1 Samuel 23:4 - Ang Pulong sa Dios

⁴ Nangutana pag-usab si David sa Ginoo, ug miingon ang Ginoo kaniya, “Adto sa Keila, kay padag-on ka nako batok sa mga Filistihanon.”

Ang Biblia 2011

⁴ Busa nagpakisayod pag-usab si David sa Ginoo. Ug ang Ginoo mitubag kaniya, “Tindog ug lugsong ngadto sa Keila kay itugyan nako ang mga Filistihanon nganha sa imong kamot.”

Maayong Balita Biblia

⁴ Busa nagpakisayod si David pag-usab sa Ginoo ug giingnan siya sa Ginoo “Adtoa ang Kela kay itugyan ko kanimo ang mga Filistihanon.”

Ang Bag-ong Maayong Balita Biblia

⁴ Busa nagpakisayod si David pag-usab sa Ginoo ug giingnan siya sa Ginoo “Adtoa ang Kela kay itugyan ko kanimo ang mga Filistihanon.”

1 Samuel 23:4 Cross References

2 Samuel 2:1

Human niadto, nangutana si David sa Ginoo, “Motungas ba ako sa usa sa mga lungsod sa Juda?” Mitubag ang Ginoo, “Oo.” Nangutana si David, “Asa dapit?” Mitubag ang Ginoo, “Sa Hebron.”

2 Samuel 5:19

Busa nangutana si David sa Ginoo, “Sulongon ba namo ang mga Filistihanon? Itugyan mo ba sila kanamo?” Mitubag ang Ginoo kaniya, “Oo, lakaw kamo, kay tugyan ko gayod sila kaninyo.”

2 Mga Hari 3:18

Sayon lang kining butanga alang sa Ginoo. Itugyan usab niya kaninyo ang mga Moabihanon.

1 Cronicas 14:10

Busa nangutana si David sa Dios, “Sulongon ba namo ang mga Filistihanon? Itugyan mo ba sila kanamo?” Mitubag ang Ginoo kaniya, “Oo, lakaw kamo, kay itugyan ko sila kaninyo.”

Josue 8:7

Unya panggawas dayon kamo sa inyong gitagoan ug iloga ninyo ang lungsod, kay ihatag kini kaninyo sa Ginoo nga inyong Dios.

Mga Maghuhukom 6:39

Miingon si Gideon sa Dios, “Palihog ayawg kasuko kanako niining ulahi kong hangyo. Niining higayona, ihangyo ko nga kining balhibo sa karnero na usab ang mala, apan basa sa yamog ang yuta sa palibot niini.”

Mga Maghuhukom 7:7

Miingon ang Ginoo kang Gideon, “Pinaagi niining 300 ka mga tawo luwason ko kamo ug padag-on batok sa mga Midianhon. Papaulia na lang sa ilang tagsa-tagsa ka dapit ang uban.”

Mga Maghuhukom 7:9

Nianang pagkagabii miingon ang Ginoo kang Gideon, “Pangandam! Sulonga ninyo ang kampo sa mga Midianhon kay padag-on ko kamo.

1 Samuel 10:22

Busa nangutana ang mga tawo sa Ginoo, “Ania ba siya dinhi?” Mitubag ang Ginoo, “Oo, ania siya. Nagtago lang siya sa mga kargamento.”

1 Samuel 23:2

nangutana siya sa Ginoo, “Sulongon ko ba ang mga Filistihanon?” Mitubag ang Ginoo kaniya, “Sige, sulonga sila ug luwasa ang Keila.”

1 Samuel 23:3

Apan miingon ang mga tawo ni David, “Nahadlok na gani kami dinhi sa Juda, unsa pa kaha kon moadto kita sa Keila ug makig-gira sa mga Filistihanon.”

1 Samuel 23:5

Busa miadto si David ug ang iyang mga tawo sa Keila ug nakig-gira sa mga Filistihanon. Daghang mga Filistihanon ang ilang napatay, ug gipanguha nila ang ilang mga mananap. Naluwas nila ang taga-Keila.

1 Samuel 28:6

Busa nangutana siya sa Ginoo, apan wala siya tubaga sa Ginoo bisan pinaagi sa mga damgo, mga propeta, o pinaagi sa Urim.

1 Samuel 30:8

Unya nangutana si David sa Ginoo, “Gukdon ba namo ang nagsulong kanamo? Mapildi ba namo sila?” Mitubag ang Ginoo, “Sige, gukda ninyo sila kay mapildi gayod ninyo sila, ug maluwas ninyo ang mga gipangbihag.”