filistihanon aron maundang na ang paggukod ni Saulo kanako dinhi sa Israel, ug malikay na ako gikan kaniya.”

Ang Biblia 2011

¹ Si David miingon diha sa iyang kasingkasing, “May adlaw ra nga mahanaw ako pinaagi sa kamot ni Saul; wala nay maayo pa alang kanako gawas nga moikyas ako ngadto sa yuta sa mga Filistihanon. Unya si Saul mawad-an ug paglaom sa pagpangita kanako sa sulod sa mga utlanan sa Israel, ug makalingkawas ako gikan sa iyang kamot.”

Maayong Balita Biblia

¹ Miingon si David sa iyang kaugalingon, “Moabot gayod ang adlaw nga mapatay ako ni Saul. Mas maayo pa nga mokagiw ako ngadto sa yuta sa mga Filistihanon. Pul-an na unya si Saul sa pagsigig gukod kanako dinhi sa Israel ug makalingkawas ako kaniya.”

Ang Bag-ong Maayong Balita Biblia

¹ Miingon si David sa iyang kaugalingon, “Moabot gayod ang adlaw nga mapatay ako ni Saul. Mas maayo pa nga mokagiw ako ngadto sa yuta sa mga Filistihanon. Pul-an na unya si Saul sa pagsigig gukod kanako dinhi sa Israel ug makalingkawas ako kaniya.”

1 Samuel 27:1 Cross References

1 Mga Hari 12:26

Miingon siya sa iyang kaugalingon, “Lagmit mahibalik ang gingharian sa panimalay ni David

1 Mga Hari 12:28

Busa human magpatambag si Jeroboam bahin niini, nagpahimo siya ug duha ka bulawan nga baka. Unya miingon siya sa mga tawo, “Mga Israelinhon, hasol na kaayo alang kaninyo nga moadto pa sa Jerusalem. Ania ang inyong mga dios nga nagpagawas kaninyo gikan sa Ehipto.”

1 Mga Hari 19:3

Nahadlok si Elias, busa miikyas siya ngadto sa Beersheba nga sakop sa Juda, ug gibilin niya didto ang iyang sulugoon.

2 Cronicas 25:17

Human mikonsulta si Haring Amazia sa iyang mga magtatambag, nagpadala siyag mensahe sa hari sa Israel nga si Joas nga anak ni Jehoahaz ug apo ni Jehu nga nag-ingon: “Dali, atubanga ako sa usa ka panag-away.”

Salmo 116:11

Sa akong kahadlok miingon ako, “Wala gayoy tawo nga kasaligan.”

Salmo 55:7

Molupad ako paingon sa halayong kamingawan ug didto mopuyo.

Exodo 14:12

Di ba nag-ingon man kami kanimo didto sa Ehipto nga pasagdan mo na lang kami nga magpaulipon sa mga Ehiptohanon? Mas maayo pa nga nagpaulipon na lang kami sa mga Ehiptohanon kaysa mamatay kami dinhi sa kamingawan!”

Mga Panultihon 13:12

Ang pangandoy sa tawo nga wala matuman makapaluya, apan ang pangandoy nga natuman makapaabtik ug makahatag ug kalipay sa kinabuhi.

Isaias 51:12

Mitubag ang Ginoo, “Ako mao ang nagdasig kaninyo. Busa nganong mahadlok man kamo sa mga tawong mamatay ra sama sa sagbot?

Numeros 14:3

Nganong dad-on pa man kita sa Ginoo niana nga yuta, aron lang ba mangamatay kita sa gira ug pangbihagon ang atong mga asawa ug mga anak? Maayo pa sigurog mamalik na lang kita sa Ehipto.”

Mateo 14:31

Diha-diha gigunitan siya ni Jesus ug giingnan, “Kulang ang imong pagtuo! Ngano bang nagduha-duha ka man?”

Marcos 4:40

Ug miingon si Jesus kanila, “Nganong nangahadlok man kamo? Wala pa ba kamoy pagtuo kanako?”

2 Mga Taga-Corinto 7:5

Kay bisan sa pag-abot namo sa Macedonia, wala gayoy pahulay ang among lawas tungod kay bisan asa nag-antos kami. Giaway kami sa mga nagbatok kanamo, ug nabalaka usab kami tungod sa kahimtang sa mga tumutuo.

1 Samuel 16:1

Usa niadto ka higayon, miingon ang Ginoo kang Samuel, “Hangtod kanus-a ka magsubo alang kang Saulo? Gisalikway ko na siya isip hari sa Israel. Karon, pun-a ug lana ang imong sudlanan nga sungay sa mananap, kay paadtoon ka nako kang Jesse nga taga-Betlehem. Gipili ko na ang usa sa iyang mga anak nga mahimong hari.”

1 Samuel 16:13

Busa gikuha ni Samuel ang lana ug gidihogan niya si David atubangan sa iyang mga igsoon. Ug gikan niadtong adlawa gigamhan si David sa Espiritu sa Ginoo. Unya mipauli si Samuel sa Rama.

1 Samuel 20:3

Apan miingon si David, “Nahibalo ang imong amahan nga maayo ka kanako, busa gihuna-huna niya nga mas maayo nga dili ka pahibaloon sa iyang plano sa pagpatay kanako kay tingalig maguol ka. Apan ipanumpa ko gayod kanimo, sa atubangan sa buhi nga Ginoo ug kanimo, nga anaa ako sa kakuyaw.”

1 Samuel 22:5

Usa niana ka higayon, miingon si propeta Gad kang David, “Ayaw na pagtago dinhi. Adto sa Juda.” Busa mibiya si David ug miadto sa kalasangan sa Heret.

1 Samuel 23:17

Miingon si Jonatan, “Ayaw kahadlok kay ang akong amahan dili makahilabot kanimo. Nahibaloan mismo sa akong amahan nga ikaw ang mahimong hari sa Israel, ug ako ang ikaduha kanimo.”

1 Samuel 25:30

Kon matuman na ang tanan nga maayong mga butang nga gisaad sa Ginoo kanimo, ug mahimo ka nang hari sa Israel,

1 Samuel 26:19

Mahal nga Hari, pamatia ang akong isulti. Kon ang Ginoo mao ang nagtulod kanimo sa pagpatay kanako, hinaut dawaton niya ang akong halad. Apan kon kini iya lang sa tawo, hinaut nga panghimaraoton sila sa Ginoo. Kay gihinginlan nila ako gikan sa yuta sa Ginoo ug giingnan nga moalagad sa ubang mga dios.

1 Samuel 29:2

Samtang nagmartsa ang mga pangulo sa mga Filistihanon uban sa ilang mga sundalo nga naggrupo sa ginatos ug linibo, nagsunod kanila sila si David ug ang iyang mga tawo uban kang Haring Akish.

1 Samuel 29:3

Apan nangutana ang mga komander sa mga Filistihanon kang Akish, “Unsay gibuhat niining mga Hebreo dinhi?” Mitubag si Akish, “Mao kana si David, ang opisyal ni Saulo nga hari sa Israel. Sobra usa ka tuig na siya nga akong kauban, ug sukad nga mibiya siya kang Saulo hangtod karon, wala akoy nakitang daotan kaniya.”