1 Samuel 22:17 - Ang Pulong sa Dios

¹⁷ Unya gisugo ni Saulo ang mga tigbalantay sa iyang tapad, “Patya ang mga pari sa Ginoo kay midapig sila kang David. Nasayod sila nga miikyas si David apan wala gayod sila mosulti kanako.” Apan wala gayod makaako pagpasipala sa mga pari sa Ginoo ang mga opisyal sa hari.

Ang Biblia 2011

¹⁷ Unya ang hari miingon ngadto sa bantay nga nagtindog tupad niya, “Liso ug patya ang mga pari sa Ginoo tungod kay ang ilang kamot uban usab kang David, ug sila nahibalo nga siya mikagiw ug wala magtug-an niana ngari kanako.” Apan ang mga sulugoon sa hari wala mobakyaw sa ilang kamot batok sa mga pari sa Ginoo.

Maayong Balita Biblia

¹⁷ Unya giingnan sa hari ang guwardiya nga duol kaniya, “Patya ang mga pari sa Ginoo kay sila usab mga kaabin ni David ug nasayod sila nga siya milayas apan wala ako nila pahibaw-a niini.” Apan ang mga guwardiya sa hari nagdumili sa pagpatay sa mga pari sa Ginoo.

Ang Bag-ong Maayong Balita Biblia

¹⁷ Unya giingnan sa hari ang guwardiya nga duol kaniya, “Patya ang mga pari sa Ginoo kay sila usab mga kaabin ni David ug nasayod sila nga siya milayas apan wala ako nila pahibaw-a niini.” Apan ang mga guwardiya sa hari nagdumili sa pagpatay sa mga pari sa Ginoo.

1 Samuel 22:17 Cross References

2 Samuel 15:1

Sa paglabay sa panahon, nakaangkon si Absalom ug karwahi ug mga kabayo, ug 50 ka mga tigbalantay.

1 Mga Hari 1:5

Unya, si Adonia nga anak ni David kang Hagit mipasigarbo nga siya ang mahimong hari. Busa gaandam siyag mga karwahi, mga kabayo, ug 50 ka mga kalalakin-an nga mouna kaniya ingon nga mga tigbalantay.

1 Mga Hari 14:27

Busa nagpahimo si Haring Rehoboam ug mga taming nga bronsi nga puli niadtong mga taming, ug gitugyan niya kini sa mga opisyal sa mga tigbalantay nga nagbantay sa pultahan sa palasyo.

1 Mga Hari 18:4

Sa dihang gipamatay ni Jezebel ang mga propeta sa Ginoo, gitagoan ni Obadias ang 100 ka mga propeta sa duha ka langub, 50 sa matag langub, ug gihatagan niya sila ug pagkaon ug tubig.)

2 Mga Hari 10:25

Pagkahuman ni Jehu ug halad sa mga halad nga sinunog, gimandoan niya ang mga tigbalantay ug mga opisyal, “Sulod kamo ug pamatya ninyo sila! Ayaw ninyo pasagdi nga adunay makaikyas kanila!” Busa gipamatay nila ang mga alagad ni Baal pinaagi sa espada ug gipanglabay ang ilang mga patayng lawas sa gawas. Unya nanulod sila sa kinasuloran nga bahin sa templo ni Baal,

Exodo 1:17

Apan nahadlok sa Dios ang mga mananabang, busa wala nila tumana ang giingon sa hari sa Ehipto. Gipasagdan nila nga mabuhi ang mga batang lalaki.

Mga Buhat 4:19

Apan mitubag si Pedro ug si Juan kanila, “Huna-hunaa ra gud ninyo pag-ayo kon asa niini ang matarong sa panan-aw sa Dios: ang pagtuman kaninyo o ang pagtuman sa Dios?

1 Samuel 14:45

Apan miingon ang mga tawo kang Saulo, “Si Jonatan ang nagpadaog kanato, ug karon ato siyang patyon? Dili mahimo! Manaad kami sa buhi nga Ginoo nga dili gayod siya maunsa, kay ang Dios ang nagtabang kaniya sa gihimo niya karong adlawa.” Busa wala patya si Jonatan, kay giluwas siya sa mga tawo.

1 Samuel 2:31

Timan-i kini, moabot ang panahon nga laglagon ko ang tanang pamatan-on sa inyong pamilya ug sa uban pang mga kaliwat sa inyong katigulangan. Mag-antos kamo ug dili ninyo matilawan ang kadagaya nga ihatag ko sa Israel. Wala na gayoy magkinabuhi ug taas kaninyo.

1 Samuel 20:33

Apan gibangkaw siya sa iyang amahan aron patyon. Busa nahibaloan niya nga desidido gayod ang iyang amahan sa pagpatay kang David.

1 Samuel 22:13

Miingon si Saulo kaniya, “Nganong nagplano kamo ni David ug daotan batok kanako? Gihatagan mo pa siyag pagkaon ug espada, ug nangutana ka pa sa Dios alang kaniya! Karon nakigbatok siya kanako, ug nagtinguha sa pagpatay kanako!”

1 Samuel 22:16

Apan miingon ang hari, “Mamatay ka gayod, Ahimelec, ug ang imong tibuok panimalay.”

1 Samuel 25:17

Karon, huna-hunaa kon unsay maayo nimong buhaton, tungod kay moabot ang katalagman sa imong bana ug sa iyang tibuok panimalay. Daotan kaayo siya ug batasan ug dili siya masultihan.”

1 Samuel 8:11

Miingon si Samuel, “Mao kini ang himuon sa hari nga modumala kaninyo: kuhaon niya ang inyong mga anak nga lalaki ug himuon niyang mga sundalo. Himoon niya silang mga tigkarwahi, tigkabayo, ug ang uban tig-una sa iyang karwahi.