1 Samuel 26:5 - Ang Pulong sa Dios

⁵ Unya miadto si David sa dapit nga gikampohan ni Saulo. Nakita niya ang dapit nga gihigdaan ni Saulo ug ni Abner nga anak ni Ner, nga komander sa mga sundalo. Natulog si Saulo nga gilibotan sa mga sundalo.

Ang Biblia 2011

⁵ Busa si David mitindog ug miadto sa dapit diin si Saul nagkampo, ug si David nakakita sa dapit diin si Saul naghigda uban kang Abner nga anak ni Ner, ang tigmando sa iyang kasundalohan. Si Saul naghigda sulod sa taliwala sa kampo samtang ang kasundalohan naglibot kaniya.

Maayong Balita Biblia

⁵ Unya miadto si David sa dapit diin nagkampo si Saul. Unya nakita niya nga namahulay si Saul ug si Abner nga anak ni Ner, ang pangulo sa kasundalohan ni Saul. Naghigda si Saul nga gilibotan sa iyang mga sundalo.

Ang Bag-ong Maayong Balita Biblia

⁵ Unya miadto si David sa dapit diin nagkampo si Saul. Unya nakita niya nga namahulay si Saul ug si Abner nga anak ni Ner, ang pangulo sa kasundalohan ni Saul. Naghigda si Saul nga gilibotan sa iyang mga sundalo.

1 Samuel 26:5 Cross References

2 Samuel 3:27

Sa dihang didto na si Abner sa Hebron, gidala siya ni Joab didto sa may ganghaan sa lungsod aron kunohay magsultihanay nga sila lang duha. Ug didto gidunggab ni Joab si Abner sa tiyan, ug namatay kini. Gihimo kini ni Joab agig balos sa pagpatay ni Abner sa iyang igsoon nga si Asahel.

1 Cronicas 9:39

Si Ner amahan ni Kish, si Kish amahan ni Saulo, ug si Saulo amahan nila ni Jonatan, Malkishua, Abinadab, ug Eshbaal.

1 Samuel 17:20

Busa sa pagkasunod nga adlaw, sayo pa kaayong mibangon si David ug giandam ang pagkaon nga iyang dad-onon. Gibilin niya ang mga karnero sa usa ka magbalantay, ug unya milakaw siya sumala sa giingon sa iyang amahan. Sa pag-abot niya sa kampo sa mga Israelinhon, mao usay pagpanggawas sa mga sundalo nga nagsinggit sa pagpakig-gira.

1 Samuel 17:55

Niadtong nakita ni Saulo si David nga nagpaduol kang Goliat aron makig-away, nangutana siya kang Abner nga komander sa mga sundalo, “Abner, kang kinsang anak kana nga batan-on?” Mitubag si Abner, “Wala gayod ako mahibalo, Mahal nga Hari.”

1 Samuel 26:4

nagpadala siyag mga tigpaniid, ug nahibaloan niya nga miabot gayod si Saulo.

1 Samuel 9:1

Adunay usa ka adunahan ug inila nga tawo sa tribo ni Benjamin. Ang iyang ngalan si Kish, ug anak siya ni Abiel. Si Abiel anak ni Zeror. Si Zeror anak ni Bekorat. Ug si Bekorat anak ni Apia nga kaliwat ni Benjamin.