1 Samuel 21:5 - Ang Pulong sa Dios

⁵ Mitubag si David, “Dili kami makigdulog ug babaye kon aduna kami misyon. Bisan ordinaryo lang nga misyon ang among adtoan kinahanglang manghinlo kami. Unsa pa kaha niini nga misyon!”

Ang Biblia 2011

⁵ Ug si David mitubag sa pari, “Sa pagkatinuod ang mga babaye gipahilayo gikan kanamo kanunay kon ako adunay panaw. Ang mga sudlanan sa mga batan-ong lalaki ginahin bisan sa usa ka naandan nga panaw, unsa pa kaha ka ginahin ang ilang mga sudlanan karon?”

Maayong Balita Biblia

⁵ Ug gitubag ni David ang pari, “Ang tinuod kon paingon kami sa gubat dili kami pahilabton ug babaye. Bisan gani sa mga ordinaryong panaw kinahanglang magbalaan kami ug labi na gayod karon nga kami adunay tuyo.”

Ang Bag-ong Maayong Balita Biblia

⁵ Ug gitubag ni David ang pari, “Ang tinuod kon paingon kami sa gubat dili kami pahilabton ug babaye. Bisan gani sa mga ordinaryong panaw kinahanglang magbalaan kami ug labi na gayod karon nga kami adunay tuyo.”

1 Samuel 21:5 Cross References

Exodo 19:14

Milugsong si Moises sa bukid ug gisugo niya ang mga tawo nga manghinlo sa ilang kaugalingon. Ug gilabhan sa mga tawo ang ilang mga bisti.

Exodo 19:15

Miingon si Moises kanila, “Pangandam kamo sa inyong kaugalingon alang sa ikatulong adlaw; ayaw una kamo pagpakighilawas sa inyong asawa.”

Exodo 25:30

Ug kini nga lamisa kinahanglang butangan kanunay ug pan nga ginahalad sa akong presensya.

Levitico 24:9

Kini nga mga pan alang sa mga pari nga kaliwat ni Aaron. Kan-on nila kini didto sa balaang dapit sa Tolda, tungod kay balaan kaayo kini nga bahin sa mga halad alang sa Ginoo, ug alang gayod kini kanila hangtod sa kahangtoran.”

Levitico 8:26

Unya mikuha si Moises ug usa sa matag klasi sa mga pan nga walay patubo sulod sa bukag nga gihalad ngadto sa Ginoo. Ang iyang gikuha: pan nga baga nga walay patubo, pan nga sinagolan ug mantika, ug pan nga nipis. Gipamutang niya kini sa kamot ni Aaron ug sa mga anak niini apil ang tanang mga tambok ug ang tuo nga paa sa karnero, ug gibayaw nila kini ngadto sa Ginoo isip halad nga binayaw.

Mga Buhat 9:15

Apan miingon ang Ginoo kang Ananias, “Lakaw, adtoi siya, tungod kay gipili ko siya nga mag-alagad kanako aron ipaila niya ang akong ngalan sa mga dili Judio ug sa ilang mga hari, ug sa mga Israelinhon.

1 Mga Taga-Corinto 7:5

Busa ayaw ninyo pagdid-i ang inyong asawa o bana kon gusto niyang buhaton ang naandan nga gibuhat sa managtiayon, gawas lang kon magsabot kamo nga dili lang una kamo magbuhat sa ingon, tungod kay gusto ninyo nga gamiton ang inyong panahon alang sa pag-ampo. Apan pagkahuman sa inyong kasabotan, ibalik ninyo ang inyong naandan nga gibuhat ingon nga managtiayon, kay basin kon sa kaulahian dili na kamo makapugong sa inyong pagbati, ug tintalon kamo ni Satanas.

1 Pedro 3:17

Mas maayo pa nga mag-antos kamo tungod sa inyong gibuhat nga maayo, kon mao kana ang kabubut-on sa Dios, kaysa mag-antos kamo tungod kay nakabuhat kamo ug daotan.