1 Samuel 22:19 - Ang Pulong sa Dios

¹⁹ Gipapatay usab ni Saulo ang tanang nagpuyo sa Nob, ang lungsod sa mga pari: ang mga lalaki, mga babaye, mga kabataan apil ang mga masuso, mga baka, mga asno, mga karnero, ug mga kanding.

Ang Biblia 2011

¹⁹ Ug ang Nob, ang siyudad sa mga pari, iyang gitigbas pinaagi sa espada; ang mga lalaki ug mga babaye, kabataan ug mga masuso, mga baka, mga asno ug mga karnero iyang gipanigbas pinaagi sa espada.

Maayong Balita Biblia

¹⁹ Gihurot niyag pamatay ang mga lumolupyo sa Nob, ang siyudad sa mga pari. Gipamatay niya ang kalalakin-an, kababayen-an, ang kabataan ug mga masuso lakip ang mga baka, mga asno ug mga karnero.

Ang Bag-ong Maayong Balita Biblia

¹⁹ Gihurot niyag pamatay ang mga lumolupyo sa Nob, ang siyudad sa mga pari. Gipamatay niya ang kalalakin-an, kababayen-an, ang kabataan ug mga masuso lakip ang mga baka, mga asno ug mga karnero.

1 Samuel 22:19 Cross References

Nehemias 11:32

sa Anatot, Nob, Ananias,

Isaias 10:32

Niining adlawa, moabot sa Nob ang mga taga-Asiria. Ug mosinyas sila sa pagsulong sa bukid sa Jerusalem, ang Bukid sa Zion.

Oseas 10:14

Busa ang kasamok sa gubat batok sa inyong mga katawhan ug mangaguba ang inyong pinarilan nga mga lungsod. Himuon sa inyong mga kaaway ang sama sa gihimo ni Shalman sa lungsod sa Bet Arbel nga gidugmok niya ang mga inahan ug ang ilang mga kabataan.

Mateo 21:16

Busa nangutana sila kang Jesus, “Nadunggan mo ba usab ang ilang gisulti?” Mitubag si Jesus, “Oo. Ngano, wala ba kamo makabasa sa giingon sa Kasulatan: “ ‘Bisan ang gagmayng mga bata gitudloan sa Dios nga modayeg kaniya’?”

Santiago 2:13

Kay sa paghukom sa Dios, dili gayod siya maluoy sa tawo nga walay kalooy. Apan ang maluloy-on walay angay kahadlokan sa adlaw sa paghukom.

Josue 6:17

Ang tibuok lungsod ug ang tanan nga anaa niini laglagon sa hingpit ingon nga halad ngadto sa Ginoo. Si Rahab lang nga nagbaligya sa iyang dungog ug ang tibuok niyang panimalay ang luwason tungod kay gitagoan niya ang atong mga espiya.

Josue 6:21

Gihalad nila sa hingpit sa Ginoo ang lungsod pinaagi sa pagpamatay sa mga lalaki ug babaye, tigulang ug bata, ug lakip ang mga baka, karnero, kanding, ug mga asno.

1 Samuel 15:3

Busa karon, sulonga ang mga Amalekanhon! Laglaga sa hingpit ang tanan nga anaa kanila. Pamatya ang ilang mga lalaki, mga babaye, mga kabataan, apil ang mga masuso, ang mga baka, mga karnero, mga kanding, mga kamelyo, ug mga asno.’ ”

1 Samuel 15:8

Gipamatay nila ang tanang mga Amalekanhon, apan si Agag nga ilang hari ila lang gibihag.

1 Samuel 15:9

Wala usab nila patya ang labing maayo nga mga karnero ug mga baka, apil ang mga nati niini. Ang tanang maayo wala nila laglaga, apan ang mga daot ug dili mapuslan ilang gilaglag.

1 Samuel 21:1

Unya, miadto si David kang Ahimelec nga pari sa Nob. Nagkurog sa kahadlok si Ahimelec sa dihang nakita niya si David. Nangutana si Ahimelec, “Nganong nag-inusara ka lang?”

1 Samuel 22:11

Unya gipatawag ni Saulo ang pari nga si Ahimelec nga anak ni Ahitub, ug ang tibuok niyang panimalay nga mga pari sa Nob. Ug miadto silang tanan kang Saulo.

1 Samuel 22:9

Usa sa mga nagtindog didto uban sa mga opisyal ni Saulo mao si Doeg, nga taga-Edom. Miingon siya kang Saulo, “Sa dihang didto ako sa Nob, nakita ko si David nga miadto kang Ahimelec nga anak ni Ahitub.