1 Samuel 23:1 - Ang Pulong sa Dios

¹ Sa dihang gisultihan si David nga gisulong sa mga Filistihanon ang Keila ug gipangawat ang ilang mga trigo sa giokanan,

Ang Biblia 2011

¹ Unya ilang gisuginlan si David, “Tan-awa, ang mga Filistihanon nakig-away batok sa Keila, ug nanulis sa mga giokanan.”

Maayong Balita Biblia

¹ Unya may nagsugilon kang David nga gisulong sa mga Filistihanon ang Kela ug gipangawat nila ang mga bag-ong ani nga trigo.

Ang Bag-ong Maayong Balita Biblia

¹ Unya may nagsugilon kang David nga gisulong sa mga Filistihanon ang Kela ug gipangawat nila ang mga bag-ong ani nga trigo.

1 Samuel 23:1 Cross References

Daniel 2:35

Diha-diha nangagupok ang estatuwa nga puthaw, yutang kolonon, bronsi, plata, ug bulawan. Nahisama kini sa tahop sa giokanan ug gipalid sa hangin. Wala gayoy nahibilin niini. Apan ang bato nga nakadugmok sa tiil sa estatuwa nahimong dako nga bukid ug milukop sa tibuok kalibotan.

Levitico 26:16

mao kini ang akong himuon kaninyo: Mataranta kamo tungod kay padad-an ko kamo ug makamatay nga sakit ug hilanat nga makadaot sa inyong mga mata ug lawas. Magtanom kamo, apan dili ninyo kini mapuslan kay sulongon kamo sa inyong mga kaaway ug kaonon nila ang inyong mga abot.

Miqueas 6:15

Magpugas kamo, apan dili kamo ang mag-ani niini. Magpuga kamo ug mga olibo, apan dili kamo ang makapahimulos sa lana niini. Magpuga kamo ug mga ubas, apan dili kamo ang moinom sa bino niini.

Deuteronomio 28:33

Ang mga tawo nga wala ninyo mailhi mao ang mokaon sa tanan ninyong hinagoan, ug kanunay lang kamong daog-daogon ug paantuson.

Deuteronomio 28:51

Kaonon nila ang inyong mga kahayopan ug ang inyong mga abot hangtod nga mangamatay kamo. Wala silay ibilin kaninyo nga trigo, duga sa ubas, lana, o mga kahayopan hangtod nga mangalaglag kamo.

Josue 15:44

Keila, Aczib, ug Maresha nga 9 ka mga lungsod apil ang mga baryo sa palibot niini.

Mga Maghuhukom 6:11

Unya, miabot ang anghel sa Ginoo didto sa Ofra. Milingkod siya ilalom sa punoan sa kahoyng terebinto nga iya ni Joas nga kaliwat ni Abiezer. Niadtong higayona, si Gideon nga anak ni Joas naggiok ug trigo didto sa pug-anan sa ubas aron dili makita sa mga Midianhon ang trigo.

Mga Maghuhukom 6:4

Nagkampo kining mga tawhana didto sa dapit sa mga Israelinhon ug ginadaot nila ang mga tanom sa mga Israelinhon hangtod sa Gaza. Wala gayod silay ginabilin nga pangabuhian sa mga Israelinhon: karnero man, baka, o asno.