1 Samuel 26:15 - Ang Pulong sa Dios

¹⁵ Mitubag si David, “Dili ba ikaw man ang inilang maisog nga sundalo sa Israel? Nganong wala man nimo bantayi ang hari nga imong agalon? Adunay mianha diha aron unta sa pagpatay kaniya!

Ang Biblia 2011

¹⁵ Si David miingon kang Abner, “Dili ba lalaki man ikaw? Ug kinsa ba ang sama kanimo sa Israel? Ngano nga wala man ikaw magbantay sa imong agalon nga hari? Kay usa sa mga katawhan mianha aron sa paglaglag sa hari nga imong agalon.

Maayong Balita Biblia

¹⁵ Miingon si David kang Abner, “Dili ba ikaw man ang giilang maayong laki sa tibuok Israel? Unya nganong wala man nimo bantayi ang hari nga imong agalon? May usa ka tawo nga mianha dinha aron pagpatay unta sa hari nga imong agalon.

Ang Bag-ong Maayong Balita Biblia

¹⁵ Miingon si David kang Abner, “Dili ba ikaw man ang giilang maayong laki sa tibuok Israel? Unya nganong wala man nimo bantayi ang hari nga imong agalon? May usa ka tawo nga mianha dinha aron pagpatay unta sa hari nga imong agalon.

1 Samuel 26:15 Cross References

2 Samuel 3:38

Unya miingon si David sa iyang mga tawo, “Wala ba kamo makaamgo nga namatay ang usa ka gamhanan nga pangulo sa Israel karong adlawa?

Daniel 4:19

Pagkadungog ni Daniel (nga gitawag usab ug Belteshazar) niini, nahilom siya sa makadiyot kay nalisang siya ug nabalaka sa gisulti sa hari bahin sa iyang damgo. Busa miingon ang hari kaniya, “Belteshazar, ayaw kalisang sa akong damgo ug sa kahulogan niini.” Mitubag si Belteshazar, “Mahal nga Hari, maayo unta kon ang imong damgo ug ang kahulogan niini mahitabo ngadto sa imong mga kaaway ug dili kanimo.

Mateo 26:40

Gibalikan ni Jesus ang iyang mga tinun-an ug naabtan niya sila nga nangatulog. Miingon siya kang Pedro, “Dili ba gayod kamo makatukaw uban kanako bisan sa usa lang ka oras?

1 Samuel 26:14

Misinggit si David ngadto sa mga sundalo ug kang Abner nga anak ni Ner, “Abner, madungog mo ba ako?” Mitubag si Abner, “Kinsa ka? Unsay imong tuyo sa hari?”

1 Samuel 26:16

Dili maayo kining imong gibuhat. Ipanumpa ko sa buhi nga Dios nga angay kang mamatay ug ang imong mga tawo, kay wala ninyo bantayi ang inyong agalon, ang pinili nga hari sa Ginoo. Tan-awa kon anaa pa ba ang bangkaw sa hari ug ang sudlanan sa tubig diha sa iyang ulohan.”