1 Samuel 24:12 - Ang Pulong sa Dios

¹² “Hinaut nga ang Ginoo mao ang maghukom kanatong duha, ug hinaut nga panimaslan ka niya sa imong daotang gihimo kanako. Apan ako dili gayod manghilabot kanimo,

Ang Biblia 2011

¹² Ang Ginoo maghukom unta taliwala kanimo ug kanako, ug ang Ginoo magbalos kanimo alang kanako, apan ang akong kamot dili gayod makigbatok kanimo.

Maayong Balita Biblia

¹² Ang Ginoo maoy maghukom kanato. Siya maoy maantigong manimalos kanimo tungod sa imong gibuhat batok kanako apan dili ko gayod bakyawon ang akong kamot batok kanimo.

Ang Bag-ong Maayong Balita Biblia

¹² Ang Ginoo maoy maghukom kanato. Siya maoy maantigong manimalos kanimo tungod sa imong gibuhat batok kanako apan dili ko gayod bakyawon ang akong kamot batok kanimo.

1 Samuel 24:12 Cross References

Genesis 16:5

Tungod niini, miingon si Sarai kang Abram, “Gihatag ko si Hagar kanimo apan karon nga mabdos na siya, gibiay-biay na niya ako. Ikaw ang angay basolon niini! Ang Ginoo na ang maghukom kon kinsa kanato ang sad-an.”

Genesis 31:53

Hinaut pa nga ang Dios sa imong apohan nga si Abraham ug ang Dios sa akong amahan nga si Nahor, nga mao usab ang mga Dios sa ilang amahan nga si Tera, mao ang mohukom kanatong duha.” Nanumpa usab si Jacob sa ngalan sa Dios nga gitahod sa iyang amahan nga si Isaac.

2 Samuel 22:48

Siya ang Dios nga nanimalos sa akong mga kaaway ug gipasakop niya kanako ang mga kanasoran.

1 Cronicas 12:18

Unya gigamhan sa Espiritu si Amasai, nga sa kaulahian nahimong pangulo sa 30 ka maisog nga mga sakop ni David, ug miingon: “Imo kami! Dapig kami kanimo, O David, anak ni Jesse! Hinaut nga magmalampuson ka ug ang mga gatabang kanimo, kay ang imong Dios gatabang kanimo.” Busa gidawat sila ni David ug gihimong mga opisyal sa iyang pundok.

Job 5:8

“Kon ako pay anaa sa imong dapit, modangop ako sa Dios ug itugyan ko kaniya ang akong kahimtang.

Salmo 35:1

Pakigbatok, Ginoo, sa mga nakigbatok kanako. Pakig-gira sa mga nakig-gira kanako.

Salmo 43:1

Pamatud-i, O Dios, nga wala akoy sala, ug labani ako batok sa dili diosnong mga nasod. Luwasa ako gikan sa limbongan ug daotang mga tawo.

Salmo 94:1

Ginoo, Dios ka nga nagpanimalos; ipakita na ang imong kasuko.

Roma 12:19

Mga hinigugma, ayaw gayod kamo pagpanimalos, kondili itugyan ninyo kini sa Dios nga mao ang magsilot kanila. Kay sa Kasulatan nag-ingon ang Dios: “Ako ang manimalos; ako ang magsilot.”

1 Pedro 2:23

Giinsulto siya, apan wala siya mobalos ug insulto. Gisilotan siya, apan wala gayod siya manghulga. Nagsalig siya sa Dios nga mao ang naghukom sa matarong.

Gipadayag 6:10

Naninggit silag kusog, “Ginoo nga Makagagahom, balaan ug kasaligan! Kanus-a mo pa ba hukman ug silotan ang mga tawo sa kalibotan tungod sa ilang pagpatay kanamo?”

Mga Maghuhukom 11:27

Wala kamiy daotang gihimo kaninyo. Kamo hinuon ang naghimog daotan sa inyong pagpakig-gira kanamo. Ang Ginoo mao ang mohukom kon kinsa ang husto kanato.”

1 Samuel 20:1

Unya, miikyas si David gikan sa Nayot sa Rama ug miadto kang Jonatan ug nangutana, “Unsa ba ang sala nga akong nahimo ngadto sa imong amahan nga buot man niya akong patyon?”

1 Samuel 24:15

Hinaut nga ang Ginoo mao ang maghukom ug modesisyon kon kinsa ang sad-an kanatong duha. Hinaut nga dunggon niya ako, labanan ug luwason gikan sa imong mga kamot.”

1 Samuel 26:23

Adunay ganti ang Ginoo alang sa mga tawo nga matarong ug matinud-anon. Gitugyan ka sa Ginoo kanako karong adlawa, apan wala ka nako patya kay ikaw ang pinili nga hari sa Ginoo.